الحلقة العاشرة { ١٠ } 👨🏻🏫
( يحدف الكورة ل فوق ويشوطها ب رجله تلبس ف وش اسامة جامد يقع ع الارض ، يتخض الكل ، يمشي بدر ، يقوموا اسامة م الارض مناخيره بتنزف )
ميدو : انت هتسكتله !!!!
عز : تعالى نروح للمدير حالاً ☝
امجد : اه خليه يترفد ف ساعتها
( يقوم معاهم اسامة يغسل وشه ومناخيره )
ريماس ب استغراب : هو ماله بدر انهاردة !!!!
هبة : مش عارفة 😕
( اسامة طالع فصله )
عز : انت رايح فين مش هتروح للمدير ؟؟
اسامة : لا ومحدش يقول الي حصل
ميدو : انا مش فاهم حاجة !!
امجد : ولا انا
اسامة : اسمعوا الي بقولكوا عليه ✋
( بدر قاعد ف اوضة المدرسين ، يقرب عليه ايمن )
ايمن ب قلق : ايه يا بدر في ايه ؟!!
بدر : في ايه ؟!
ايمن : سمعت انك ضربت طالب بالكورة خليت مناخيره نزفت !!!
بدر : مضربتش حد هو قالي العب معانا ولعبت 🤷🏻♂
( يخلص اليوم ، البنات واقفين قدام المدرسة ، تقرب عليهم وعد )
ريماس : ايه يا دودو هو خطيبك موصلكيش انهاردة ؟
( تتغاظ وعد )
وعد : لا يا حبيبتي خطيبي وصلني وقالي اخلي بالي من نفسي اوي اصله بيخاف عليا موت وهيرجع ياخدني عشان يوصلني للبيت دلوقتي 😊
ريماس : طب والله كويس 😐
وعد : انتي بقا محدش هيحن عليكي ويوصلك ولا ناوي يركنك كتير ؟؟
( تضايق ريماس ، تمشي وعد وهي مبتسمة )
هبة : بقولكم ي بنات انتوا معزومين عندي انهاردة بالليل
اميرة : انا مودي خربان مش هقدر اروح ف حتة 😒
هبة : لا مينفعش طبعاً هزعل منك .. هستناكوا اوك
البنات : اوك
هبة : هروح اشوف بدر عشان اروح باي
البنات : باي
( تمشي هبة ، يقرب اسامة ع اميرة )
اسامة ب ضيق : مافيش مالك سلامتك اي حاجة ؟؟
اميرة : مش طلباك نهائي والله 😑
اسامة : وامتى هتطلبني ؟؟
( توصل عربية السواق )
اميرة : انا مروحة ✋
( تركب اميرة العربية )
رانيا : استنى مروحين معاكي
( يمشوا البنات ويمشي اسامة يروح البيت ، تشوفه امه )
اسيل : مال وشك ؟؟!!!
*( ملحوظة .. اسيل تبقا ام اسامة ، سيدة اعمال كبيرة ، عندها 37 سنة ، انفصلت عن بباه وخدت كل فلوسه ، وخارجاً عن شغلها بتاجر ف المخدرات )*
اسامة : المدرس ضربني بالكورة 😒
اسيل ب خضة : وسكتله !!!
اسامة : دة مش زي الي قبله .. مرضتش اروح للمدير قلت اقولك وانتى تتصرفي 🤷🏻♂
اسيل ب انفعال : ازاي يعمل كدة انا هعرفه انت ابن مين 😡
( ييجي الليل ، يروحوا البنات عند هبة ، قاعدين كلهم مع مامتها )
ريماس : لا ي طنط لازم تكلميهم
ليندا : بعتلهم هبة امبارح فتحتلها مراته قالتلها وطوا الصوت مش بنعرف نقعد ولا ننام تقولها احنا ف بيتنا حرين وذاد صوت الاغانى الي بيشغلوها اكتر ومافيش فايدة 🤷🏻♀️
رانيا : دول ناس مش محترمة خالص !!!
اميرة : لازم راجل الي يكلمهم
هبة : ايوة لما ييجي بدر هقوله
ليندا : لا اوعي دول ناس مش كويسين وهنعمل مشكلة معاهم كدة
منة : ع الاقل يهمدوا شوية هي سايبة ولا ايه لازم حد يوقفهم عند حدهم 👌
هبة : ايوة يقدروا ان في ناس ساكنين ف وشهم دة الكومباوند كله بيشتكي منهم مش احنا بس 🤷🏻♀️
( يرن جرس الباب ، تفتح الشغالة ، يدخل بدر )
بدر ل البنات : ايه الحلاوة دى كلكم متجمعين 😊
( يدخل بدر يسلم ع البنات ويقعد ، يسمعوا صوت اغانى عالية )
هبة : اهو ابتدينا 🤦🏻♀️
بدر ب استغراب : هو في فرح قريب من هنا ولا ايه ؟!
ليندا : اه
هبة : دة مش فرح دة الجيران الي ف وشنا مشغلين اغانى وانا وماما مش بنرضى نقولك
بدر : لا والله !!!!
