البارت 48
اهات ودموع يتيمه
منقوله للكاتبه رونق
زرت وصليت ودعيت ربي يخلصني من السحر
واتمنيت يجمعني بزهراء ودعيت الامام بس كون يهديلي زهراء وتكوم تحبني مثل محبيته اني
طولها حلو وجسمهه رشيق ونازكه بشكل
عكس نور گصيره مو طويله وجسمها مامتناسق وسمينه
وقررت نفتر هنا وبعدين نروح لشارع الروان نتعشى ومناك اشتريلها جهاز
نور بلا عبايه ونهى كذلك
بس زهراء لا مااحب تنزع العبايه ولا البوشيه محبيت احد يشوف جمالها
گتلها حابه تنزعيها
گلتلي لا اتعودت عليها
كتلها بنفسج شي
گلتلي والله مابنفسي اي شي
رحنه وصار مقابيلي صايغ ذهب حبيت اخذلها زنجيل وبي لو اسمها لو حرفها
گتله راح ندخل لمحل مااريد اسمع نفس الج
اختاريت الها واحد وبي اسم زهراء بس انطاني سعره وحسبت فلوسي ماتكفي لان انطيت الرجال 250 واشتريت الفرشه والبطانيه وملابسي الاخذتهن ولازم ورانه عشا حتى الجهاز مراح اخذه منا من نرجع اخذه مناك
گتله بدل الاسم بحرف
عجبني كولش اخذته وتحاسبنه وطلعت
ضميته عندي
اخذت تكسي ورحنه لشارع الروان
اتعشينه طلبت دجاج شوي
بقينه نفتر بس بدون كلام
اخر شي تعبت گتلها نرجع گلتلي بكيفك
رجعنه بتكسي للفندق
وصلنه ورحنه صعدنه
دخلت گبل للحمام سبحت وطلعت
دخلت اني وراها للحمام وگتلها لتنامين انتظريني عندي حجي وياج ...........
زهراء : حسيت بشعور اليوم محاسته من زمان
حسيت براحه نفسيه كلش
اخذني احمد للسوك يم الامام وسالني شتحبين تشترين گليلي
هو اني اذا خانگني بالبوشيه شاشوف شاسمع
بس الصراحه من لبست البوشيه ارتاحيت من المضايقات الجانت دائما زاعجتني
گلي تحبين تنزعيها اني رفضت
اخر شي دخلنه للصايغ وراد يشتري زنجيل وبي اسمي وبعدين غير رأيه يجوز غالي علي واني مااستاهل بس الصراحه استغربت
معقوله هذا احمد لو غيره
بعدين بدله بحرف z
گلت بس ينطينيا افشله وارفضه مااخذه منه
