مالك قلبى

البارت الخامس عشر

مالك بصدمة :—- يعنى اية التهريج دة
محمد :—- يعنى زى ما سمعت بنت عمى وخطبتها
مالك :—- انت هتستعبط انا وانت عارفين انها مش بنت عمك
مليكة بجرأة عكس الخوف الذى يتملكها:— حضرتك عاوز اية يا باشمهندش الوقتى دا خطيبى
مالك بحدة :— مليكة فوقى انتى ازاى توافقى على البنى ادم دة
لتتدخل همس وحور
حور :— مليكة اية التهريج دة احنا مش فاهمين حاجة
همس:—- فين طموحاتك وامير أحلامك يا مليكة انتى فايقة وعارفة انتى بتعملى اية
مليكة :— أظن القرار دة من رأىى انا
انا اللى اختار
وبعدين محدش يشغل بالة بيا بقا انتى اتخطبتى يا همس للدكتور اللى قلبك دق لة
وانتى يا حور أمنيتك اتحققت ولقيتى حد تخطفى قلبة ويتقدملك بنفس الطريقة اللى كنتى بتحلمى بيها
وانا بقى خلاص عرفت نصيبى ومتقبلاة
لتجد صفعة قوية على وجهها من والدتها
والدة مليكة :—— يخسارة تربيتى فيكى معأنك مأعديش مع مروة ولا خدى من صفاتها بس حاسة انة هى اللى واقفة ادامى
راحة تتخطبى للى كان سبب فى موت ابوكى او اللى المفروض كان ابوكى
من النهاردة انتى موتى بالنسبة لنا كلنا لو متراجعتيش عن القرار دة
مليكة بثبات عكس ما بداخلها :— وانا مش هتراجع
مع السلامة يا الا يا محمد لتغادر القاعة فى صدمة الجميع
وينتهي الحفل والحزن مخيم على الجميع
مالك :— يا الا عشان أروحكم
وانت يا مروان خد عروستك وخرجها
مروان :— لا مش لازم النهاردة الموضوع مش مستاهل
مالك بحدة:— بقولك خد عروستك وخرجها هى ملهاش ذنب فرحتها تتكسر كدة
ليذهب عند همس ومحمد خطيبها
مالك :— الف مبروك يا همس الف مبروك يا دكتور
معلش على اللى حصل والعكننة دى
الدكتور محمد :— ولا عكننة ولا حاجة اصلا احنا كنا فى اخر الحفلة حصل خير
مالك :— تب خد عروستك بقى وخرجها عشان الجو معدش لطيف كدة
همس :— لا انا مش راحة فى مكان انا هروح بقى
مالك:— افرحى الاول بيومك وبعدين نشوف اللى حصل
وبعدين حور كمان مروان هيفسحها اهو
ياالا بقى اروح انا
ليتركهم مالك ويغادر ليوصل والدتة ووالدة مليكة وميرا المنزل
ويتركهم ويغادر

عند مليكة :— عملت اللى قلت علية اهو سيبنى فى حالى بقى
محمد :—- اسيبك ازاى بس يا قطة خلاص الكل باعك اهو معدش ليكى حد الا انا
مليكة :— دا نجوم السما اقربلك وبعدين حور بقت مع مروان يعنى قادر يحميها منك كويس اوى وانت لعبتك خلصت
محمد :—- بصى مش هرد عليكى دلوقتى بس انتى زى الشاطرة تروحى تلمى هدومك عشان هاجى اخدك بكرة
مليكة بعصبية:—- انت واحد متخلف مبتفهمش بقولك مش راحة معاك فى مكان وخلاص لعبتك باظت
محمد بهدوء :— بكرة لو مجتيش بمزاجك هاخدك غصب عنك يا امورة
ويتركها وسط تهشتها
لتغادر مليكة وتذهب الى سكنها هى وحور وهمس

