حبيبي عبر الزمن

الحلقة الاولي

حبيبي عبر الزمن

الحلقة الأولي
🌹🌹🌹🌹🌹

فى فيلا ذات طابع كلاسيكي نشاهد فتاة صغيرة الجسم تنتقل بخفه وبسرعة بين عيون البوتجاز والثلاجه حتى تجهز الفطار لعائلتها وبعد انتهائها من أعداد الطعام تنقله بحرص شديد على السفرة وتذهب إلى المطبخ حتى تجهز الشاي والقهوه والعصائر لهم وتعود وتضعهم على السفرة وبعد اقل من 5 دقايق ينزل شاب فى 27 من عمره ينظر لها نظره كره وحقد ويجلس على طرف السفرة وبعده تنزل زوجته الخبيثة الملعونة وتجلس بجواره على الطرف الأيمن وبعد قليل تنزل تلك المتعجرفة وتنظر لها بكره وتجلس بجوار أخيها على الطرف الشمال ويبدوء فى تناول الفطار تحت انظار تلك الفتاة التى تقف فى انتظار الأوامر منهم وبعد حوالي دقيقة

شوشو زوجه أخيها : اطلعي صحي يوسف وملك
الفتاة : امرك

صعدت تلك الفتاة الهزيلة الى الأعلى وعلى ملامحها الأسى والشقاء الى غرفة الصغار المحببون الى قلبها ودخلت الغرفة

الفتاة : يوسف حبيبي اصحي يالا لوكه يا عمري اصحي بقي بسرعة
يوسف بحب : صباح الورد ميرال وباس خدها
ميرال : صباح العسل جو وباسته
ملك : صباح العنب ميمو وباستها
ميرال : صباح الجمال يا عيون ميمو باستها
يوسف : مالك ميمو فيكى ايه
ميرال : عوزة اقول لاحمد على الكلية النهاردة
ملك : طيب يالا بسرعة ننزل قبل ميمشي وانتى اطلبي منه
يوسف بتاكيد : ايوه وحنا كمان هنساعدك يالا

نزل الاطفال الى الاسفل وجلسو

ميرال : ممكن اروح الجامعة النهاردة انا مخلصة كل الشغل ومجهزة الغدا والبيت نظيف وكمان عوزة حاجات من السوبر ماركت
يوسف : روحى ميمو واوعي تنسي الشكولاته
ملك بتاكيد : ايوه روحي واوعي تنسي الشكولاته صح بابي
احمد بنظرة كره لميرال : لا مفيش مرواح
ملك بعيون القطة : علشان خاطري بابي وحيات لوكه عندك
يوسف : كمان هى مش هتتاخر صح ميرال وهى هتروح تجيب حاجات من السوبر ماركت بليز بابي اوعي تزعلنا
احمد بارف : خلاص غوري من وشي ودول 1000 جنية هاتى الحاجة إلى ناقصة واوعي تنسي الفواتير
ميرال بصوت دموع : امرك يا فندم
شوشو بصوت عالي : يالا غوري من وشنا

غادرت ميرال وتوجهت الى المطبخ تبكى وهى تتذكر تلك الحالة التى تعيش عليها بقالها أكثر من 8 سنوات بعد موت امها و موت والدها بعدها بشهر

توجهت ميرال الى الكلية وبعد انتهاء المحاضرات خرجت تجري بسرعة وخبطت فى احد