اجتي خالتي وگلتلي راح اروح للبيت قبلكم كملي هاي الغرفه ومن يجي احمد تعاي ويا وباجر هم نرجع بس نبقه هنا نخدم الزوار منكدر نرجع للبيت كتلها هاي هيه خاله بقينه اني واحمد وعلي وزوجته دخلت وياي للغرفه وبدينه نرتب بس شنو تعبنه اني كوه اشتغل لان جوعانه حيل وره شويه صاح
احمد
زهراء اني بقيت صافنه اول مره اسمعه يصيح باسمي رحت بسرعه اله لكيته بالمطبخ كلي راح اروح وي علي وزوجته وانتي ابقي هنا ايالج وابالج تفتحين الباب لاي بشر اني من اجي اجيب المفتاح وياي
هزيت راسي بمعنى اي
كتله بس اني حيل جوعانه بلكي تجيبلي شي وياك من البارحه واليوم مماكله شي
كلي اوك
كلي خل تكمل حلا وتجينه احنه بالاستقبال
رحت وبقينه نرتب بالبطانيات وبدت تسولف وياي وتسالني عن حياتي وبديت اسولفلها عن حياتي وشلون نت عايشه مثل الاميرات بس فجأه تغير كلشي بحياتي وحسيت بيهه مثل الي نقهرت عليه وغيرت الموضوع وسولفتلي عن علاقتها وي علي قبل الزواج زواجهم عن حب دام 3 سنوات يله متزوجين كملنه وودعتني وراحت بقيت وحدي والدنيا ليل حسيت بخوف جبير لان البيت جبير حيل
وكان غريب عليه اخاف تنطفي الكهرباء واني كلشي ماعندي لاجهاز واضوي بي ولاشمعه شحن
اني متعجبه بيهم اگول معقوله ذوله من دمي ولحمي
معقوله ذوله ينحسبون اهلي
معقوله عدهم قابليه ينسوني
اني ماعندي غير اسلم امري لرب العالمين
بقيت ارتب المطبخ بس عبرت ساعه ساعتين 3 ساعات واحمد ماكو بدت اموري تتخربط من الجوع نعست وتعبت عفت كلشي ورحت اتمدد وانام لان حيل اتعبت اليوم
نمت كوه كوه كعدت لكيت الدنيا الصبح واحمد ماكو اني تخبلت كلت اكيد متقصد حتى ابقه جوعانه واتخربط ويجي ياخذ راحته مثل كل مره كلت بس يجي لازم اصير قويه واتواجه ويا مو مثل كل مره اذا حاسبني من صدك خدامه خلي يعاملني معاملة الخدم يوكلوني ويشربوني وينطوني اجره
مرات افكر انهزم منهم بس ارجع واگول وين انطي وجهي ومنو يرحمني الناس متنحزر ومنو يگول الناس ترحمني
يجوز بيت عمو ارحم من غيرهم ابقى انتظر رحمة الله
رحت للمطبخ بس دوخه قويه لزمتني كوه وصلت شربت مي حتى مااكدر اشتغل
اكو ساعه بالمطبخ شفتها هستوها ب9 ياربي شاسوي رحت ادور بالكاونتر بلكي الكي اي شي ؟؟؟؟؟؟
كلشي ملكيت ايست اكو طبله وكراسي بالمطبخ كعدت ع الكرسي وحطيت راسي ع الطبله دعيت ربي ودعيت فاطمة الزهراء كون تفرجلي لو انام لو احد يذكرني ويجيبلي اكل
وره شويه نمت اجتني بالحلم مريه مبوشه ولابسه اسود وانطتني لفه كتلهه اي اجت بوقتها اني حيل جوعانه بديت اكل المريه مانطقت ولا بحرف بس مسحت ع راسي
كتله انتي منو ؟؟؟؟؟
اشو هاي عافتني وراحت كمت اصيح وراها ولاكانو كعدت من النوم الساعه ب12 الظهر بس شنو نشطه حيل ولاكانو بيه شي وشبعانه حيل طعم اللفه لهسه بحلكي جانت كولش طيبه معرفت شنو بيها كمت اتوضيت وكعدت اصلي واني اصلي دخل عليه احمد وخالتي
