روايه حلم🌍❤️

البارت الخامس 🤴❤

تلكه الغرفه مرتبه وتلكه شباك مفتوح والبنكه مشتغله وكلشي حلو موجود

تشوف اكو كنتور موجود تروح ع الكنتور تفتحه تلكا مرتب وملابسه واكو ملابس جديده وفساتين جديده وحلوه

تباوع من الشباك تشتم هوه كلش حلو وتباوع السيارات والجهال شلون يلعبون وتحس نفسه نولدت من جديد

تعطس وتحط ايده عله خشمه وتشوف السوار مال فينوس

وتذكر فينوس تنقهر وتنزل دمعته وتحس نفسه تريد تبجي وتنزل دمعته والدمعه لثانيه تحس نفسه شخص عزيز عليه فقدته مره ثانيه

وتكول ويه نفسه ليش كل شخص احبه واريده يضل وياي يروح مني

ينفتح الباب وتدخل اخت زهراء

وهي تمسح دمعته بسرعه ولا كأنما اكو شي وتندار عله الباب

تلكه اخته وتروح تركض عليه

نوووور

ولج شلونج مشتاقتلج يربي عبالك صار سنين مشايفتج ولو انتي كل موعد زياره تجين

بس هنا احس شي مختلف

نور :-امشي لعد جوه وشوفي شكو

بس اول شي لبسي فستان يا ملكتنه ههههه

زهراء يله يله بدون سقه اطلعي خل ابدل

وك وك رجعنه عله العناد والشقه ههههه

تبدل زهراء وتلبس احله فستان وكلشي حلو وسوار فينوس الي مرسوم عليه صليب

قربت السوار عله حلكه وتريد تبوسه ف طخته جان ينفتح الصليب عله وجه

اخخخخخ خرررب فينوس حته وانت ماكو لازم تسوي شي شنو هاي نوووب

ينفتح الصليب وتطلع صوره

صورة امه وابو وفينوس وياهم

زهراء تباوع وتنقهر

اعز هدية عند فينوس نطانياها لعد شنو اني بالنسبه اله؟؟

تنزل زهراء من الدرج وتشوف خطار والبيت مخبوص وتروح تكعد يم امه وتسلم ع الخطار وخبصه ووووووو

بهاي الاثناء فينوس كعد من النوم بدار الايتام

يجي واحد عليه

انت انت يولدد

فينوس يكعد :-هااه شكوو

اول شي اني اسمي علي

فينوس :-واني اسمي فينوس

علي:- فينوس!! شهل اسم الغريب المهم كوم ع الريوك لان تره اذا متتريك هنا بعد ماكو ريوك مو مثل غير اماكن هنا الي مياكل وقت الوجبه مياكل بعدين ف كوم رح يخلص الريوك

فينوس :- ما اشتهي هسه روح

علي بكيفك بس دا اكلك كوم هنا اذا الولد شافوك ضعيف وهيج رح يتقوون عليك ورح يخلوك خادم جواهم ف بين للكل انت قوي

يعوفه ويروح

فينوس يكعد يكوم من فراشه يغسل وجه ويطلع للقاعه ويشوف عدد كلش جبير من الولد والبنات

وميعرف احد بيهم

يروح عله الطباخ يكله عمو اريد ريوك

الطباخ يكله هاك ينطي اكله الي هو شوربه وصمونه وجبن وجاي

ياخذهن فينوس

يريد يروح يكعد بس ميعرف احد ف ياخذهن ويكعد وحده

يكعد ياكل فينوس ويجي عليه علي

ها مو كلت ما اشتهي

فينوس:- يابه كف ياخه عني كلتلك اي صح بس جعت شسوي

علي :-علكيفك مسويت شي وثاني شي اني هم ماعندي اصدقاء ف ردت اصير صديقك

فينوس :- ما انصحك

علي:- ليش
فينوس:- اي واحد يتقرب عليه لو تدمر حياته لو يتعلق بيه ويبتعد عني بعدين

علي :- احنه بكل الاحوال رح نكبر يصير عمرنه ١٨ ونطلع من هذا المكان لو قبل هالعمر احد يتبنانه

ننتضر الفرج وبس

يجون ٢ عله فينوس :-ها انت الولد الجديد كالو عليك حلو وثكيل وفوك هذا عصبي وتتعارك

فينوس :- يبقه ساكت وياكل

الولد الثنين :- دنحجي وياك جاوب

فينوس ساكت:-

الولد الثنين يدفعون راس فينوس ويضحكون

فينوس :- يكوم ويكله شتريد مني تريد نتعارك لو شنو وبعصبيه كلش قويه عوفني وحدي وماريد اي احد بهذا الميتم يتقربلي ولا حته يصير صديقي فهمتو كلكم لو لا

يعوف اكله ويروح

يروح لغرفته ويطلع ورقه وقلم ويبدي يرسم

باجر نشالله انزل بارت جديد ❤🤴