مالك قلبى

البارت التانى

عند مليكة ذهبت الى بيتها وجلست مع خالاتها واولادهم فى جو عائلي جميل لتذهب الى غرفتها وتفكر فى حياتها تريد ان تزيح الحمل من على ابيها فقد تعب كثيراً من اجلها
مليكة لنفسها :— يا رب سهلها من عندك انا تعبت واجتهدت علشان ادخل الكلية اللى بحلم بيها وقلت دى اللى هتعوض صبر بابا وماما وهتنقل نقلة تانية بس طلعت الحكاية مش سهلة زى ما كنت فاكرة يا رب الحل من عندك
لتدخل عليها والدتها :— مالك يا مليكة فية ايةً يا بنتى حساكى الاجازة دى مش زى عادتك لا بتهزرى ولا بتضحكى تعبانة من حاجة يا حبيبتى ولا ناقصك حاجة ومكسوفة تقولى
مليكة :— لا يا حبيبتى مش ناقصنى حاجة واللة ربنا يخليكوا ليا مش مخلينى محتاجة حاجة بس انا تعبانة.من المذاكرة شوية ويدوبك الاجازة يومين
والدتها:— ربنا معاكى يا حبيبتى ويحقق لك كل أحلامك واشوفك هبلة كدة علطول مش متعودة على هدؤك
مليكة:— حاضر يا ست الكل ممكن بقى تقومى وتخليكى نشيطة وتعمليلى كوباية نسكافيه عشان اقرأ الرواية بمزاج
والدتها:— بجحة طول عمرك يا رتنى ما عبرتك فى الجزمة
لتقوم والدتها وتتركها مع روايتها فهى تعلم ان الروايات تكون ملجأها عندما تكون فى مزاج سئ
لتقرأ مليكة روايتها وتخلد فى نوم عميق

عند مالك :— يسلم على والدتك وأختة ويغادر للسفر
مالك :— اشوف وشكم بخير انشاء اللة اخر الاسبوع هاجى اخدكم اكون رتبت الدنيا عندى
ميرا:— متقلقش يا أبية سايب وراك قطة😂
مالك :— ماشى يا لمضة مع السلامة
والدة مالك:— توصل بالسلامة يا حبيبى خد بالك من نفسك
مالك :—مع السلامة
ليتركهم مالك وفى طريقة الى القاهرة ليرن تليفونة
مروان:— ايةً يا صاحبى جيت ولا لسة ما انت ولا همك هتلاقيك مقضيها  فسح عندك ولا معبر الكلب اللى متمرمط هنا لوحدة
مالك :— ايةً يا ابنى الكلام دة كلة حنفية وانفتحت مش بتقفل انا فى الطريق اهو وحسابنا بعدين على الكلام دة
مروان :— وعلى ايةً يا عم انا بهزر معاك يا ابو الملوك يا حبيبى
مالك :— جبان واية اسم المياصة وأبو الملوك دة اقفل يا مروان عشان مزعلكش منى
مروان :— حاضر مع السلامة يا ابو الملوك
ليغلق مالك التليفون ويفكر فى البنت الذى تجرأت وشتمت مالك الاسيوطى ومن هى لتتكلم معاة بهذا الشكل
مالك لنفسة :— افوق لك بس وارجع اعرف انتى مين واعرفك ازاى تتجرأى عليا

