"ဆောင်းည ... "
နေ့သစ်ကသူမရဲ့နားရွက်ဖျားလေးနားကနေ တိုးတိုးကပ်ခေါ်လိုက်တာကြောင့်ဆောင်းညတစ်ယောက်ကြက်သီးထသွားရသည်။
"နင်လုပ်ပြန်ပြီလား အဲ့လိုမလုပ်ပါနဲ့ဆိုမှ ... "
ေဆာင်းညက စိတ်တိုတိုနဲ့နေ့သစ်ကိုပြောလိုက်ပေမယ့်သူကတော့ သဘောကျနေပုံပါပဲ။ ဆောင်းညလည်း သူ့ကိုမော့မကြည့်တော့ဘဲ ကိုယ့်အလုပ်ကိုယ်ဆက်လုပ်နေမိ၏။
ထိုအချိန်မှာပဲ တိုက်ဆိုင်စွာဖြင့်သူမရဲ့ဆံပင်တွေကိုခပ်မြင့်မြင့်စုစည်းထားသည့်သရေကြိုးမျော့ကွင်းလေးကထောက်ခနဲပြတ်ထွက်သွားလေသည်။
ဖြောင့်စင်းပျော့အိနေသည့်ပုခုံးကျော်ကျော်ဆံနွယ်တို့က ပြိုဆင်းကျလာခဲ့ကာ သူမရဲ့မျက်နှာ လည်ပင်းတို့ကို ဖုံးအုပ်သွားခဲ့၏။ခါးလောက်ရှိသည့် အုတ်ဘောင်ဘေစင်မှာ အသီးအနှံတွေကိုရေဆေးနေတာမို့ခေါင်းကအလိုလို ငုံ့ပြီးသားဖြစ်နေပြီးအလုပ်လုပ်ဖို့လှုပ်ရှားလိုက်တိုင်း ဆံနွယ်တွေက အရှေ့သို့ပြိုကျလာတာက အခါခါ ...။
ဆောင်းညက ပြိုဆင်းကျလာသည့်ဆံပင်တွေကိုခေါင်းခါယမ်းလိုက်လက်မောင်းနဲ့ပင့်တင်လိုက်နှင့်အလုပ်ကိုဖြစ်ဖြစ်မြောက်မလုပ်နိုင်ဘဲ ဖြစ်နေ၏။နေ့သစ်ကလည်း သူမဖြစ်နေတာတွေကို တစ်မိနစ်လောက်ဒီတိုင်းပဲ ရပ်ကြည့်နေပြီးမှ ...။
"ဘာလုပ်တာလဲ နေ့သစ်... "
နေ့သစ်ကရုတ်တရက်ကြီး သူမရဲ့ဆံပင်တွေကို စုစည်းပေးဖို့ကြိုးစားလိုက်တာကြောင့်ဆောင်းညလန့်သွားမိသည်။
"နင့်ပုံစံကြည့်ရတာ စိတ်မချမ်းသာလို့ပါ ...
အလုပ်ကတစ်ဖက်ဆံပင်တွေကတစ်ဖက်နဲ့ ဖြစ်နေလို့ ငါကစေတနာနဲ့ ... ""မလုပ်ပေးနဲ့ ရတယ်ငါ့ဘာသာလုပ်မယ်... "
"နင့်လက်မှာရေတွေစိုနေတယ်လေ ... "
"လက်ရေစိုတာဘာဖြစ်လဲ လက်ညစ်ပတ်နေတာမှမဟုတ်တာ ... "
YOU ARE READING
ချစ်ရပါသော ဆောင်းည(Normal)
Romance(Unicode &Zawgyi) နိုင်ငံရဲ့ နာမည်ကျော် အနုပညာတက္ကသိုလ်ကြီးတစ်ခုမှ နာမည်ကြီး King ကျောင်းသားတစ်ယောက်။ ဇာတ်ညွှန်းမေဂျာမှ အနေအေးတဲ့ သာမာန်ကျောင်းသူ ကောင်မလေး။ သူတို့နှစ်ယောက်ရဲ့ အချစ်ဇာတ်လမ်းလေး။ တဖက်သတ် အချစ်တစ်ခုနဲ့ တက္ကသိုလ် ကျောင်းသားဘ၀။ ႏိုင္ငံရဲ...
( Part - 11 )
Start from the beginning