🌸تـــبـنيـــت زوجــــتي🌸
💕أمواج العشق في قلبي...
📍shamesse bennani📍
الجزء : 74
روح عصباتهاا محسات تا دفعاتهاا وشداتها من شعرها
"شووووفي ساكت ليك على قبل خوك متزيديش تستفزيني"
ايةة تعصبات بغات تشدهاا
من يدهاا و هي تصرفقهاا
روح....عثمان غير كيتفرج
كيشوف فيهم شداتو ضحكة
بانت ليها القضية اتشبك
وروح تعصبات و صرحةة اي
وحدة بلاصتها غادي دير نفس شيء...
حيت غالبا كل وحدة فينا
عزيز عليها حوايجها و مغاديش تحمل لي يلبسهم
ليها خصوصا شي حاجة
نتي شارياها جديدة و تبغي
تلبيسها اول وحدة على لحمك
وتلقاي شي وحدة سبقاتك ليها
عثمان وقف و تمشاا جيهتهم
شد ختو من دراعها وشد روح
هي الاخرى من دراعهااا
"شششش البنات تهدنو حنى ماشي فحمام عمومي ولا حلبة المصارعة لكان عزيز عليكم البوكيسنغ نقدر نسجلكم فشي نادي ولكن فهاد دار ممنوع الكومبات وسط داري و فوق طابلة د ماكلة و قدام بنت عندها 7 سنين رااعيو شويااا"
روح عاد ردات البال لملاك لي مخشياا تحت طابلة و سادة
ودنيهاا....طلق منهم عثمان
وتحنى خرج بنتو من تحت طابلة....
شاف فيهم ورجع شاف فملاك
لي شادة البكية بزز...
عثمان شاف فيهم بجوجات
"بجوجكم غلطتو و بجوجكم مدينات بعتذار لهاد صغيورة"
روح بلعات ريقها وشافت فأية و رجعات شافت فملاك
"سمحي لياا"
ملاك بتاسمات و ترمات فحضنهاا تا هزاتها روح...
ملاك شافت فأية و خرجات
ليها لسانهااا "نتي همززززية (بغات تقول همجيةة) "
اية مخرجا عينيهاا
"ياك البرهوشة يلاه جات قلباتك 180 درجةة خووياا شوف بنتك شتتقول"
ملاك تخشات فروح...
"نتي حمااالة (بغات تقول حمارة) بغيت دربي مامي نتي خاااايبة متبقايس (متبقايش ) تزي (تجي ) لعندنا تفووه عليك "
روح شداتها ضحكةة بزز باش
حبساتها....
عثمان هو الاخر..ماشي قل منها
"روح صافي طلعو لفوق انا جاي"
روح طلعات هازة ملاك لي مخشيا فيهاا
اية قلبات وجها جيهت عثمان
"خويا شهدشي؟ كيفاش ماماها؟ اش كتخورو؟؟ وشكون هد خيتي؟؟ وكيفاش سمحتي ليهاا تقرب لحوايجي؟؟"
عثمان جر الكرسي و گلس كيدهن الفرماج لخبز...
"روح سميتها روح "
اية گلسات...."ومن بعد؟ سوقي انا منين جبتيها؟ وعلاش ملاك تتقول ليها ماما؟؟"
عثمان كمل ذهن الخبز و هز طرف خبز اخر كيدهنو
"ماشي سوقك ا اية كنضن جيتي تبقا عطلة نهاية الاسبوع بقااي ماشي مانعك دارك هادي و جيتي عند خوك ولكن حاولي تبعدي منهاا البنت مأداتك بوالو"
اية تتنهج ..."هدشي بزاف علياا"
عثمان..."وي بصح بزاف عليك"
اية شافت فيه و صغرات عينيهاا
"نت مبقيتيش كي كنتي ياكما بيناتكم شي حاجة؟ ههه عفاك لا راها برهوشةة انا كبر منها"
عثمان خدا طبسيل وقاد داك خبز و حط جنبو الكيك
وكيهدر
"مممم وشنو مشا ليك؟ نهار تبعتي داك ميخي ديالك انا حاسبتك؟؟؟"
اية تقرصات...."صافي سمح ليااا ماشي غير ندويو تجبد ليا نفس سوجي"
عثمان...
"مممم وشنو فيدي من غير نسمح ليك فالنهاية الله و كيسمح لينا جنة ميمكنش تبقا خاويةة "
هز طبسيل وكيسان العاصير و تمشاا طالع مع دروج مخليها اتنفاجر مورااه...
Oops! This image does not follow our content guidelines. To continue publishing, please remove it or upload a different image.
🌸يتبع🌸..
الغزالات ارائكم
YOU ARE READING
🚫📍تبنيت زوجتي 📍🚫 (بالدارجة المغربية)
Romance#هااالوووو___گااايززز #حصــــــريـــــاااا ولأول مرة وفقط! على #قصـــر_ضـــباب💘 اولا ...... ❌❌ ممنوع اخد القصة من دون اذني ❌❌ وهاني علمتكم كل وحدة وذنوبهاا على رااسها... ثانيا.... القصة بعنوان... 💞تبنيت زوجتي💞 📌من تأل...
