قصة : { #أكلادور } 💅🏻❤️
الحلقة الحادية عشر { ١١ } 👨🏻🏫
بدر : متزعليش مني بس مش لازم ابين ان ليكي معاملة خاصة عشان عارفين بعض لازم اعاملك زيك زيهم
اميرة : واشمعنا دخلت وعد ؟؟
بدر : انا مدخلتش وعد ان قابلتها ع باب الفصل ف قلتلها ادخلي وقمت داخل
اميرة ب فهم : اااااه
بدر ب استغراب : وانتى عرفتي منين اصلاً مكنتيش موجودة !!!
اميرة : هي طلعتلي برة وقالتلي خليتنى اتعصبت وقلت اشمعنا هي 🤷🏻♀️
بدر : وربنا كانت داخلة اصلاً وبعدين دي لو هبة اتأخرت بطردها 💁🏻♂️
اميرة : خلاص حصل خير هي كانت عاوزة تغيظني مش اكتر
بدر : انتى بتغيري منها ؟
اميرة ب انفعال : مين دي الي اغير منها واغير ليه اصلاً 😠
بدر : طب اهدي بس اهدي 😄
اميرة : اطلع برة يلااا
بدر وهو بيقرب عليها : طب انتي واقفة ليه ؟!
اميرة : مستنية الكاتل يطفي
بدر : طب انا عاوز اقولك كلمة سر
اميرة : وبعدين يعني 🙄
بدر : كلمة ف ودنك
اميرة : مافيش حد هيسمعك !!!
بدر : لا هيسمعوني معلش
اميرة : اما نشوف اخرتها اتفضل
( يقرب عليها ، يلم شعرها ورا ودنها تتحرج )
بدر ب همس ف ودنها : انا بحبك ♥️
( تتخض اميرة ووشها يقلب الوان ، تدخل منة )
منة : جيت ف وقت مش مناسب ولا ايه 😬
بدر وهو بيغمزلها : متنسيش الشاي بقا 😉
( يمشي بدر ، اميرة واقفة مبلمة )
منة : ي بت !!!
اميرة ب انتباه : نعم ؟
منة : مالك مبلمة كدة ليه ؟!!!
اميرة : لا مافيش 🤷🏻♀️
منة : طيب
( تاخد منة ماية وتطلع ، تبتسم اميرة ، تحط الشاي وتطلع ، تقرب ع بدر تديهوله )
بدر وهو بياخده : تسلم ايدك 🙂
( تقعد اميرة وشها ف الارض مكسوفة تبصله ، يعدي اليوم ، اميرة ف بيتها ، قاعدة ف جنينة الڤيلا مع البنات )
رانيا : لا بجد ؟
ريماس : بتهزري قالك بيحبك ؟!!!!
منة : دة اكيد ساعة لما دخلت عليكوا المطبخ صح ؟؟
اميرة : اه كنت مرتبكة اوي ومصدومة 😬
منة : ي بختك 😍
رانيا : يعني هو بيحبك بجد ولا بيهزر ؟
اميرة : والله م اعرف دة الي حصل
منة : مكلمكيش من ساعتها ؟
اميرة : لا
( يرن فون اميرة )
ريماس : دة هو ؟
اميرة : لا دي هبة .. الو .. ايه يا بيبو .. كل سنة وانتى طيبة .. اها .. تمام اوك .. حاضر هقولهم .. باي
( تقفل اميرة )
رانيا : في ايه ؟
اميرة : عيد ميلادها بكرة وعزمانا كلنا ب أهلنا كمان
منة : اهااا
ريماس ب استغراب : دة اشمعنا ب اهلنا !!
اميرة ب تنهيدة : معرفش .. يمكن عشان اهلهم ف فرنسا 🤷🏻♀️
رانيا : ممكن صح
( طارق ف اوضته ، قاعد ع كرسي وع الترابيزة الي قدامه بودرة ، يبرم فلوس ويشم بيها البودرة ، يرن فونه )
طارق : ايه ي بنى
فريد : ايه الاخبار عندك ؟
طارق : زي الفل
فريد : قربت ولا ؟
طارق : لا قربت .. بحاول ع قد م اقدر مخطلتش بيهم انا اصلاً مش طايقهم 🙄
فريد : م انت تمسك نفسك
طارق : هو انا هنسى الي عمله ف امي لما اتجوز عليها سميحة دي وجبلها شلل .. دة انا هدمرله البيت كله .. بس هبتدي بلي حيلته
فريد : اختك ؟؟
طارق ب غيظ : متقلش عليها اختي 😠
فريد : مهي للاسف اختك متقدرش تنكر دة 🤷🏻♂️
طارق : انا مش معتبرها اختى ولا معتبره ابويا هما دلوقتي اعداء ليا وبس 😒
( يعدي اليوم ، تاني يوم ، العيلة كلها عند هبة عشان عيد ميلادها مافيش غير عيلة البنات لان نص اهل هبة ف فرنسا ، يخلص العيد ميلاد بس لسة قاعدين )
بدر وهو بيقوم : ي جماعة .. ممكن كلمة ؟
( يسكت الكل باصينله )
بدر : بما ان كلنا متجمعين كدة ويارب دايماً .. ف انا كنت عاوز افاتح انكل خليل ف موضوع كدة انا فاتحت فيه بابا وهو قالي اكلمك
جد اميرة ب استغراب : خير ان شاء الله !!!
