قصة : ( انحناء الياسمين ) الجزء الأول ، ل سهيلة سعيد المنجي ، 2018

الحلقة ١٣ و ١٤

الحلقة الرابعة عشر { ١٤ } 👄

( تخلص الأغنية وتقعد ريم )
ميادة : يلا بقا ي سوسو قومي
ياسمينا ب توتر : بلاش بجد 😐
عائشة : هشغلك اغنية حلوة
( تقوم عائشة تشغل مهرجان *ي شاغل بالي* )
عائشة : يلااااا
( تشدها تقومها ، تتحرج ياسمينا وتقعد تمشي نفسها ع الموسيقى ف الأول ، تلاقي ريم بتبصلها وبتتوشوش مع واحدة قاعدة وبيضحكه ، تتغاظ ، تقلع الشوز بتاعها وتبتدي ترقص بجد وولد صغير عنده حوالي ١١ سنة يرقص معاها ع المهرجان ب احتراف ف يشجعها اكتر ، يتصدم الكل بنات وستات وشباب ومن ضمنهم طارق ع رقصها ، تتغاظ ريم ، تخلص الأغنية ، يسقف الكل ب هزار ، تقعد ياسمينا )
عائشة ب صدمة : يخربيتك 😳
ياسمينا ب احراج : هههههه 😅
ميادة : راحت عليكي ي ريييييم 😂👏🏻
( يضحك الكل ، تتغاظ ريم ، عند فهد ، يرن الفون بتاعه )
فهد : الو ، لقتهاااا 😃 قولي العنوان بسرعة
( عند ياسمينا ، ياسمينا ف المطبخ ، يدخل طارق )
طارق ب اندهاش : ايه ي عم دة كله !!
( تتحرج ياسمينا وتبتسم )
طارق ب اعجاب : ايه الحلاوة دي 😍
ياسمينا ب كسوف : تسلملي 🤭
طارق : هو انا لو دخلت قلت للحجة إني عاوز اخطب تاني ، تفتكري هتوافق 🤔
ياسمينا : ههههههه 😅
طارق وهو بيغمزلها : اكيد هتوافق 😉
( تتحرج ياسمينا اكتر )
طارق : تعرفي ، انا بجد مش عارف انتي لو مشيتي من هنا انا هعمل ايه !
ياسمينا ب حزن : اكيد هييجي الوقت الي امشي فيه 💔
طارق ب حب : بس انا مش عاوزك تمشي ❤⁩
ياسمينا : هيبقا غصب عني وقتها 😟
طارق : عارف ، بس مجرد التفكير ف كدة والله بيوجع قلبي ، خلاص خدت ع وجودك هنا وسطينا ، انتي مبقالكيش فترة بس حاسس إنك خلاص جزء من حياتي ، مش هينفع تكوني بعيدة 🙂❤
ياسمينا : ياريتني مبعدش ، انتوا كمان بقيتوا جزء من حياتي واتعودت عليكم خلاص ، ساعات بتمنى إني مفتكرش حياتي عشان افضل معاكم ، حتى مش متوقعة لما امشي إن يومي يعدي من غيركوا كدة ، هيكون في حاجة ناقصة 😅
طارق : يارب م تفتكري حاجة وتفضلي هنا ع طول ♥️
( تعدي ريم ، تشوفهم ، تقف تتصنت )
ياسمينا : ههههه امك هتطردني كدة 🤭
طارق : لا يبقا انتي متعرفيهاش ، دي حبتك اوي والله
ياسمينا : وانا كمان والله حبيتكوا كلكوا
طارق : كلنا كلنا يعني 😌
( تبتسم ياسمينا وتبص ف الأرض )
طارق : رجعنا للكسوف الي بيقتلني وربنا ، الي حبيتك بسببه ♥️
( تتخض ريم )
ياسمينا ب استغراب : حبتني !!
طارق : اة حبيتك ، من اول يوم جيتي فيه البيت دة كأنك دخلتي قلبي مش بيتنا ، حبيتك من اول كلام بينا ، من اول سلام ، من اول بصة ف عنيكي الي بياخدوني ل عالم تاني وينسوني اسمي ، كل تفصيلة فيكي عرفتني يعني ايه حب ، كل كلمة منك حيت قلبي الي كنت مفكر إنه مات وعمره م هيعرف يدق لحد تاني خلاص ، بس حنلك ، دق ليكي انتي ، حسيت إنه هيخرج من مكانه ، احساس اول مرة احسه وحسيته معاكي انتي ، انتي اول حب ليا ومتأكد إنه الأخير ، مهما بعدتي برضو هتفضلي ف قلبي ، وعمري م هنساكي ابداً ي ياسمينا ❤
ياسمينا : انا مش عارفة اقولك ايه ♥
طارق : اهو رجعنا للكسوف تاني ، وربنا هتهور كدة 🤷🏻‍♂️
( يقرب عليها يرفع وشها ب ايده )
ياسمينا : انا .........
( تدخل ريم مرة واحدة ، يبعد طارق )
ريم ب غيظ : كلم خالتو 😡
طارق : طيب 🙄
( يطلع طارق م المطبخ ، تقرب ريم ع ياسمينا )
ريم : انتي عاوزة ايه منه بالظبط ؟
ياسمينا ب استغراب : انا ؟!
ريم ب انفعال : اومال اميييي ، لفيتي عليه لحد م أخدتيه مني ، عرفتي توقعيه ب شوية الشعر والنفخ دة 😡
ياسمينا ب صدمة : ايه الي بتقوليه دة 😮
