🌸تـــبـنيـــت زوجــــتي🌸
💕أمواج العشق في قلبي...
📍Shamesse bennani📍
الجزء:135
💜عند روح...
جارا كابيتشو فنصاصات ليل..
وزنقة خاوية تتقلب على شي حانوت ولا شي بيم...فين تشري
البرد مجهد....تحنات هزات كابيتشو
"اجي اجي سخني بهاد قوة الزغب لي فيه عرفتي كتفكرني فواحد المزغية كانت تتقرا معايا شحال كنا كنضحكو عليها انا و اسمهان ههههه "
سكتات وهي تتفكر اسمهان
للحظة رجعات لذكرياتها فالمااضي...
شحال توحشاتهااا تنهدات
وشافت فسماء...
"الله يرحمك اصاحبتي مشيتي ضحية ديال شماتة"
شافت فكابيتشو تاهو هاز عينيه لسماء...بدات كضحك
"تا نت كدعي معايا؟ ياك.؟ وشفتي مخرجني غا نت نقلب ليك على متاكل يلاه ستعمل حاسة شم ديالك لقاو شي حانوت"
فالدورة...كانو ربعةة ديال سكيريةة كل واحد ضاارب الكاو...
و قراعي ديال ماء حياا وسطهم...
شمكاار الاول هاز قرعةة كيقطرهاا مخلا فيها تا نقطة
شاف فصاحبو وبدا كيطلبو
"حمبااك ا صاحبي عطيني شي جغيمة"
شمكار الثاني بدا كيضحك
وصوتو معلك كيف روبو
"هاهاهاهاهاها جغيمة كنفرق ماء د زمزم اولد طحبة سير انفلق فقيرة موك هاهاهاها"
الشمكار الثاني مرضاش وقف وبدا كيتمايل...وكيدوي تا هو بحال صاحبو لسانو ثقيل و غادي وجااي
"والله و مكنتي صاحبي تا نشروطك تشاا عندي لي يعيشني عاام "
الشمكار لخر بدا كيضحك ويقهقه...
"هاهاهاهاها كضحك عليا نت معندك تا درهم ديال الزريعة قود عليا"
وقف و هز قرعتو كيتماايل...
يلاه شمكار لخر..وقف و هي تبان ليه روح..هابطة مع الحومة..
بدا كيحك عينيه وحال فمو
"ضفاك تبوقت وليت نشوف الملائكة هازين كانيش ويضورو هاهاهاهاها"
شويا بدات روح كتقرب وهو ممصدقش كيحك عينيه
"هاهاها ياااه بوعزااا اخيرا ضحكات ليك دنياا هاتي توتوزة جايا لعندي اجي اجي احبي "
غادي كيتماايل عندهاا و كيضحك حال دراعو بش يعنقهاا زعماا
روح ضربات عليه من بعيد...
"ويلي ويلي مالها هذا ياكما سحاب ليه راسو طيارة و غادي يطير ..."
روح خلعهاا وكابيتوش كينبح وباغي يهبط...روح شاداه بين يديهاا
تا بان ليها خونا جااي و هي طلقو عليه..
الشمكار غير شاف الكلب و هو يقلب ضورةة
"واااععععععععع ولا ولا ولا ها بسالات علاش علاش كطلقو عليا كلابكم الالالاا مبغيتش مبغيتش ياكما بغلة قبور هادي و انا مقشعتهاش واععععععع"
بدا كيجري بزز و كابيتشو تابعو...
روح مشات تتجري تابعاه...
تا شداتو ابزز...فش الشمكاار قطع طريق كابيتشو رجع...
روح كتنهجج
"يلعن حسك غير خلعو ماشي ديرو مرطون سخفتيني"
گلسات للارض وبدات تتنفس تتحس بروحهاا غادي توقف...
هزاتو بانت ليها واحد الحانوت
"حمد لله يلاه نشري ليك بش نرجعو يلاه"...
هزاتو و مشات قاطعة طريق
وصلات لحانوت ووقفات...
مول الحانوت كيحسب شي فليسااات تا وقف عليهم واحد خيناا كتافو قد جبل توبقال...
جبد واحد جنويةة وبدا كيلعب بيها قدام مول الحانوت
"شووف اموحمااد الحانوتاا ارا ليا صريف ولا ليوم نسيفطك لأگادير اوفلا تنقي البطاطة "
روح تخلعات بغات ترجع ولكن بقا فيها مول حانوت
مسكين كيقفقف....
"اوهوويااواا اسيدي نعطيك ابعد هد موصيبة عليا"
روح شافتو بدا مسكين يجمع ليه فلوس و كيبكي....
محسات تا طلقات عليه كابيتشو...
عض الشفار من درااعوو وبقا معلق بيه...
الشفار طلق جنويةة وعطا رجليه لريح...
روح بدات كضحك هزات كابيتشو وبدات تبوسو
"اححح عليك راجل ونص شكرا شكرا شكرا ليك اكابيتشو ديالي"
مول الحانوت بدا كيضحك
"الله يحفظك اختي و يحقق ليك ما تمنيتي ويبعد عليك ولاد الحرام سيري كيفما عتقتيني اليوم بغيت ربي عمرو يخيبك..."
روح حسات برااحةة و هي كتسمع هد دعاوي دالخير
الواحد مزيان يدير الخير...
"ماشي مشكل اي واحد بلاصتي يدير نفس شيء الحمد لله مزال ولاد نااس و بنات ناس فدنياا مهم عفاك عطيني واحد سرديلا "
مول الحانوت هز جوج طاسات وشيبس و كانيط ديال كاكوا و جوج بيموات
"هاكي حلال عليك ابنت نااس"
روح "لالا بلاش والله حشومة "
مول حانوت بإصراار...
"والله تا ديهم حلفت"
بتااسمات "شكراا"...
جمع ليها دكشي و هزات كابيتشو رااجعين ثاني...
🌸يتبع🌸
ارائكم البنات وتوقعاتكم
سمحولي البنات إيلا تعطلت عليكم وآلله مالخاطري لويفي ولا تقيل 😕 إيلا تعطلت عليكم في نعسو غدا تلقاوهم موجودين 😊
YOU ARE READING
🚫📍تبنيت زوجتي 📍🚫 (بالدارجة المغربية)
Romance#هااالوووو___گااايززز #حصــــــريـــــاااا ولأول مرة وفقط! على #قصـــر_ضـــباب💘 اولا ...... ❌❌ ممنوع اخد القصة من دون اذني ❌❌ وهاني علمتكم كل وحدة وذنوبهاا على رااسها... ثانيا.... القصة بعنوان... 💞تبنيت زوجتي💞 📌من تأل...
