♥عيناگ قدري♥{باللهجة الجزائرية}

° 11 °

طلعت حاجبي فيه .. غلقت ل pc رفدتو مديتهولو

جواد: بقاو وحد 20 ميساج شوفهم عييت ملقبيلا وانا معاهم

اكرم : مشي بزاف

جواد: احكم اخدم لا كاشما نقلک

حكمو وخليتو يخدم .. تنهدت وخزرت في اكرم

جواد: كي تكمل شوف دوسي لخر منيش حاب نريح ساكت

اكرم : علاه غير لخير

جواد: كي شوفو ونحكو فيها

حطيت راسي على ظهر لكورسي نسنا فيه يكمل شويا وعيط

اكرم : وشنووو هذا راک سوور

هزيتلو راسي برک باسكو مخي مولاش يخدم

اكرم: شكون قالک

جواد: جاسر

اكرم : جاسر لي نعرفوه لي قرا معانا

جواد: اييه

اكرم : تسما رشيد راهو يخدم بتزوير مكنتش نتوقع يوصل لهنا

جواد: اصبررر مكنتش تتوقع .. هذاک اتوقع منوو كلش نتا لوحيد لي علبالک وااش قاسييت في جرتو كنت نشوف يما تبكي وانا ماقادر ندير والوو ولا ختى لي عندها نهار نتلاوحوو برا هذا بذات اتوقع كلش منو وبااش نزيدلک راهو خادم خدمتو باختلاس وتزوير وزيد فيها سبيطار لي فتحو زعما يدير لخير يتاجر بالاعضااء فيه مي معندييش دليل باش نرشيه فلحبس

كنت نتنفس بالقاوي حسيت روحي نفور كل منتفكر واش صرا فلپاسي نندم نهار لي نزدت وانا وليدو
نضت من پلاصتي واكرم حاط راسو بين يديه حتى هدر

اكرم : جواد معندو مينفعک كي تتقلق هكا كالمي روحک راح نسيو نكشفوه وزيد جاسر واش قالک

جواد: غدوة راح يهبط للعاصيمة بدلولو لخدمة للثم وهو لي راح يحكم هاذ لقضية ديجا قبل ميروح دسيدينا نتلاقاو اومبعد

اكرم : اي خلاص مالا مكنتش علبالي راهو في عنابة مدة متلاقيناش

جواد: وي على ساعة نروحو وجد روحک

اكرم : كي جي خارج قلي نروح ندوش ونبدل نسناک

هزيتلو براسي وهو خرج رفدت ل pc حطيتو في پلاصتو وخرجت
جيت رايح لكوزينة سمعت لهدرة فصالون دورت راسي طاحت عيني في عينها كانت تشرب حتى شرقت وبدات تسعل وشبيها هاذي
جزت داخل لكوزينة حبستني لي مكنتش حاب نهدر مع جدها