ထိုအချိန်မှာပင် ထိုနေရာတစ်ဝိုက်၌ ဆိုင်ကယ်စီးသမားအပြင် အခြားသောကားတွေလည်း တစ်စီးကိုတစ်စီး ရှောင်ကြရင်းနှင့် ဆင့်ကဲတိုက်မိပြီး အက်ဆီးဒင့်အကြီးစား ဖြစ်သွားခဲ့ရ၏။
" ကျွီ ... "
" ဒုန်း ... "ထိခိုက် ပွတ်တိုက်မိသံတွေက ကျယ်လောက်လှသည်။
အနီးအနားမှာ ဘတ်စ်ကားမှတ်တိုင်နှင့်ဈေးဆိုင်ခန်းတွေ ရှိနေတာမို့ ထိုကားအက်ဆီးဒင့်ကို လူတော်တော်များလည်း မြင်တွေ့လိုက်ကြသည်။"ဟာ ... သွားပြီး ကားတွေတိုက်ကုန်ကြပြီ ... "
"လုပ်ကြပါဦးဟ ... ထိခိုက်မိကုန်ကြပြီလား မသိဘူး ... "
ရုတ်တရက်မို့ အားလုံးလန့်ပြီး မင်တက်မိကုန်ကြပေမယ့် ထိုအချိန်က စက္ကန့်ပိုင်းမျှသာ ဖြစ်သည်။
"ကယ်ပါဦးဗျို့ ... ကူညီကြပါဦး ... "
တစ်ယောက်ကစပြီး ကားအက်ဆီးဒင့်ဖြစ်၍ ဒဏ်ရာရသူများကို ကူညီဖို့ လှုပ်ရှားလိုက်သည်နှင့် အခြားလူတွေကလည်း အသိဝင်လာကြပြီး ချက်ချင်းပင် ထိုနေရာသို့ ကူညီဖို့ ရောက်သွားကြ၏။
ဆေးရုံကားတွေကို ဖုန်းဆက်ပေးသူများ ...။
ကားထဲမှာ ညှပ်နေသည့်သူတွေကိုဆွဲထုတ်ဖို့ ကြိုးစားကြသူများ ...။
သတိလစ်နေသူများကို ရှေးဦးပြုစုနည်းဖြင့် ကူညီဖို့ ကြိုးစားနေကြသူများ ...။ဆေးရုံကားတွေ ရောက်မလာခင် အချိန်တွင် ထိုနေရာတစ်ဝိုက်၌ ထိုတစ်ခဏတွင်လူတိုင်းသည် ထိခိုက်မိသူများကို ကူညီဖို့အတွက်သာ စိတ်လောနေကြလေသည်။
"ဒီမှာ ဆိုင်ကယ်သမားလေးကိုလည်း ကူညီကြပါဦးဟ ... သူသတိလစ်နေလို့ ... "
ကားလမ်းပေါ်မှာ ဆိုင်ကယ်တစ်ခြား လူတစ်ခြားဖြစ်ပြီး လဲကျနေသည့် ဆိုင်ကယ်သမားအနားတွင် လူတွေနှစ်ယောက်သုံးယောက် ရှိနေကြပေမယ့် ရှေးဦးပြုစုနည်း မလုပ်တတ်ကြသူများမို့ တခြားသူတွေကိုလှမ်း၍ အကူအညီ တောင်းနေကြခြင်းဖြစ်သည်။
သို့ပေမယ့် ရှေးဦးပြုစုနည်းဟူသည်က လူတိုင်း မလုပ်တတ်သည့် ကိစ္စတစ်ခုမို့ အနီးနားမှာ လူတွေရှိနေပေမယ့်လည်း မကူညီနိုင်ကြပေ။
လုပ်ပေးတတ်သူများကလည်း အခြားထိခိုက်မိသူတွေကို ကြိုးစားပြီး ကူညီနေကြသည်မို့ ဆိုင်ကယ်သမားအတွက်က ကူညီမယ့်သူ ချက်ချင်းမရှိခဲ့ပေ။
YOU ARE READING
ချစ်ရပါသော ဆောင်းည(Normal)
Romance(Unicode &Zawgyi) နိုင်ငံရဲ့ နာမည်ကျော် အနုပညာတက္ကသိုလ်ကြီးတစ်ခုမှ နာမည်ကြီး King ကျောင်းသားတစ်ယောက်။ ဇာတ်ညွှန်းမေဂျာမှ အနေအေးတဲ့ သာမာန်ကျောင်းသူ ကောင်မလေး။ သူတို့နှစ်ယောက်ရဲ့ အချစ်ဇာတ်လမ်းလေး။ တဖက်သတ် အချစ်တစ်ခုနဲ့ တက္ကသိုလ် ကျောင်းသားဘ၀။ ႏိုင္ငံရဲ...
( Part - 1 )
Start from the beginning