Ang Tibong Inlove |Season 1

CHAPTER 58

"Eh, bakit ba. . ?! Gusto ko dito, eh!"

"Eh, bakit nagagalit ka? Tinatanong kita ng maayos, eh."

"Bawal bang tumabi sa'yo?"

"Pwede. Pero hindi ikaw."

"Kapal mo, ah.."

Umiling-iling na lang ako at itinali ang buhok ko sa low-ponytail saka nagpatuloy sa pagbabasa. Habang nasa gitna naman ako ng pagbabasa ay nalatigil ko na iyon dahil may naramdaman nanaman akong mata na nakatuon sa akin. Pati ang pagpapaikot ko ng ballpen sa daliri ko ay natigil na din.

Dahan-dahan akong napatingin doon kung saan ko naramdaman na may nakatingin sa akin.. saka ko lang napagtanto, na si Bading pala iyon. Ang inaasahan ko ay iiwas niya ang tingin sa akin dahil nahuli ko na siya pero hindi. Nangalumbaba pa siya at mas tinitigan ako kaya tinitigan ko din siya.

Pero ang uri ng titig ko na iyon ay parang binabasa na siya.. ibang-iba na ang mga kinikilos niya these past few dahs, at masasabi kong hindi iyon maganda dahil may kakaiba akong nararamdaman sa mga kinikilos niya.

Nung nagdaang araw, sa twing susubukan nung ibang bakla na lumapit sa akin ay inuunahan na sila ni Bading saka siya makikipag-asaran sa akin..

"Bakit ka ba nakatitig sa akin?" inis na bulong ko na, umiling lang siya saka tumitig ng mas malalim.. "Pwede ba? 'Wag mo akong titigan? Dahil hindi ako makapagreview ng maayos,"

Pero hindi niya pa din inalis iyon. Doon ko na din narinig ang panunukso ng apat sa akin kaya sa ilang ay agad na akong tumayo at kinuha ang mga libro na ginamit ko bago inilagay iyon sa pinaglalagyan non.

Napansin ko naman ang ibang estudyante na napapasulyap sa akin at magbubulungan, pero ayos lang naman sa akin iyon dahil nasanay naman na akong may maraming chismosa sa paligid ko.

"Uy, hala!"

"Uy, uy, uy!"

"Ayoko na nga mag-aral! Lagi na lang!"

"Miss, may PDA po dito oh!"

"Luh.. sakit niyo na."

Napalaki ang mga mata ko at napatingin sa may bandang t'yan ko nang may pumulupot na kung ano doon. "Tayo ka naman nang tayo.. May tagos ka, oh.."

Napatingala ako at halos mag-init ang buong mukha ko nang magtama agad ang nga mata namin ni Bading na nakita ko pa ngang napangiti.

Naiawang ko na lang ang labi nang dere-deretso siyang umatras. Ako naman, dahil sa mga panunukso ng mga estudyante na sinakyan pa ng librarian ay pumunta na agad ako sa banyo. Para na din magpalit ng pang-ibaba kong kasuotan.

"King ina.." napapayuko kong ani at napayuko pa sa lababo. "Ayoko na. Bakit ba kailangan niya akong yakapin? Ang sama talaga ng ugali."

Pagkalabas ko ng banyo ay napatigil agad ako dahil naabutan ko si Bading doon na maarteng nakakrus ang mga braso habang parang may hinihintay. Dahil hawak ko naman na din ang jacket niya ay ibinigay ko na sakaniya iyon nang magtama na ang mga paningin namin.

"Salamat," sarkastikong sabi ko at saka tumalikod sakaniya, narinig ko pa siyang tumili habang tinatawag ang pangalan ko pero hindi ko na siya nilingon, bahala siya d'yan..