بدر ب توتر : اه هو خير 😬
ايمن : متقوله ي بنى 🤷🏻♂️
بدر ب ارتباك : هقول اهو .. انا كنت عاوز يعني .. احم ااااا .. اخطب وكدة اميرة يعني 😅
( تتخض اميرة هتنفجر م الفرحة هي والبنات )
جد اميرة : ههههههه ومالك متوتر كدة ليه 😄
بدر : لا مش .. عادي 😐
جد اميرة : لا متتوترش خليك جامد كدة
مروان : ي جدي انت بتوتره اكتر قوله موافق ولا ايه 🤷🏻♂️
جد اميرة : لا مش موافق غير لما يجمد ويقولها وهو قلبه قوي كدة 💁🏻♂️
( يضحك بدر ويتحرج )
اسلام : هههههههه الولا هيغمى عليه 😂
الكل : ههههههههههه 😂
ايمن : قوله يا عم وترتنا معاك 🤷🏻♂️
( بدر عمال يضحك )
منة : قوي قلبك يلا ✊
جد اميرة : هعد لحد 3 لو مقلتش هصرف نظر عن الموضوع .. واحد ☝️
بدر ب توتر : هههههههه 😅
جد اميرة : اتنين ✌️
امال : ي بنى قول دة مبيهزرش
جد اميرة : تلا .................
بدر بسرعة : انا بحب اميرة وعايز اتجوزها 😐♥️
جد اميرة : لا والله !!!
بدر : مش انت الي قلت اقول ؟؟
جد اميرة : وانا مش موافق 🤷🏻♂️
( يتخض الكل )
بدر ب خضة : ليه ؟؟
جد اميرة : عشان اوقعلك قلبك ههههههه تعالى 😄👋
( ياخده ف حضنه )
جد اميرة : مش هلاقيلها حد اغلى منك
ابو بدر : نقرا الفاتحة بقا
( يقروا الفاتحة )
هبة ب حماس : ننزل نجيب خاتم العروسة 😃
رانيا : اها
جد اميرة : احنا هنروح وانتوا انزلوا جيبوا الي عايزينه
سميحة : ولو هتروحه دلوقتي عشان الوقت اتأخر
منة : طب يلا بينا
( يطلعوا برة )
هبة : اركبي مع خطيبك
( تتحرج اميرة ، يقرب بدر يفتحلها باب العربية ، تركب ويمشي الكل ، ف الطريق )
بدر : ساكتة ليه ؟!
اميرة ب احراج : هقول ايه 😅
بدر : فين لسانك الي مصدعاني بيه !!!
اميرة : ههههه متستعجلش 🤭
بدر : اميرة انا عارف اني دخلت ف الموضوع قفش ومسألتكيش انتي الاول مقتنع ان الي بعمله هو دة الصح عشان متفكريش اني بتسلى او بعلقك
اميرة : متقلقش .. متعلقة لوحدي ♥️
بدر : ي رااااجل .. طب مش تقولي طيب كنا استعجلنا ف طلب ايدك 🤷🏻♂️
اميرة : ههههههههه 😅
( يمسك ايدها يبوسها ، تتكسف ، يفضل ماسكها ، يوصلوا المحل ، الكل يدخل ، يطلع البياع الخواتم وتقعد اميرة تختار وتقيس ويقولولها رأيهم وترسي ع خاتم الماس تقيسه ويعجبها ، تبص اميرة تلاقي ريماس بتبص ع الخواتم ب حزن وسرحانة ، تبص ل اسلام تلاقيه واقف بيهزر مع ولاد عمه ، ف بيت اميرة )
امال : ي عمي انا عارفة انك انت الكل ف الكل بس بردوا كان المفروض نتصل ب بباها نقوله الاول
الجد : بدر انسان كويس وانا متأكد ان يوسف مش هيعارض عليه واحنا بس قرينا الفاتحة لحد م يرجع م السفر
امال : الي تشوفه ي عمي 😒
( يعدي اليوم ، ام ريماس وبباها قاعدين ف الانتريه )
الام : مين دة ؟
الاب : ابن واحد صاحبي
الام : اه وقالك ايه ؟؟
الاب : ولا حاجة هو عارف انى عندي بنت بتدرس طب وكدة ف فاتحني ف الموضوع انه عاوز يخطب ل ابنه وانه عاوز يناسبني
الام : هو مركزه كويس يعني ؟؟
الاب : جداً واهله ناس محترمة وطيبين وعاوز ييجي بكرة ب ابنه تبقا قاعدة تعارف وكدة
الام : طيب طلاما ابن ناس وانت عارفه خليه ييجي 🤷🏻♀️
الاب : م انا قلتله هستناكم بكرة
الام : اه
الاب ب صوت عالي : ريمااااس
( ريماس ف المطبخ بتعمل فشار )
ريماس م المطبخ : ايوة دقيقة
الاب : خلصي وتعالي