عند حور
مروان :— تب انتى بتعيطى لية الوقتى بس دا انتى المفروض تكونى فرحانة
حور ببكاء:— هفرح ازاى ما هى الفرحة راحت باللى مليكة عملتة
مروان:— انا مش عارف ازاى بصراحة عملت كدة ولية
حور:— اكيد فى حاجة أجبرتها على كدة احنا كنا كويسين خالص ومجبتش سيرة وهى عمرها مخبت حاجة عننا
مروان:— خلاص اهدى بس اكيد معاها عذرها بكرة لما تهدى هتعرف انها غلطانة وكل حاجة هترجع زى الاول
حور :— يا رب
مروان :— بس تصدقى رغم اللى حصل النهاردة دة بس انا طاير من الفرح
حور بكسوف:— ازاى يعنى
مروان :— ما خلاص أميرتي وافقت وبقت معايا وبتكلم معاها اهو هو دة حقيقة ولا بجد
حور بضحك:— لا بهزار يا خفة
ونتركهم سويًا

عند همس
الدكتور محمد :— مبروك يا همستى
همس بحزن :— مبروك بعد اية بقى ما الليلة باظت
محمد ليضحكها:— باظت ازاى دا كان خلاص كلها ربع ساعة ونمشى يعنى فرحنا ورقصنا وعملنا كل حاجة
همس ببكاء :—- بس اهم حاجة فى الليلة دى محصلتش
محمد بحنية:— تب بس بتعيطى لية الوقتى
همس:—- عشان مرقصتش معاك على اغنية حبيتك بالتلاتة بتاعت نداء شرارة
محمد :— تصدقى انك هايفة وانا غلطان انى اعد أراضى فى واحدة زيك
لنتركهم سويا

عند مالك
يقف بسيارتة فى مكان لا يوجد فيه أشخاص
مالك لنفسة :— لية عملتى كدة يا مليكة
عقل مالك :—- عادى يعنى هو دة العادى بتاع البنات غدارين سابتك زى ما نوران ما عملت قبل كدة
قلب مالك :—- لا اكيد فية حاجة حصلت خليتها عملت كدة ممكن يكون الزفت دة اجبرها
عقل مالك :—- ولا اجبرها ولا حاجة وبعدين دى مليكة شخصيتها عنيدة مش بتعمل اى حاجة الا لما تكون بمزاجها
لنترك مالك مع حوار عقلة وقلبة

عند حمدى
يدخل عليهم محمد
مروة :— ها عملت اية
محمد :— كل خير يا ست الكل وهتكون عندك من النجمة
مروة :— يا ما نفسى ازلها واكسر مناخيرها هى واللى ربتها
محمد :— متستعجليش بكرة هتجيلك انتى حرة فيها

عند والدة مليكة
والدة مليكة :—- لية عملتى كدة يا بنتى
والدة مالك :— مش عارفة بس انا كنت حساها وهى بتتكلم كدة انها خايفة
والدة مليكة :— هتخاف من اية ومن مين بس
يا خوفى لتكون عملت كدة بتعند معانا انا عرفاها دماغها ناشفة
ميرا :—- يا طنط هى بس عايزة حد يكلمها بهدوء ويشوف هى عملت لية كدة

عند مليكة
تدخل عليها حور وهمس فى نفس الوقت
حور بعصبية:— ممكن نفهم بقى ايةً اللى حصل فى بنى ادم طبيعى يعمل كدة
مليكة :— دى حاجة تخصنى ملكوش دعوة
همس:—مفيش حاجة اسمها تخصنى ومتخصكيش
احنا طول عمرنا حياتنا واحدة متجيش دلوقتى وتقولى كدة
حور :—- بعد اذنك يا مليكة فهمينا اللى حصل متوتريناش اكتر من كدة
مليكة :— صدقونى مش هعرف اقولكم بس انا عملت كدة فعلا غصب عنى وهحل المشكلة دى قريب
وتتركهم وتدخل غرفتها
مليكة لنفسها :— لية بس كدة
حتى الفرحة اللى المفروض أفرحها فى احلى يوم اتكسرت
لية مش مكتوب ليا افرح وفرحتى علطول مكسورة كدة
ببكاء
وتنام فى سبات عميق تتمنى ان هذا يكون حلم

ليمر الليل بسلام
فى الصباح تستيقظ مليكة على ضربات قوية على الباب
لتفتح مليكة الباب
مليكة بخضة :— هو انت 😧

ولم يعرف الفرح طريقى ولو صدفة
ولو مرت صدفة لم تكتمل ولو للحظة

Kholoud khaled 🌺