زوجة رجل عجوز ( روايات ليبية )

4

زوجة رجل عجوز
الحلقة
4🥀
احمد.. ياريت مطوليش عليا.. توا حولي ترقدي
ارقدة طول ولم نضت الصبح لقيت روحي بروحي في السرير
نضت طلعت مالقيت احمد في الجناح غسلت واخترت بدلة حلوة بنطلون وجكيت لبستها مع بلوزة وجبدت شعري وحطيت شوية مكياج خفيف بس دكنت الروج منعرفش ليش.. خش احمد.. واخيرآ نضتي ضنتك بتقضي اليوم كله نوم
اني.. اول مرة نرقد هكي صبح الخير
احمد.. قولي عصر خير
اني.. الساعة كم
احمد.. 5العصر
اني.. تبصر
احمد.. نوضتك اكثر من مرة تقوليلي واتين سكري الباب واطلعي خير مانزعل منك
اني.. حي اسفة عمري مارقدت لثمانية حتى لو كان يوم عطلة او جمعة واللهي
احمد.. سهرنا هلبا واضح كنتي تاعبة البارح وبعدين حتى إني نضت الظهر
اني.. اي ماحسيت بروحي
احمد.. كيف حالك اليوم احس صح
اني.. اي دكتور.. قصيد أحمد
احمد.. اني اسف البارح عصبت عليك خليك براحتك
اني.. لا عادي معك حق لازم نتعود ميصحش نقول دكتور قدام حد لازم نعود لساني على أسمك
احمد.. شن ريك نطلعوا شوية ندهور بسيارة
اني.. اللي تشوفه خلي نشرب قهوتي قبل
احمد.. اي تعالي نفطرو اقبل
وطلعنا دهورنا بسيارة :
ورجعنا لبيت وكيف وصلنا خشت سيارة ورنا لبيت
اني.. من هاذا
احمد سيارة تيم ولدي.. ونزل بعدها اني نزلت
تيم.. اهلين بابا وين ياشيخ الشباب تهيج
احمد.. ضربه بالمفتاح على يده.. على الشط يابرنس
عمار.. وطي صوتك بابا
احمد.. اهلين عمار تعالوا نعرفكم بي ليان
احمد.. ليان هاذا تيم وهاذا عمار.. أولادي بنتي في العمرة لم تروح توا اتجي تتعرف عليك
اني.. مديت يدي اهلين كيف حالكم
وخشيت لبيت
احمد خشوا اشربوا القهوة معنا عمار مرة تانية
تيم.. لا اني بنخش نشرب القهوة
عمار بصوت وطي تي تحشم توا نجوا مع العيلة بعد بكرة الجمعة
احمد.. لا خش توا واني نجي الجمعة نتغداء عندك مش دورك الجمعة هاذي صح
عمار.. تمام خلي الوضع زي ماهو كل جمعة عند حد
وخشوا اني كنت في الصالة
احمد.. ياريت قهوة من ايديك ليان
اني.. حاضر احمد
ودرت قهوة ومشيت لمجلس الرجال مالقيت حد
وجيت لي لصالةمالقيت حد
اني.. دك. احمد احمد
تيم.. احمممممممد ينادو فيك الجماعة
احمد.. ليان ههني تعالي
وخشيت لي دار في الصالة كبيرة فيها جلسة عالية وشاشة كبيرة
اني.. احمد القهوة
احمد.. خشي قدميها.. وقدمتها.. جيت بنطلع
احمد.. تعالي قعمزي جاين يباركولك
اني.. اهلا وسهلا
تيم.. الف مبروك تفضلي وعطني علبة صغيرة
عمار.. مبروك وعطني مفتاح
احمد.. سيارة
عمار.. اي ريهام قالت إنها تقراء في الجامعة واحسن حاجة سيارة هدية
اني.. شكرا منعرفش نسوق اني
احمد.. تتعلمي
اني.. لا ليش نتعلم وكان ع الجامعة انت معيا
تيم.. كيف معك انتي نفس الكلية
احمد.. ليان من أفضل طليبتي وديمآ معدلها امتياز
عمار.. والله.. صدفة او انت تعرفها وكلمت ريهام
اني.. أي كلم ريهام
احمد.. ههههههه
تيم.. بابا في حاجة
احمد.. حاجات شكله
ومشوا وطلعوا
تيم.. البنت حلوة وصغيرة وشكلها لحسة عقل بوك
عمار خلي تلحسه مانت مرتك لحساء عقلك
تيم.. مرتك نضربت في عقلها تجيبله وحدة صغيرة وحلوة تي احلا من نسوينا يارجل
عمار.. نصيب
تيم.. نصيب يحب بنات من بناته اللي يدرس فيهم ويتزوجها
عمار.. انت صدقت مايعرفها هو
تيم.. كيف الناس تزوج بنات تبيع فيهم كل هاذا على خاطر الفلوس
عمار.. من قالك على حسب علمي بوها حالته ممتاز ومقتدار
مش مستحق فلوس بوك
تيم.. متخشش مخي في شي البنت اية في الجمال استغفر الله وصغيرة هلبا والهم باين عليها حشمة وأدب أستأذن قبل تخش
عمار.. اس راك تتكلم قدام مرتك والله طفشها زي اللي قبلها
....
