حطمت اسوار قلبي

البارت الواحد والثلاثون (ج2)

واخيرا وبعد طول انتظار البارت نزل
هو كان المفروض ينزل امبارح بالليل بس للاسف النت قطع عندي

ان شاءالله مواعيد الروايه الجديده هتبقي يوم حد وتلات وخميس وهينزل بالليل هيكون من الساعه 10 للساعه 1 بالليل علي حسب البارت هيخلص امتي

هقولكم تذكير صغير كده بااخر الاحداث اللي حصلت عشان الناس اللي نسيت.. وقفنا اخر بارت علي ان ادم راح لمازن الشركه وطلب ايد كارما وعلي ان قاسم اكتشف ان ابنه مكنش ف شهر العسل وراحله شقته.. وطبعا يزن لسه ف المصحه ولُجين ويحيي اتخطبوا بس لسه لُجين بتعند معاه ويحيي بيقابل عندها بكل هدوء..

ندخل ف البارت الجديد بقا
البارت الواجد والثلاثون من الجزء الثاني من حطمت اسوار قلبي
By: basmala hassan
_______________________________________
في الشركه
دخل ادم المكتب وجلس امام مازن وبعد التحيه والتحدث ف بعض المواضيع الصغيره
قال مازن: انت كنت جاي عايز حاجه ياادم
ادم بثبات: بصراحه اه.. انا كنت جاي وطالب من حضرتك ايد كارما
مازن باندهاش: كارما!!

اومأ ادم رأسه بهدوء وقال: انا عارف ان حضرتك مصدوم من طلبي وممكن كمان تكون شايف فرق السن بينا كبير بس انا عارف اني لو لفيت ودورت مش هلاقي واحده انسب من كارما انها تبقي مراتي وتشيل اسمي

قال مازن بنبره هادئه: فرق السن ده اخر حاجه ممكن افكر فيها.. انا بس مستغرب ان كارما اللي طول عمرك كنت شايفها اختك الصغيره عايز تتجوزها دلوقتي

ادم: حضرتك قولتها كنت شايفها لكن دلوقتي لا.. علي العموم انا مستني رائ كارما ورائ حضرتك انت كمان وخدوا الوقت اللي انتو عايزينوا.. وبالمناسبة محدش خالص يعرف اني اتقدمت لكارما.. ولو حصل نصيب ووافقتوا هقول لبابا وامي ونيجي ونتقدم رسمي اما بقا لو محصلش فمحدش هيعرف بالكلام ده

اومأ مازن راسه بهدوء وقال بابتسامه: انا مش هلاقي احسن منك لبنتي ياادم..انت راجل وليك هيبتك ومركزك ومتاكد انك هتصون بنتي وهتحميها.. بس اكيد القرار يرجع لكارما

ادم بابتسامه هادئه: اكيد خدوا الوقت اللي عايزينوا وردوا عليا
مازن: ماشي ياادم وان شاءالله مش هنأخر عليك ف الرد
نهض ادم من علي الكرسي وقال: ان شاءالله.. انا مضطر امشي دلوقتي عشان عندي شغل

مازن بابتسامة: ماشي ياحبيبي ربنا معاك
ادم: يارب.. يلا السلام عليكم
مازن: وعليكم السلام

غادر ادم المكتب وبعد رحيله قال مازن بابتسامة اعجاب: حقيقي مش هلاقي لبنتي شخص مناسب غيرك ياادم..
_______________________________________
فتح قُصي الباب وسرعان ما تحولت ملامح وجهه الي الصدمه عندما وجد والده يقف امامه
فقال بصدمه: بابا
تحدث قاسم بسخرية وقال: ايه ياعريس كده ترجع من شهر العسل من غير ما تقول لحد

توتر قُصي بشده وقال بتلعثم: انا انا
توقف عن الحديث عندما دفعه والده بخفه من امامه ودلف للشقه
ابتلع قُصي ريقه بتوتر لما هو مقبل عليه
اغلق الباب ثم اتجه الي والده الذي يقف ف منتصف الصاله ويتفحص المكان بعينيه