"ကိုယ့်ကိုကိုယ်အပြစ်မတင်ပါနဲ့ သမီးရယ်ဒီကိစ္စတွေက တမင်ရည်ရွယ်လို့ဖြစ်လာရတာမှ မဟုတ်တာပဲ ...
ဖြစ်ချိန်တန်လို့ဖြစ်သွားရတာပါ ...
ငါ့ကြောင့်ဆိုတဲ့စိတ်နဲ့ ကိုယ့်ကိုယ်ကိုယ် နှိပ်စက်နေရင် သမီးပဲ စိတ်ဆင်းရဲနေရမှာပေါ့ ... "ဒီမိန်းခလေးသည် သားဖြစ်သူ နေ့သစ်ဆေးရုံတက်တဲ့ အချိန်မှစပြီး ဒေါ်ခင်နှင်းသစ်တို့မိသားစုနဲ့ သိကျွမ်းကြတာဖြစ်ပေမယ့် သူမလေးကို ဒေါ်ခင်နှင်းသစ်ရော သူမရဲ့ခင်ပွန်းကပါ သဘောကျကြသည်။
ငါ့သားချစ်တဲ့ မိန်းခလေးပါလား ဆိုတာထက် ကိုယ့်ရဲ့သမီးလေးလို သဘောထားမိတာကပို၏။"သမီးအခုလို သားဆီကိုနေ့တိုင်းလာပြီး ပြုစုပေး ဂရုစိုက်ပေးနေတာတွေက သားအတွက်အထောက်အကူဖြစ်သလို သူသတိပြန်ရလာရင်လည်း အရမ်းပျော်နေမှာပါပါ ...
သမီးသူ့ကို ဘယ်လောက်ချစ်လဲဆိုတာတွေကိုပေါ့ ... "ဆောင်းည ခပ်ယဲ့ယဲ့လေးပြုံးလိုက်မိ၏။
သူမ,ဂရုစိုက်ပေးေနတာတွေကို နေ့သစ်တစ်ယောက် သိသည်ဖြစ်စေ မသိသည်ဖြစ်စေ။
သူသတိပြန်ရလာဖို့ကိုသာ အခုချိန်မှာ သူမအလိုရှိဆုံးပါ။"ဒီမှာ ဆောင်းညရှိနေပြီဆိုတော့ အန်တီ အိမ်မှာ ခဏပြန်နားလိုက်ပါလားဟင်... "
"အင်း ... ဒါဆို အန်တီအိမ်ခဏပြန်လိုက်ဦးမယ်... "
"ဟုတ်ကဲ့ အန်တီ ... ပြန်ပြီး နားနားနေနေ အနားယူလိုက်နော် ညနေကျမှပဲ ပြန်လာခဲ့ပေါ့ ... "
"အေးပါကွယ် အေးပါ...
သားရဲ့အခြေအနေတစ်ခုခု အကြောင်းထူးရင် အန်တီတို့ဆီ ဖုန်းဆက်ဦးနော် သမီး ... ""ဟုတ်ကဲ့ ... "
ဆရာဝန်တွေက နေ့သစ် မေ့မျောနေရာကနေ အချိန်မရွေး သတိပြန်ရလာနိုင်သည်ဟုပြောထားတာမို့ နေ့ညမပြတ် နေ့သစ်အနားမှာ တစ်ယောက်ယောက်စောင့်ကြည့်ပေးနေရတာဖြစ်သည်။
ဒေါ်ခင်နှင်းသစ် ပြန်သွားတော့ ဆောင်းည နေ့သစ် ခုတင်ဘေးမှာ သွားထိုင်နေမိသည်။
သူ့လက်ဖဝါးတွေကို ဆုပ်ကိုင်ထားပြီး စကားတွေပြောမိ၏။
ဒါက သူမနေ့စဉ်နေ့တိုင်း ပြုလုပ်နေတတ်သည့်ကိစ္စတစ်ခုပါ။
ရက်ပေါင်းများစွာ သတိမေ့မျောနေသူတွေကို အနားမှာ စကားပြောပေးနေရင် သူတို့ကိုလှုပ်နှိုးသလိုဖြစ်တတ်သည်ဟု သူမကြားဖူး၏။
YOU ARE READING
ချစ်ရပါသော ဆောင်းည(Normal)
Romance(Unicode &Zawgyi) နိုင်ငံရဲ့ နာမည်ကျော် အနုပညာတက္ကသိုလ်ကြီးတစ်ခုမှ နာမည်ကြီး King ကျောင်းသားတစ်ယောက်။ ဇာတ်ညွှန်းမေဂျာမှ အနေအေးတဲ့ သာမာန်ကျောင်းသူ ကောင်မလေး။ သူတို့နှစ်ယောက်ရဲ့ အချစ်ဇာတ်လမ်းလေး။ တဖက်သတ် အချစ်တစ်ခုနဲ့ တက္ကသိုလ် ကျောင်းသားဘ၀။ ႏိုင္ငံရဲ...
( Part - 15 )Ending
Start from the beginning