حنان.. ورد حبيبي ليش نحس فيك بعدت عليا
ورد.. لا حبيبي غير كنت مشغول بس انتي تعرفي عرس جدي
حنان.. خيره جدك هاذا خف عقله يتزوج بدل يزوج اخفاده
ورد.. حقه وبعدين هو قاعد شباب تعرفي اتزوج وهو صغير بجدتي
حنان.. ولوا يتحشم على شيبته
ورد.. حنان اخر مرة تتكلمي على جدي هكي اوكي
حنان.. نبصر حبيبي انت بديت تتحسس مني
ورد.. كيف نتحسس نازلا في جدي وتقولي نتحسس منك
حنان.. انت متغير ونعرف اللي غيرك اني
ورد بنفاد صبر.. مين
حنان.. ليان
ورد.. قلبه طق بسرعة او ما سمع إسمها وحس بضيق في صدره
حنان.. حبيبي انت تسمع فيا
ورد.. اي حبيبي نسمع صكري مشغول توا
حنان.. شفت نعرف هيا قلتلك كلام عليا متصدقهاش حبيبي تكذب تعرف انها حسدتني وتغار مني
ورد.. حنان على شني حسدتك انتي شن تقولي ليان عمرها ماحكت عليك قدامي او جابت سيرتك وبعدين اخر مرة تحكي عليها خليها في حالها هيا ماتتكلم عليك ولا بخير ولا بشر مش فاضية لدوة الزايدة
حنان.. ورد انت تخصم فيا على خطرها
ورد.. الووو الووو منسمع فيك اطلعي في التغطية
وسكر الهاتف.. وحطه خارج التغطية
ورد.. يكلم في روحه.. ليش قلبي نقز من مكانه لم سمعت اسمها وليش مارضيت حنان تتكلم عليها يمكن اشتقتالها.. اف ليان كان تردي عليا انتي مزال زعلانة شكلي بنمشي لي بيتهم نسأل وخلاص.. لالا نسببلها مشكلة مع مرت بوها. نتصل وخلاص
ورد... الو ليان
واتين.. لا
ورد.. واتين اعطيني ليان قوليها ورد
واتين.. نعرف انك ورد اسمك طلعلي
ورد.. باهي اعطني ليان
واتين.. ليان مش موجودة هاذا هاتفي ورقي أعطته لي ليان
ورد.. اعطيني رقمها الجديد
واتين.. معنديش لم تجي توا ناخد منها
ورد امتا اتجي
واتين.. منعرفش قالت ماما اسبوع ولا شهر
ورد.. ليش وين مشت
واتين.. حي ماتعرفش هيا اتزوجت من يومين
ورد.. نعم.. وقلبه عصره بقوة وصكر طول ونزلت دمعته..
ياربي.. نحبها اي عرفت شن نحس نحبها.. حمار ياورد ليش توا بس عرفت هاذا.. الله يلعنك ياحنان قعدتي تزني من حوليا لين بعدتني عليها.. ياربي شن درت في روحي اني شن درت.. توا عرفت قيمتها ياورد توا بعد ضيعتها من ايدك.. انت السبب تقول اختي اختي لين ضاعت منك.. تي الف مرة جدي نبهني واني زي الحمار حنان السبب اي حنان
ياربي هيا روحي هيا نصي التاني شهر هان عليك يا ليان تبعدي هان عليك تتزوجي من غير ماتقولي.. كيف درتي فيا هكي كيف
اي.. هيا كانت تبي تقولي شئ يومها.. اني اللي غالط معها أكيذ خافت نحكي لحنان.. ظلمتني ليان عمري محكيت لي حنان شي يخصك ولا عمري خليتها تحكي عليك.. وقعد يبكي يبكي اكثر من ساعة لين اتصلت أمه من السعودية ارتاح اشوية
....
خلتي.. واتين في من كنتي تكلمي
واتين.. واحد غالط
خالتي.. نحسابه مخويتك
بابا.. سناء سادك افتكيتي منها وتوا تبيها تتصل ليش
خالتي.. قوالت بالك تقول بتجي.. خالي نقولها مش فاضين بيك الصغار عندهم دور تاني يقروا
واتين.. استحشتها والله البيت فاضي من غيرها
بابا.. اي خلت مكنها
خالتي.. معكم حق الواحد يحس براحته في بيته مش في حد كابس عليه طول الوقت ريتوا الراحة والهدواء اللي في البيت
.....
اني.. احمد تبي حاجة بنخش نتكأ شوية
احمد.. لا عندي شوية شغل بنتمه العشى على الساعة 10تمام
اني.. شن تبي نطيب
احمد.. لا ارتاحي الشغالة أطيب
اني.. اوكي مشيت غيرات ملابسي وخشيت اتكيت ماجني نوم وشفت الشنطة في الدار فتحتها وطلعت منها ملابسي وحاجات الخاصة وطلعت الذهب اللي جابه احمد حطيته في الدولاب وحطيت الخاتم اللي جابه تيم كان خاتم كبير وحلوا .
وبعدها ارجعت اتكيت وحسيت النوم خدي في عيني ونضت على رنة الهاتف لقيت هاتف احمد بجنبي
نضت ارفعته ليه
اني.. احمد الهاتف
خده تكلم وبعدها قال عمار عزمنا غدوة
وتاني يوم نضت بكرى دوشت ولفيت شعري فلوا شعري تحت اكافي شوية يعني لاخصري ولونه قصدلي
وجيت بنلبس بدلة
احمد.. البسي شي انزك وافخم مرات يجي حد على العصر نقصد تكون عازمة على العصرية حد
اني.. حاضر والبست قفطان مطرز بالفضة والبست طاقم فظة عليه بفص اخضر قاتم زي القفطان
وكندرة وشنطة بفصوص بيض ودرت بروش في شعري ود