حكاية درة

الحلقة الخامسة

اشكركم ع التصويت الحلو واتمنى تضلون تصوتون قبل او بعد القراءة
والي يسالون ع النشر حبايبي النشر يومي ساعه8  بتوقيت بغداد
اما اليوم نزلته من وكت لان عندي طلعه وحتى ما اخليكم تنتضرون
نزلته من وكت ..
اما الي يريدون صوره مشابهه للابطال فمن عيوني لكن مو هسه حتى يقوى تفاعلكم للقصه وانزلها الكم من عيوني...
وهسه نبلش بقراءة الحلقة الخامس من حكاية درة
متابعة ممتعة

حكاية درة
الحلقة الخامسة
#زينب_عبد_المطلب🦋

 
سأقطف....الشمسي.
وازرعها...في...روضه..حبكِ..
فيكون الصباح اشراقه وجهكِ
وتختفي الفصول الاربعه
ويبقى..الربيع..عنوان..عشقكِ
يا.فتاه....الصبا..
من...انتي؟؟
بل.من...أنا..
عيناك...كبحر..هائج...غرقت..فيه
سفني....
غادرت...الارض .فليس..لي..من..
سكني..
سوى...احضانك...فهل.تقبلي؟؟
بحبيباً...غريب...في..وطنه...
اسيراً...بين...صحبهِ..واهلهِ..
لا..يعرف..من..الكلمات..سوى.
حروف..اسمك..
الدال...والراء..والهاء..
فهذه..تعني....حبي..الازلي
⚘⚘⚘⚘⚘⚘⚘⚘
لسان المحب العاشق لابنه عمه درة

(شكر خاص للاخت والصديقه الي كتبت هالكلمات الحلوة من غيث وحبه لدرة)

بعد يومين من وجودي بيت الشيخ عشتهم ع اعصابي
كلام امه الي كله تبسمر وما افهم معناه واخته شهلاء الي بالطالعه
والنازله تخزر بيه واني ما اكدر اسوي اي شي من وره بيبي
لازمه ايدي ولساني حتى  لا اتحرك ولا ارد ع احد لان تدري بيه من اتواجد
بمكان محابته ولا حابني بيه لا ابقى ولا اسكت بس هي كل
حجايتين وكالت عيب ولتخزين ابوج وتخلينه ساكته واكل بروحي

ضليت متحمله واقنع نفسي يجوز بعد العرس يتغيرون ويعاملوني مثل بنتهم لان بعد صرت مرت ابنهم واشوفهم شلون يعاملون فاطمه مرت ليث باحترام يجوز من اعيش وياهم يعاملوني مثلها ..خليني اصبر ومها يكون بعد صارو عيالي وهذا بيتي ولازم اتحمل كلشي

اجه موعد العرس
كعدت من النوم واتمنى هاليوم ميمر ابدا
نزلت جوه لكيتهم كاعدين يتريكون كعدت وياهم وصبحت عليهم

بيبي راسن سوتلي لفه
امه تباوع عليه وشهلاء تحرك بيد امها
عرفت يحجون عليه مهتميت الهم
همزين اخته عليا اهون من شهلاء ما اعرف
يمكن لان مزوجه وتعرف وجودي مياثر عليها
او يجوز طبعها مو ع امها مثل شهلاء ولو هالبيت كلشي مينحزر منه
ما اعرف شلوون حدبرها وياهم بقيت افكر واكل ع كيفي
لحد ما كملت لفتي حتى اروح للصالون

__بيبي منو حياخذنه للصالون
صاحت امه من يمها
__خلي ليث ياخذج
__تمام اصعد احضر اغراضي وانزل

علياء وشهلاء من يمهن كامن من الاكل
__احنا هم نجي وياج نريد نترتب خوما بس انتي

صفنت بوجهن معرفت شنو ارد وهنا الكلمه الهن
وغيث ماكو ولو حتى لو موجود يمكن حتى امها يعزمها للصالون