قصة : ( اكلادور ) ل سهيلة سعيد المنجي ( كاملة ، متعدلة )

الحلقة 1 و 2

الحلقة الثانية { ٢ } 👨🏻‍🏫

هبة ب ضيق : اتخطبت 😐
البنات ب اندهاش : لا بجد !!!!
هبة : اه والله
الكل ب فرحة : مبروووووك 😃
اميرة : لمين ؟؟
هبة : ل ابن خالي
اميرة ب استغراب : وزعلانة ليه كدة ؟!!!
هبة : مبحبش جواز القرايب دة ومبحبوش هو كمان
منة ب فهم : اااه طيب وافقتى ليه ؟!!
هبة : لو رفضت كان ممكن تحصل مشكلة لاننا قرايب وازاي ارفض والحوارات دي انتوا فاهمين 🤷
ريماس ب استغراب : انا فكرت هتقولي ل سامر !!!!
هبة : سامر سابني لما اتقرى فتحتي .. مبيكلمنيش ولا حتى بيبص ف وشي 😒💔
رانيا : معلش هو هيفهم
هبة ب تنهيدة : مش فارقة خلاص .. انا رايحة اشوفلي تربة ادفن فيها 😑
الكل : ههههههه 😄
اميرة : فكيها بقا يا وزة 😉
هبة : هحاول .. هروح المكتبة باي
( تمشي هبة )
منة : اهي واحدة ضاع حب حياتها 🤷🏻‍♀️
اميرة : بس دي مستسلمة اوى م كانت ترفض ويولعوا ع بعض
رانيا : صعب اظن 😕
منة : لا م احنا معانا واحدة عايشة ف خيال فارس الاحلام الي هييجي ياخدها ع توكتوك ابيض 🛺
اميرة : وايه يعني هو احنا اقل من اميرات ديزني ف ايه 🤷
الكل : هههههههه 😂
( يوصل بدر وايمن ويدخلوا المدرسة ، البنات يشوفوهم وعينهم مش متشالة من ع بدر ، داخل ب كل شياكة الشعر الاسود التقيل نضارة الشمس القميص الابيض الي يزغلل العين ومبين عضلاته والچاكيت الجلد الاسود ف ايده )
منة ب اندهاش : مين المزززززز دة 😱
ريماس ب اعجاب : نهاره ابيض ان شاء الله 👏
رانيا ب اعجاب : لا جامد 😐⁦❤
اميرة : جدي 😍
( يدخل ايمن وبدر عند المدير )
ايمن : صباح الخير
المدير : صباح النور اتفضلوا 💁🏻‍♂️
( يقعدوا )
ايمن : دة بدر المدرس الفرنساوى الي كلمت حضرتك عليه
المدير : والله جيت ف وقتك .. المدرس الي كان عندنا للاسف مشي لانه الولاد هنا طلعه عينه .. بس هو كان مسيبلهم حبتين 🤷🏻‍♂
ايمن : لا حضرتك متقلقش بدر مش بتاع تسييب
المدير : طب كويس اتمنى تطول معانا
بدر : ان شاء الله
( يرن الجرس والكل يطلع ع فصله ، اميرة قاعدة ف الفصل لسة المدرس مدخلش والكل عمال يتكلم ويهزر ، يقرب شاب يقعد قصاد اميرة مرة واحدة )
عمرو : حبيبة هارتي 🕺
اميرة ب خضة : ي ساتر يارب !!!

*( نوقف لحظة .. عمرو ابن عمة اميرة وشغال مع بباها ف الاجازات ، عنده 18 سنة ، ف تالتة ثانوى ، مع اميرة ف نفس المدرسة ، عمرو عامل بيحبها بس متسلط من امه عشان فلوس خاله مش اكتر .. نرجع تاني )*