عند مليكة تستيقظ على صوت التليفون
همس :— نموسيتك كحلى يا ست مليكة انتى يا بت لسة نايمة واحنا ورانا سفر
مليكة :— خلاص صحيت اهو نجهز واستناكم على الموقف
همس :— يا مسهل يا رب انجزى يا اختى
مليكة :— سلام
لتنهض مليكة وتأخذ. شاور وتجهز شنطتها
مليكة :— ماما يا ماما
والدة مليكة :— عشان تعرفى بس انى ام طيبة مرضتش اصحيكى النهاردة
مليكة :— هو انا ليا غيرك يا ابيض يا حلو انت
فطرينى بقى هاتى ساندوتش كدة عالسريع عشان متأخرة
والدة مليكة :— حاضر يا حبيبتى دا البيت بيفضى علينا واللة
مليكة :— انتى عارفة يا ماما انة الكلية دى كانت حلم حياتى ربنا يقدرني بقى وأقدر اشيل الحمل من عليكم شوية
امال فين بابا اسلم علية قبل ما امشى
والدة مليكة :— ما انتى عارفة بيروح الفرن بدرى يا حبيبتى مرضاش يصحيكى من النوم
مليكة :— يا حبيبى سلميلى علية كتير يا ماما لما يجى
وهاتى الساندوتش دة واخلع انا بقى زمان البنات هيولعو فيا كدة
والدة مليكة:— توصلوبالسلامة يا حبيبتى
لتذهب مليكة الى الموقف لتجد حور وهمس بإنتظارها
همس:— وربنا انا هتشل منك يا بت انتى مش قيلالى هلبس ونازلة اهو بقالنا ساعة واقفين
لترد مليكة:— معلش يا جماعة كنت بقرأ فى الرواية بالليل ومحستش بنفسى الا والنهار طالع
حور:— خليكى فى روايتك الخيالية دى عايشة لنا دور الأميرة والفارس ابو حصان ابيض
لترد مليكة بقوة:— واللة دى حاجة تخصنى احلم محلمش انا حرة
همس :— خلاص احنا بنتكلم هنقلبها خناقة ولا ايةً يا الا عشان العربية هتطلع
ليصعدو داخل العربية
لتجد مليكة أمامهم اخ واخت يمرحون معاً فتترقرق الدموع فى عينيها
مليكة فى نفسها :— ياما كان نفسى فى اخ يكون ليا سند وطهر يكون سرى
وتفضل طول الطريق سرحانة لا تتكلم مع حور وهمس
حتى وصلو الى وجهتهم لتنادي عليها حور :— مليكة مليكة
ايةً يا بنتى احنا وصلنا هتفضلى سرحانة كدة
مليكة :— تب ياالا
ليتوجهوا الى سكنهم ويمر اليوم دون احداث جديدة
تانى يوم فى كلية الالسن
حور:— مليكة مليكة الحقى
مليكة :— ايةً اللى حصل
حور :— فية شركة أدوية كويسة عاملين اعلان فى الجرايد عن سكرتيرة والمبلغ حلو اوى
مليكة :— هاتى كدة اشوف الإنترفيو امتة
حور :— المفروض النهاردة الساعة ٣ يعنى هنكون خلصنا محاضرات
همس:— أستعينى باللة بقى كدة واحنا كمان هننزل ندور على شغل وفكك من الاكتئاب دة بقى
مليكة :— انشاء اللة
لينتهو من الكلية
مليكة :— يا الا يا بنات الساعة بقت ٢ نروح عشان الحق البس واحضر الورق المطلوب
حور وهمس :— يا الا بينا
ليذهبوا الى سكنهم وتنتهى مليكة من تجهيز نفسها
مليكة :— انا ماشية يا بنات ادعولى
حور وهمس :— ربنا معاكى يا حبيبتى
لتذهب الى شركة الاسيوطى
مليكة لرجل فى الشركة :— بعد اذنك انا جاية تبع اعلان السكرتيرة
الرجل :— اطلعى للمهندس مروان فى الدور التالت اول مكتب على ايدك اليمين
مليكة :— الف شكر
لتتوجهة الى مكتب مروان لتقابل السكرتيرة
مليكة :— لو سمحتى ممكن أقابل باشمهندش مروان
السكرتيرة :— ايوة حضرتك مين
مليكة :— انا جاية تبع الإعلان
السكرتيرة :— تب اتفضلى مع البنات اللى هناك دى والباشمهندس مروان هيطلع الوقتى
وبعد خمس دقائق يخرج مروان من المكتب لينادى لمليكة
مروان :— اتفضلى معايا يا آنسة
ليتوجهوا الى مكتب مالك ليدخل مروان
مروان:— مالك البنات بتوع الإعلان برة هدخلك اول بنت اهو
مالك :— ماشى
مروان لمليكة :— اتفضلى يا آنسة ادخلى للأستاذ مالك
مليكة :— شكراً
لتدخل الى المكتب
مالك دون ان يرفع نظرة من الأب توب الخاص بك :— اتفضىلى ادخلى واقفلى الباب
مليكة لنفسها:— ايةً البنى ادم المغرور دة حتى مبصليش هو شكلة يوم مش باين من اولة
ليرفع مالك نظرة ويقول :— اتفضلى يا آنسة
لتتلاقى اعينهم
مالك بحدة وصوت عالى:— هو انتى يا اهلًا بيكى
مليكة :— هو انت ؟؟؟؟؟؟
Kholoud khaled 🌺