حضنت امي حيل اشو ما حضنتني!!
تعجبت معقولة امي احضنها وتعوفني؟؟!!!
فززت ابويه ما يرد عليه؟
ضليييت اصرررخ بويه اكعدووو اكعدوو
محد بيهم يرد ؟رحت اركض للضوه فتحته لان جانت الغرفه ضلمة
بس اشتغل الضوه..
باوعت للدكمة لكيتها كلها دم !!
باوعت لأيدي لكيتها متروسه دم !!
درت على اهلي واني ارجف وخايف واباوع بخوف
شفتهم متمددين والفراش مالتهم مليان دمحسيت روحي بغير عالم
المنظر الي كبالي جان مرعب ! حسيت نفسي بحلم
مو حقيقه
رجليه ما جنت اكدر احركهن واتقرب عليهم جنت ارجف حيل وامشي
بخطوات خايفه تقربت عليهم
النفس جان ضيق بصدري ومرعوب
واني امشي جنت اتذكر ابويه وخوفه لمن انخطفت وشكد خاف عليه بوقتهااتذكر حب امي وحنيتها عليه وضحكتها بوجهي الصبح لمن اكعد وتكلي يمه صباح الخير
شلت الغطى لكيت ابوي وامي عيونهم مفتووحه ومبتسمين فرحت بداخلي مباشرةً اول مشفت المشهد
بس بعدها نزلت عيوني على جسمهم شفتهم ينزفون دم ومتصوبين بكل مكانكل مكان بجسمهم جان بي دم حتى بين اصابيع اديهم كل مكان بيهم جان ينزف ..
ابويه الي جان يحسسني بطعم الدنيا جسمه كبالي مليان دم ومبتسم بس بدون ميحجي
امي الي جانت لمن احس الدنيا ضلمه واسمع صوتها احس النور كله صار بعيوني هم جانت تنزف كبالي واني ماكدر اسوي شي غير بس الصريخصرخت بصوووت عاااالي
صوت بصوت اعلى من صوت رصاص الحكومه والعصابات الي خلو اهلي بهل منظر كدام عيوني واني ب اول عمري
حضنتهم ومليت جسمي بدمهم
وبجيت لحدما فقدت طاقتي بالبجي وطحت فوكهمفزيت لكيت واحد يكعد بيه ماعرفه
توقعت امي تكعد بيه اول ما فزيت
لكن
اول مفتحت عيني وركزت لكيت هوسه بالبيتوشرطة واصوات صريخ ولطم كلتلهم شكوو. احجولي شكوو
اهلي وين ؟؟ محد يجاوبني ؟ اهلي وين؟صرخت بعالي صوتي اهليي وين امي وين احجولي لا تخبلوني
طلعت اركض برا لكيت تابوتين فوكهن علم العراق
وواحد ماعرفه كالي اهلك انتقلو الى رحمة الله : انا ل الله وانا اليه راجعونهاي العبارة جانت النار الي حركت روحي وكلبي وشعوري كبال جثثهم واني ساكت
هاي جانت اصعب جمله اسمعها بعمري كله
طحت فوكهم واني ساكت والصدمه بعيوني مبينه وكلمه ماحجيتمقتل اهلي جان بمثابة
موت حلمي ، طاقتي ، املي مات كلشي وي اهليالاب مو مجرد شخص اكبر منك بالبيت يصرف عليك حتى تروح تتونس ولا شخص عادي تكله الله يساعدك وتدير وجهك وتنام!
YOU ARE READING
قَتَلتني الثورة
Mystery / Thrillerتتحدث هذه القصه عن أمور واقعيه وحقيقية حدثت مع انسان ولد في العراق ، بعض الأحداث الموجوده في القصه لازالوا أبطالها موجودين في الواقع، التغيرات التي ستحدث مع القصة ستكون مفاجئة لكم! في بعض الاحيان قد تحدث اشياء مرعبه لم نكن نتصوور حدوثها ، لكنها تحدث...