طريقنا صعب

البارت ١٨

رزان:لبيتنا يعني وين ؟ مو هذيج المرة صار عندك شغل واجيت .. لو بس بالمشاكل موجود انت ؟

قسورة: ههههه تردين تشوفيني ؟

رزان: يعني يمكن

قسورة: ان شاء الله اجي

رزان: يمتى ؟

قسورة: شغلي ومستمر عادي لاعندي واجب ولاشغلة اجي بيها.. شعندي جاي لبيتكم وانة رجال ببحدي ؟ ووقت دوام هسة ؟

رزان:بطلت لاتجي . اصلاً اذا اجيت اطردك

قسورة: هههههههه ابوية انتي صار ... انة هم اريد اجي بس غير اكو سبب ..

رزان: اي اوكي اوكي سد الموضوع ..

ضلينا نسولف شوية .. وسديتة ..

احس كمت اتعلق بي يوم بعد يوم .. ماجنت متوقعة بيوم احس بهذا الشعور .. هواية اسمع من صديقاتي عن الحب وهاي السوالف بس جنت دائماً استهزء من يحجن هيج ... هسة احس غييير ...

*****..*****..*****..*****..*****..*****..*****
ثاني يوم الصبح ..

دك المنبه ... الساعة ٦ الصُبح ..

فتحت عيوني جريت التليفون فتحتة ..شفت الساعة ..
حيييل نعسانة اريد انام ...

كلت بس شوي ٥ دقايق واكعد ...

نمت ... كعدت على صوت هبة ...

هبة: ولج كومي ب ٦ ونص يمتى تلحكين تبدلين ..

رزان: اي اي كمت ...

طبعاً هبة وياية بنفس المدرسة ..

كمت رحت غسلت وجهي وفرشت اسناني بسرعة ...

بدلت ملابسي ولفيت حجابي بكُل حب اول مرة الفة مضبوط ومااطلع شعراية وحدة ...

وحيل فرحانة ..اخذت الجنطة خليت بس كم دفتر ..

ضليت اتحضر مثل طالبة الاول ابتدائي من تروح للدوام بحماسها ...

نزلنا للمطبخ لكينا ماما كاعدة .. كلنا نروح للدوام بنفس الوقت ..

تريكت لكمتين واجة الخط ..

هبة: يلا يلا بساع لاتبدين من اول يوم تأخرينا ..

رزان: بوست ماما وطلعنا ...

اول مفتحت باب السيارة لكيت البنات نفسهن الي جانن ويانا بالسنة الراحت .. اكو بيهن صديقاتي و اكو صديقات هبة مو وياي بنفس الصف ...

اغلبيتهن ممحجبات ..

سلمت عليهن ودخلت كعدت بلأخير ..

صديقاتي حيل مصدومات ممتوقعات بهذا الوقت اتحجب ..

هند: ولج تخبلين تخبلين شعجب تحجبتي

رزان: غصباً عليج اخبل

هند: هههه ولي لج بس صدك لايگلج ..

رزان: حبيبتي تسلمين .. والله شفت هذا الوقت الصح وتحجبت وحيل مقتنعة بي ..