ريم : هو انا لسة قلت حاجة ي خطافة الرجالة انتي 😡
ياسمينا : لا انا مش هقف معاكي احسن عشان انتي انسانة قليلة الزوق ⁦☝⁩
( تمشي ياسمينا ، تشدها ريم من دراعها )
ريم : تعالي تعالي ، انتي هتمشي امتى إن شاء الله ؟
ياسمينا : دي حاجة متخصكيش ، انا مش قاعدة ف بيتك 💁🏻‍♀️
ريم : لا يخصني ي حلوة ، المرة الي فاتت راح جابك ، المرة دي صدقيني ع جثتي إنه يعبرك ماشي ، وفسخ الخطوبة الي كان بسببك دة هنرجع ل بعض ع فكرة ب مجرد م تروحي بيتك
ياسمينا ب فهم : اممممم ، يعني قصدك إن طول م انا موجودة هنا هو مش هيعبرك 🙂
( تتحرج ريم )
ياسمينا : بصي ي قطة ، انا ولا كيوت ولا بنت ناس ، انا بنت ستين كلب وانتي متعرفنيش ، بتعامل معاكي حلو حتى الأن بقول حراااام برضو بتحبيه ومحروقة عليه ، بس سوري بقا انا مبتحكمش ف قلب حد وهو حر يحبك يكرهك دي حاجة تخصه ، انا مجتش غيرته من ناحيتك تمام ، انتي عارفة كويس جداً إنه هو عمره م حبك ولا هيحبك وبرضو كملتي معاه انانية منك ، ف متجيش تهددي فيا انا ، ماشي يااااا ريم ، روحي كلي ، شكلك مشبعتيش 🙂
( تمشي ياسمينا وسايبة ريم عبارة عن جمرة نار 🔥 يعدي الوقت ، يخلص العفش والناس كلها تمشي ، البنات سهرانين واقفين ف المطبخ بيعمله حاجات )
عائشة : حطي الفشار ع النار بقا
ياسمينا : اوك
( تحطه ، يدخل طارق )
طارق وهو بيحط الأكياس ع الترابيزة  : امسكوا
عائشة وهي بتفتحهم : ميرسي ميرسي 😃
طارق : متتعوديش ع كدة هااا
عائشة : ي عم كلها عشرين يوم وتخلص مني خلاص ، دلعني شوية بقا دة انا زي اختك برضو 😉
طارق : بس كدة ، تعالي هدلعك
( يشدها )
عائشة ب ضحك : لا لااااا خلاص خلاص مش عاوزة 😂✋
ياسمينا : هههههه 😄
ميادة من برة : عيشااااا
عائشة : نااااعم ؟
ميادة : تعالي موبايلك بيرن
عائشة : طاااايب
( تطلع عائشة م المطبخ ، يقرب طارق ع حلة الفشار )
طارق وهو بيرفع الغطا : ايه دة ؟!
ياسمينا ب خضة : ﻻاا ﻷ 😨
( يفرقع الفشار ف المطبخ كله ويبهدلهم ، تصرخ ياسمينا بيفرقع ف وشها ، يجري طارق عليها يحضنها )
طارق ب صوت عالي : عيشاااااااا
( تجري عائشة وميادة ع المطبخ )
طارق : طفوا النار
عائشة ب خوف : احيه لأ 😮
طارق : ي بنتي ضهري ورم اخلصي 🤦🏻‍♂️
ميادة : اوعي اوعي
( تمسك ميادة مخدة تصد بيها لحد متوصل للغطا تغطي الحلة وتطفي النار ويطلعه برة ، مازال طارق حاضن ياسمينا ، ساكتين ، تبصله ياسمينا )
ياسمينا : متعودنيش إنك تبقا اماني ، عشان هخاف لو بعدت 😕♥
طارق : وانا مش عاوزك تبعدي
ياسمينا : لازم هبعد
( تبعد عن حضنه تلاقيه حاضنها اكتر )
طارق : دة لو سيبتك تحاولي
( متعرفش تبعد عنه ، تدمع عيونها لما تفتكر إنها هتبعد بجد ، تحضنه هي كمان اكتر ، تشوفهم ميادة )
ميادة ب صوت واطي : اللاااه 😃
( لسة عائشة هتدخل )
ميادة وهي بتمسك ايدها : استني 😬👋
( تقف عائشة ، تاني يوم الصبح ، يصحى الكل )
ميادة : ياسمينا هتيجي معانا ؟
ياسمينا : هتروحوا فين ؟
ميادة : هنجيب حاجات م المول ل الشقة
ياسمينا : طب اشطا معاكوا
عائشة : انتي بتسأليها دي راشقة طبعاً 🤷🏻‍♀️
ياسمينا ب ضحك : طبعاً 😂
( يمشوا البنات م البيت ، عربية تمشي وراهم ، يوصله المول من غير مواصلات قريب ، يدخلوه ، تركن العربية وينزل منها فهد ويدخل ، البنات ماشيين ف المول وفهد وراهم )
فهد ب صوت عالي : ياسميناااا !
( يلفه ميادة وعائشة يشوفه مين بينده وياسمينا تتجمد مكانها لإنها عارفة مين صاحب الصوت دة وحفظاه كويس جداً ، تلف بهدوء ، تلاقيه هو ، تترعب اكتر )
ميادة ب استغراب : دة حد يعرفك ؟!

( متنسوش اللايك ورأيكم .. ♥️✨ )

#قصة_انحناء_الياسمين_ل_سهيلة_سعيد

#sohila_sa3ed