روايه حلم🌍❤️

البارت الرابع 🥺❤

يجي ابو الرعايه عله سحر ويوصل يمه ويكولله

دكتوره سحر شبيج عبالك شفتي واحد ميت شبيج وجهج صار اصفر

دكتوره سحر تتلكأ بالحجي وتكله اسسسس اسسفه استاذ  ججج جان بالي شارد

ابو الرعايه لا ولا يهمج

يباوع عله زهراء وفينوس

ف يشوف فينوس وجه جديد

ويصفن يكله باباتي حبيبي شسمك انت شو اول مره اشوفك ؟؟

سحر ساكته وزهراء وفينوس خايفين كلش

ابو الرعايه

سحر منو هذا الطفل شو مجان موجود بالتعداد ليش

شنو جديد اجه لو شنو سالفته

يسأل سحر وسحر ساكته

يرجع يسأل فينوس ومحد يجاوبه يضوج ويكوللهم احد يجاوبني

زهراء :- بكل قوه وثقه بنفس

هيييييي عموووو شبيك تصيح عله صديقي شنو يعني  ميصير يجي صديقي ويزوني ويلعب وياي

وثاني شي هو يحبني وكل يوم يجي حته يتوددلي واني هم احبه شنو تريدون محد يجي علينه

ابو الرعايه شنو صديقج

زهراء اي صديقي يم بيتنه هذا

ابو الرعايه شسمك باباتي انتي

زهراء تكله

احمد اسمه احمد وثاني شي محد يحجي ويا بس اني

لان هو مالتي اني وبس

ابو الرعايه سحر صحيح هالكلام

سحر:- اي اي استاذ  صحيح هو جيرانهم وخطيه كل مره اجيبه عليه وياي لان هو عله طريقي الكا واكف بباب بيتهم اجيبه وياي واجي ومن ينتهي دوامي ارجعه

ومن ابات خفر هنا اخلي اخوه الجبير يجي ياخذه

زهراء :- اي شنو هسه ميصير يبقه يمي اذا ميبقه يمي  احمد والله تره اختل ومحد يلكاني

وتحضن احمد وتبوسه من خدوده وتكول

صديقي هذا محد ياخذه مني حبيبي

فينوس صافن ووجه احمر

فرحان بس خايف بنفس الوقت

مصدوم بس  بداخله سعور مينوصف

ابو الرعايه :- ههههه والله يابه هالكدودج وهيج تحجين من تكبرين شلون

يكوم من يمهم يكول لسحر تكدرين توصليني لقسم المفقودات بلكت الكه تلفوني هناك

سحر اي اي استاذ يله

يكومون من يمهم وزهراء تباوع عليهم وهي حاضنه فينوس

من يبتعدون  كبل توخر وتكول ايييييييع  وخخخخر

مصدكت وحده تبوسك وتحضنك شنو انت لزكت

اييييع وتمسح بشفايفه وملابسه

وتكله

المره الثانيه اني نقذتك وانت ولا مره كدرت تسوي شي علمودي كاضيه بس ترسم وجهي مخربط

اني ايييييع ولك شلون بستك كل هذا علمود انقذك

فينوس  بس ساكت وما نطق ولا كلمه

بداخله يريد هالشي ينعاد شعوره مينوصف

زهراء :- اي اي ابقه ساكت انت اصلا اخرس عبالك

اروح اكل شي لان جعت

تكوم من يمه وتبتعد

فينوس:- زهرااااء

زهراء:-   تندار عليه وتكله هااااا

فينوس :- شكرا 🤦‍♂️🤦‍♂️

زهراء:-  مسويت شي بس خفت ياخذوك

فينوس :-ليش خفتي

زهراء :- ابويه كالي اساعد الكل ف ساعدتك

فينوس :-  يله روحي اخرتج عله اكلج

زهراء:- تاكل وياي ؟؟؟

فينوس :- بعد هاي الصدمه والخوف بطني كامت تقرقر

يكوم ويروح وياه

وهمه يمشون زهراء تدفعه وتضحك

وتكله انت حيوااااان

فيونس :- اذا حيوان ليش ساعدتيني هههه

زهراء :- الحيوانات تساعد بعضه 😂😂

فينوس :- انتي اعترفتي هههه

ويروحون عله الميز ويجيبون اكلهم ويبدون ياكلون

سحررر  تجي تركض عله فينوس وزهراء من بعيد

وتجي تحضنهم بكل قوته وتكوللهم احبكككككم وهي تبجي

زهراء وفينوس بصوت واحد:- شبيججج

سحرر احبككككم مرح انساكم ابد 🤦‍♂️🤦‍♂️

التكلمه باجر تنزل❤❤