ليندا ب غيظ ل هبة : انا قلت ايه 😐
بدر وهو بيقوم : ماشي انا هكلمهم
ليندا : لا اقعد متكلمش حد انا مش عاوزة مشاكل
بدر : مش هعمل مشكلة انا هكلمهم بس
ليندا : هو انا مش عرفاك بردوا 🤦🏻♀
بدر : هي الناس مبينفعش معاها الادب بس انا هتكلم بالادب والله
( يمشي بدر يروح الڤيلا الي ف وشهم ، يقفوا البنات برة يتفرجوا ، يخبط بدر ، تفتحله واحدة ست مش متظبطة خالص )
الست ب دلع : ايوة .. أأمرني يا برنس 😍
بدر ب توتر : احم اااا .........
الست : انت ساكن هنا ؟
بدر : انا ..........
الست ب اعجاب : معرفش ان في حد ساكن هنا بالجمال دة 😉
بدر : مهو ..........
الست : يخربيت عنيك 🥺🤎
بدر : ي مدام ياريت بس صوت الاغانى توطوه شوية
الست : بس كدة .. انت تؤمر 😉
( يطلع شاب )
الشاب : خشي جوة ي بت
( تدخل الست )
الشاب : في ايه يخويا ؟
بدر : في ان صوت الاغانى الي حضرتك مشغلها ..........
الشاب : مش عجباك اغيرها ؟
بدر : لا ي حبيبي عاوزك توطيها
الشاب ب فهم : اااااه .. دة بيتى وانا حر فيه 🙄
بدر : ماشي تمام بس ياريت تراعي ان فيه سكان حواليك
الشاب : بقولك ايه انا قاعد متمزج واخر روقان واغانى مش هطفيها انا مش مشتري ڤيلا ف كومباوند ب اد كدة عشان تيجي تقولي طفي الاغاني 🤷🏻♂
بدر : مقلتلكش طفيها بقولك وطيها وهتبقي قاعد اخر روقان وبمزاج بردوا وكل حاجة 💁🏻♂
الشاب وهو بيقرب ع بدر : بقولك ايه فكك مني مش موطي حاجة
( يزق بدر ف كتفه ، يتخضوا البنات ، يبتسم بدر ويبصلهم )
بدر : مش قلتلكم مبينفعش معاهم الادب 😄
( يرجع بدر يبص للشاب ويديله بالدماغ يوقعه ف الارض )
الست ب خضة : يلهوى يلهوى 😱
( يدخل بدر الڤيلا يلاقي سماعة كبيرة مشغلين عليها الاغانى يشيل الفيشة وياخد السماعات يحدفها برة تنزل متكسرة ، يقرب بدر ع الشاب )
بدر : ابقى اسمع صوت كلب من عندك ☝
الشاب ب خوف : كلب ايه انا مبحبش الكلاب اصلاً حضرتك 😨
( يدخل بدر الڤيلا هو والبنات )
منة : صح في ناس مينفعش معاهم الادب
ريماس : انت مش ناوى تخطب ي بدر ؟
بدر : ربنا يسهل 🤷🏻♂
منة : ايه فاضلك الغسالة ولا التلاجة ؟
الكل : هههههههه 😄
بدر : لا ي ظريفة معييش حق الشربات 😜
الكل : هههههههههه 😄
اميرة : طب كنت قلت وانا اجيبهولك 😏
بدر وهو بيبص ل اميرة : وهو معقولة بردوا العروسة تجيب الشربات لنفسها
( تتخض اميرة وتتحرج )
رانيا : قول كدة بقا دة انت رامي ومجهز 😉
بدر : مين دة ؟
منة : امي
بدر : مالها ؟!
منة ب ضحك : بتسلم عليك 😂
بدر : الله يسلمها .. عاوز اشرب شاي .. كباية شاي وحيات امك
اميرة : انت مدمن شاي ي بني
بدر : دة العشق كله دة ومن ايدك انتي ياريت 🤭💛
اميرة : ههههه حاضر 😄
( تدخل اميرة المطبخ ، يرن فون بدر ، ياخده ويقف ع جنب ، اميرة ف المطبخ هتموت م الفرحة ع الي بدر قاله )
اميرة ف سرها : معقول يكون بيتكلم جد وقاصدني 😍
( يدخل بدر المطبخ ، اميرة واقفة سرحانة ، يقرب من وراها ويبوسها من خدها )
اميرة ب خضة : ايه ي بنى 😳
بدر : مش قاله لو بوستك اتجوزك ؟
اميرة ب احراج : انت مجنون والله ابقا كررها تاني 🤷🏻♀️
( يقرب عليها )
اميرة وهي بتزقه : ايييه !!!!
بدر : مش قلتي كررها تاني 🤨
اميرة : لا مش قصدي كدة .. اطلع برا والا مش عملالك شاي ☝️
بدر : لا كلوا الا الشاي 🙅🏻♂️
اميرة ب استغراب : الغريب انك هنا كويس وف المدرسة كأنك واحد تاني .. هتجنني قريب والله !!!
( متنسوش اللايك ورأيكم .. 💙✨ )
#قصة_اكلادور_ل_سهيلة_سعيد
#sohila_sa3ed
الحلقة 9 و 10
Start from the beginning
