قَتَلتني الثورة

البارت الخامس(بداية دخول داعش)

اخذني ذبني جوه رجلين شخص رفعت راسي
شفته شخص صاحب لحيه عاليه وقذر جداً

يحجي كان لغه اجنبيه بس اكو ولد عراقي يترجم

كالهم هذا تاخذونه على السوق بعد يومين واريد افرح اشوفه كبال عيني
ينصلب بعدين تعدمونه بالرصاص!

شخص عراقي كان موجود اعتقد جان قيادي .. قاله شيخنا اقترح ناخذه للمذبحه ونصوره ونرسله لولاية الجنوب حتى يخافون الكفار الي هناك

كاله ماشي فكره زينه ودفرني بالبسطال على وجهي حيل وراح

كسر وجهي برجله

اجه العراقي سحلني واخذني بالسياره ولبسوني جيس حتى ماشوف المكانات ابد ولا اعرفهم، ذبوني بمكان مجنت اعرف اي شي عنه بس جنت اشم ريحة تشبه ريحة الدم!

مكان بارد وقذر وريحة الجثث بي ما يحملها اي بشر بالكون

قبل ساعه من وكت تنفيذ النحر اجو ولد اثنين ملثمين

جانو يحجون عراقي ، الاول كالي احنه اسلام مهما كان ف اطلب شنو تريد قبل ما ننحرك
مطلبت شي وضليت ساكت

جان ينزل الثاني خنكني ب ايده حيل كال تطلب لولا نريد نروح

ف كتله ماريد شي استعجلو بقتلي اشتاقيت لامي وابويه

الشخص الملثم وخر ايده مني بعدما سمع صوتي؟

وماسوه شي!

راح وتقريباً ورا دقايق رجع نفسه
بس فتح الباب
كالي انت شسمك!
كتله رحيم؟
اسمع صوت حسيته كعد كبالي
كتله كافي تعذبوني اعدمونيي ماتحمل بعد راح اموت من العذاب اذا عدكم رحمه كافي

كعد كبالي جان يشيل الجيس عن راسي! كالي تعرفني منو اني؟

كتله منو انت وجهك ملثم ماشوفك؟

شال اللثام ودموعه بعينه كال اني بكر!
رحيم انت شجابك هنا!!
منو بلغ عليك؟؟
شلون خليتهم يلزموووووك

اني بجيت وصفنت
كتله انت اخويه بكر ، الي عارضت خوالي علموده؟
معقوله انت الكلت عنك صديقي وراح توكف وياي
تجي تريد تذبحني ب ايدك؟

لك بكر اني رحيييييم

رحيممممم الي كعدت ابيتكم واكلت وياك

اني مو كافر اني بشر مثلك

فجأة دخل شخص لاخ ، جان بكر يضربني حيل
كال بس يل رافضي كافي صوتك دوخنا

كاله صديقه شبي هذا؟
كاله لا بس دخت من صوت البچي تركه يولي

طلع ويا واسمع يكله
يلا ساعات وينذبح ونخلص منه

عافني وطلع بكر!
واني كدامه طايح ومربط مثل الحيوان

حسيت روحي ميت بساعتها قبل الذبح
جنت احس روحي تموت كلما اتذكر وجه بكر
من شفته وياهم