قصة : { #أكلادور } 💅🏻❤️
الحلقة الاولى { ١ } 👨🏻🏫
( ف ڤيلا ، جوة المطبخ ، واحدة ست واقفة بتعمل الاكل ، تدخل بنت )
اميرة : صباح الخييير 😊
*( نوقف لحظة .. اميرة بنت جميلة ، بشرتها خمرية ، عيونها عسلي ، شعرها بني قصير ، طولها متوسط وجسمها متوسط ، عندها 17 سنة ، بتدرس ف 2 ثانوي ، ليها اخ عنده 22 سنة اسمه اسلام بيدرس ف كلية هندسة ، جدها واهلها اغنية جداً وعايشين ف ڤيلا كبيرة شبه بيت العيلة الكل فيها وبباها دايماً مسافر للشغل .. نرجع تاني )*
الام : صباح النور .. الفطار ع السفرة
اميرة : اه م انا عملت ساندويتش
الام : طيب
( يدخلوا بنات )
منة : صباح الفل
الام : صباح النور
ريماس وهي بتفتح الحلل : انا جعانة موت ي طنط امال
رنيا : انتى لسة هتحشري احنا اتأخرنا يلا 🤷🏻♀️
*( ملحوظة .. رانيا وريماس ومنة يبقوا بنات عمام اميرة وصحاب جداً ومعاها ف نفس المدرسة )*
منة : ايوة يلا خلصي
ريماس ب حزن وهي بتاكل خيارة : ايوخ عليكوا بقااا 🥒
اميرة : ماشيين ي ماما ✋
الام ل اميرة : اسلام صحي ؟؟
اميرة : معرفش لسة تقريباً 🤷
الام : طب صحيه قبل م تنزلي
اميرة : انا مش فضياله بقا 🙄
رانيا : ي طنط امال ورانا مدرسة
الام : معلش انا بقعد سنة اصحي فيه هيتأخر ع كليته
اميرة ب تنهيدة : امري لله استنوا 😑✋
منة : بسرعة طيب
اميرة : بس لو حصلي اي حاجة هرميهولك م البلكونة المرة دي ☝️
ريماس ب خضة : براحة عليه 🥺♥️
اميرة : والله ؟؟
ريماس ب ارتباك : احم .. ولعي فيه 😐
الكل : هههههههه 😂
الام : ياريت وريحيني منه 🤷🏻♀️
( تمشي اميرة تطلع تقرب ع اوضة اخوها ، تلاقي ورقة ع الباب )
اميرة وهي بتقرأ : ممنوع الازعاج قبل الساعة 3 العصر ف ايام الدراسة والا سوف تقضون نحبكم .. وحيات امك اذا كان كليتك الساعة 9 الصبح دة انا الي هقضي نحبك 🤷
( تخبط ع الباب )
اميرة ب صوت عالي : افتح يلا .. ي زفت ✋
اسلام من جوة : انتى مبتعرفيش تقري ي متعلمة ي بتاعة الثانوي ؟؟
اميرة : افتح بقا ورايا مدرسة
اسلام ب زعيق : غوري انا مخمووووووووود
اميرة وهي بتهبد ع الباب : متخلنيش ادخلك 😐✋
اسلام ب خباثة : ياريت 🤭
( تمسك اميرة ايد الباب تتكهرب )
اميرة ب خضة ووجع : اااه .. يا حيوان يا ابن الجزمة افتح 😡
اسلام : الجزمة دي تبقا امك
( تطلع امهم )
الام : شكراً يا مؤدبين يا متربيين 😒
اميرة ل امها : لامؤخذة يا حجة 🙄
( تمشي اميرة وترجع لابسة جوانتى بلاستيك تفتح الباب ، ينط اسلام من ع السرير مخضوض )
اميرة ب انفعال : وحيات امي م سيباك بتكهربني 😡
اسلام ب ضحك : م الي انتى بتعمليه فيا المرة الجاية هكهربلك الباب كله وناويلك ع نية سودة قريب 😂☝
اميرة : والله طب وريني يا دكر 🤷🏻♀️
( يجري ع برة ، تجري وراه )
اسلام وهو بيجري : خلااااص
( يجري اسلام ع تحت يتحامى ورا ريماس )
اسلام وهو بيمسك ف ريماس : اربطي الطور دة ف اي شجرة 😂✋
ريماس : هههههه 😄
اميرة ب غيظ : ماشي يا اسلام بتتحامى فيها لما ارجعلك ☝
اسلام : لما 😏
( يجري اسلام يدخل التواليت ويقفل عليه )
اميرة ب تنهيدة : حيوااان 😑
( تروح عند مامتها )
اميرة : صحيتهولك اهو عاوزة حاجة تاني ؟؟
الام : لا سلامتك
اميرة : بقولك ايه
الام : نعم ؟
اميرة : بعد المدرسة رايحة انا والبنات المول هنجيب حاجات
الام : اوك متتأخروش
اميرة وهي بتبوسها من خدها : حاضر سلام 😙
الام : مع السلامة
( تطلع اميرة والبنات يركبوا مع السواق لسة هيمشوا .............. )
وعد : استنوا