عمرو : وحشتيني 😗
اميرة : وحيات عمتي ؟؟
عمرو : اه والله
اميرة ب ضيق : يا مصبرنى انت ايه الي جابك هنا مواركش حصة ؟
عمرو : مامتك قالتلي انك خارجة
اميرة : ايوة
عمرو : امتى بقا عشان اجي معاكي اوصلك ؟؟
اميرة : مين عينك سواقي 🤷
عمرو : ههههههه انا 😂✋
اميرة ب غيظ : يخربيت رخامتك .. مش عوزاك توصلني انا 😑
عمرو : ازاي يعنى اسيبك تروحي لوحدك بالليل ؟!!
اميرة : انا عاوزة اتخطف ي سيدي
عمرو : طب ماشي هوديكي بس 😊⁦
اميرة : شكراً لأ
عمرو : لا م انا هوصلك يعني هوصلك
اميرة : رخامة هي ؟
عمرو : هتروحي امتى ؟
اميرة : لسة بدري
عمرو : امتى يعني ؟
اميرة ب تنهيدة : ع الساعة 8 بالليل 🙄
عمرو : مش متأخر دة ؟!
اميرة : سؤال واقف ف زوري ممكن ؟؟
عمرو : اتفضلي 🤨
اميرة ب غيظ : وانت ايش حشرك متأخر ولا بدري ؟
عمرو : خايف عليكي ي قلبي 🥺
اميرة ب انفعال : شكراً اوي انا خارجة الساعة 8 عاجبك تمام مش عاجبك براحتك 🤷🏻‍♀️
عمرو : طب اهدي طيب خلاص اوك 7 هتلاقيني عندك 👏
اميرة : طيب ياريت تتفضل بقا عندى حصة
عمرو : اوك هتوحشينى 😉
( يقوم يمشي ، يدخل بدر ويقفل الباب ، الكل يسكت ويبصوله ، يحط حجاته ع ترابيزة ويقلع نضارته )
منة ب خضة : لا متقولوش ان دة مدرس الفرنساوي الجديد 😱
بدر : انا مسيو بدر .. مدرس الفرنساوي الجديد
رانيا : فعلاً فرنساوي 😐👏
اميرة : باينها سنة زي العسل 🤤
بدر : طلعوا الكتاب .. ولا محتاجين مساعدة ؟
( يطلعوا الكتاب ، تدخل هبة )
بدر : تعالي هنا رايحة فين ؟
هبة وهي بتبصله : داخلة 🤷
بدر : ايه الي اخرك الطابور خلص من 5 دقايق 🔔
هبة : كنت بكلم ميس امينة و ...........
بدر : طب روحي بقا ل ميس امينة تقعدك ف فصلها
هبة : انا اسفة 😬
بدر : اتفضلي اخرجي محدش يدخل الفصل بعدي والكلام للكل ⁦☝⁩
هبة : بدر عديها بقا والله م اعرف انك انت الي هتدينا
بدر ب اصرار : برة يا هبة 👈🏻
( يستغربوا انهم عارفين بعض )
هبة ب تحايل : ي بدر خلاص بقا 😟
بدر : سمعتي ؟
هبة ب انفعال : ايوخ عليك 😡
( تمشي هبة ع اخرها ، يهمسوا البنات ل بعض بالكلام )
رانيا : ليكون دة اخوها المدرس 🤔
منة : ايوة افتكرت دة هو
ريماس ب قلق : يا نهار اسود دة طرد اخته اومال هيعمل معانا ايه 😬
منة : ي بخت هبة انا من بعد انهاردة رشقالها 💃
اميرة : انتى م بتصدقي 🤷
منة : حاطط حتة برفيوم تحفة .. ولا عنيه الزرقا 🥺♥️
اميرة : رماااادي 🙄
بدر : الصوووووت
( يسكتوا البنات ويبدء بدر حصته ، ولاد بيهزروا وعاملين دوشة ، بدر عاطيهم ضهره عشان بيكتب حاجات )
بدر : الي ف تانى صف وتالت صف والولاد الي ف الصف الاول من ع الحرف .. كلكم برة
( يتخضوا )
اسامة : عملنا ايه ؟!!!
بدر وهو بيكتب : انت عارف .. اطلعوا برة
( يقوم الي قال عليهم يقفوا الا اسامة ، يلف بدر يشوفه قاعد )
بدر ل اسامة : انت سمعتني ؟؟
اسامة ب عدم اهتمام : مش هخرج عاوز احضر الحصة 😒
بدر : م انت لو مهتم بالحصة مكنتش قعدت تهزر وتستهبل يلا برة 👈🏻
اسامة : انا مستهبلتش ومش طالع برة
بدر : اه .. طيب .. روحوا اقعدوا مكانكم
( يرجعوا يقعدوا تانى )
بدر وهو بيقرب ع اسامة : هتطلع لوحدك 🙂
اسامة : وانا قلتلك مش طالع 😐
( يمسكه بدر من قفاه ، يتخض الكل ، يطلعوا برة ويرجع )
بدر : ابقى اسمع صوت حد تاني .. ⁦ انا معنديش مانع اشرح ل 2 او 3 ف الاخر
اميرة ب خوف : احيه 🤦🏻‍♀️
( يخلص بدر حصته ويمشي ، يشوفه اسامه وهو طالع يبصله بغيظ ، بدر يقابل هبة وهو طالع )
هبة وهي بتقف قصاده : بقا كدة من اول يوم بتطردني ي بدر !!
بدر : اسمي مسيو بدر احنا مش ف البيت هنا روحي ع فصلك 👈🏻
هبة ب غيظ : ماشي يا بدر 😠
بدر : ع جوة يا كلبة 😑👈🏻
( تدخل هبة الفصل )
ريماس وهي بتشدها : تعالي تعالي 😮
هبة ب خضة : ايه ؟!!
منة : كتك اوة هو دة اخوكي المدرس ؟؟؟
هبة : للاسف اه 🤦🏻‍♀
رانيا : للاسف ايه الله يحرقك 😱
منة : م تسلفيهولي كام يوم اتفشخر بيه بس شوية 🙏🏻
هبة : خديه للابد 🙄
اميرة : بس ماله قافش علينا ليه كدة !!!
هبة : دة جزمة دة مش كدة ف البيت خالص
اميرة : م تيجي معانا المول بعد المدرسة
هبة : لا مش ف المود عايزة اروح البيت 😑✋

( متنسوش اللايك ورأيكم .. 💙 )

#قصة_اكلادور_ل_سهيلة_سعيد

#sohila_sa3ed