طريقنا صعب

البارت ٢٣

رزان : طلعت ماما واحس من كلت مااقبل رتاحت .. قبل ليطلع بابا لزمت ايدة ..

كتلة ..

رزان : بابا بس شوي تعال

محمد :كولي شكو

رزان : يعني انت ليش كلتلي .. بابا ليش احس لو اني قبلت جان انت قبلت ونطيتهم الموافقة

محمد : هههه شوفي رزان لكُل حادث حديثٍ يعني لو قابلة جان صار غير حجي يمكن اتفقنا بعد متخلصين سادس ويمكن شرطنا بيت بحدكم ويمكن ويمكن ويمكن .. بس مدام انتي ماقبلتي خلص ولااحاجيج بهذا الموضوع بعد ..

لان اني اوديج للسوك تشترين قطعة ملابس تاخذين رأيي بيها .. ومن نرجع للبيت تكليلي كلة من وراك صارت اللبسة محلوة .. انوب زواج وتزوجين وبلكي من الاساس ماتوالمتوا والمشاكل زادت ؟! وين اروح من ربي اني ؟

رزان : جنت منتبهة لكُل كلمة يكولها بابا .. صفنت .. اني عندي هيج اب ؟!

رفعت نفسي وبستة بخدة

رزان : ولله اشكرك هواية بابا

محمد :شعندي غيرج اني وهاي سالفة مستقبل حتى لو هبة صار وياها هيج هم اتصرف مثل هسة

رزان : حضنت بابا .. شوي وطلع ..

كعدت على جربايتي ورجلية ترجف .. هسة شكول للبنات ؟شكول لنرجس !! خلي اعوفهن ذني
...

شنو اكول لقسوورا !!!! شراح يصير بينة احنة !!

بساع اخذت ملابسي ودخلت سبحت ..

طلعت نشفت شعري وضليت افتر بالغرفة .. كعدت يم المراية .. طلعت المكياج ..

اريد الهي نفسي اسوي اي شي .. اي شي في سبيل انسة السالفة ..

رزان : ضليت افكر وافكر .. هوً تصرفة غلط بغلط المفروض ياخذ رأي بس اني رفضتة يعني شنو ؟! يعني هسة يلوفها علية ويكلي انتي رفضتي ويعوف الخطأ مالتة ..

لاولله لو شيصير .. مااخلي يسوي الغلط علية اني ..

لو منتظر بعد سنة شيصير !!

رزان :اعيد هذا التفكير ببالي كلساع .. راسي راح ينفجر من كد مفكرت .. باوعت لنفسي ..

مكيجت مكياج بعرسي ماسوي هيج .. شسالفة وين رايحة اني .. هلكد ندمجت .. مسحت شوي منة وخففت الالوان .. اخذت شالي ونزلت ..

لكيت الكُل كاعدين على العشة .. والله فشلة مانزلت ساعدتهن ..

كعدت يم نرجس .. باوعت حتى قسورا موجود ..

احس مستحية من الكُل ..

رفعت راسي اجتي عيني بعينة.. ابتسملي ..

ابتسمت شوي الة
بساع سمعت نرجس تكلي ..

نرجس : رزان شبيج