زدت يومين عرفت بلي يماک تاني ماتت.. رحت لجدک نقولو مي قسح قلبو وقال معنديش بنتي وسمها ياسمينة
درت واجبي ورحت ستكلفت بكلش وانا دفنتها وصلينا عليها مي باباک الله اعلم وينو
ربي يرحمهم ويغفرلهم ان شاء الله
كنت نسمع فكل كلمة يقولها وعينيا ويدان نبكي على يما لي ماتت مقتولة ولا بابا ثاني
ماما لي كنت نتمنا غير حضن واحد منها قتلوهالي.. خلاتني صغيرة مشابعاش منها.. ولا بابا لي منعرفوش
نطقت بين شهقاتي بسيف
ميار: بابا.. وسمو
فيصل: علاه وراقک معندكش
ميار: لالا.. راني ماركيا على.. لي رباوني
فيصل : والله منفكر مليح وقيل صهيب سلام.. آآآ صهيب بن سالم ايذا مكذبنيش ربي
ميار: صهيب بن سالم
فيصل: هكا نشالله قتلک كلش بنتي وما خبيت والو وربي قدرني باش قتللک بلاک طولت عليک غير محبيتش نقولک حاجة ناقصة
ميار: حابة نشوف قبر يما
فيصل: آنعم نديک ليه مي حالتک متسمحش نديک هكا راح تزيدي اهداي شويا ونديک ان شاء الله
جواد: ربي يجازيک
فيصل: اللهم آمين
جواد: حنا نخلوک على خير
فيصل : في آمان الله ولادي
نضت انا لولى نرمي خطواتي بسيف وجواد مورايا
غير خرجنا حسيت دنيا دور وعينيا ضبابو وثقالو حتى محسيت والو بعدها
¤¤¤¤¤¤¤¤¤¤¤¤¤¤¤¤¤¤¤¤
«جواد»
بعد واش سمعنا كامل وصوت بكيتها هكاک قدامي قلبي وجعني علبالي صعيبة عليها بزاف
خرجنا ملثم هي قبلي وانا نمشي موراها.. شفتها تتمايل وجات طايحة فلرض جريت ليها وحكمتها قبل ماطيح
خبطتها في خدها محبتش تنوض رفدتها وديتها لطونوبيل
فتحت لباب بسيف وقعدتها.. جبتلها لما رشيتها شويا كي بدات تتحرک مديتلها تشرب
شوفتها هكا قطعتلي قلبي.. منهار شفتها كانت هي ضحايكية ولي بدلتنا دار وبدلتني انا
BINABASA MO ANG
♥عيناگ قدري♥{باللهجة الجزائرية}
Romanceسلااااموووو .. هاذي اول كرونيک ليا في حياتي تقدرو تقولو قريت كامل لواتباد ووليت نتخيل برک وقلت خلي نبين قدراتي الكتابية وافكاري 😂 .. نتمنى تعجبكم ونلقى التفاعل 🍁المقدمة 🍁 راح تكون بين شخص همو الوحيد الدين.. ونظرة المجتمع ... صارم بزاف.. شخصية مع...
° 21 °
Magsimula sa umpisa
