#عائله_من_جهنم 11
الشامخ:شاف لي غيث يلي كان مصدوووم ..حفيدي عارفاته يهني ❤️
غيث:مردش ...ولما قام عيونه شاف قمر تشوفله مصدووومه مش قادره تنزل عيونها لحضه💔
الشامخ:ولا شنو ياغيث؟
قمر:معلقه فيه عيونها وتراجي في جوابه
العيله كلها تستنى في غيث يتكلم !!!!
الشامخ:توتر...غيث؟
غيث:شافله
الشامخ:اشرله بمعنى رد
غيث:يلي تشوفه يصلح هوا يلي نديروه ياجدي
الشامخ؛رجعت الابتسامه ع وجها...هاذا حفيدي يلي مربيه 👑
غيث:رجع عيونه على قمر يلي ترمش بسرعه ونزلت عيونها مش مصدقه يلي صار!؟
هدى:حطت يدها ع قلبها....ولدي بياخذها؟😨
اماني:غيث💔لا مستحيل حسب قانون العيله مفروض غيث ليا مرت عمي شنو يلي قاعد يصير
قمر:سمعت كلام اماني وضحكت على روحها بهزوه وهيا تحكى داخله...عشان جابلي كم طرف شكلاته وشيبس تخيلت ان في شي بيصير بينا؟!خيرني بديت عبيطه الفتره الاخيره شنو صايرلى؟؟
حوريه:هدي روحك امونه اكيد خوي وافق عشان ميطيحش كلمة جدي مستحيل يصير يلي قاله غيث رح ياخذك انتي الشي هاذا معروف من زمان
قمر:سيبتهم الزوز يحكو ومشت بعيد عليهم
جنى؛لاحضت ان اختها اضايقت ..ناضت وراها ع طول
____________________
جليله:والله وطلعت بنت امها فرخه ايه وبدل ما تاخذ شيباني تاتي خذت شاب حلم كل بنت
راضيه:اي والله طول وعرض وزين
هدى:معش تقهروني على ولدي تربحووو ياسر يلي فيا سادني
سميه:تصب في القهوا ومحكتش ولا حرف
جليله:وانتي ياخديجه تكلمي خيرك ساكته؟
راضيه:تفكر في بنتها يلي بتعنش مسكينه غيث خذوه تمتله
خديجه:حاسه ان في قصه ورا الجواز هاذا
سميه:زي شنو؟
راضيه:عدلت تقعميزتها...اي اي زي شنو
خديجه:منعرفش...ايام العزي الاولى بودني سمعته يحكي مع ايه يقوللها الفتره يلي بتقعدي فيها هنايا قبل ما ترجعي لي حوش اهلك لو احتجتي حاجه كلميني .....يعني كان ناوي يرجعها لي اهلها
توا علاش فجآه بيزوجها لي غيث؟
جليله:صح
راضيه:بالك ساحرتهم الزوز الشامخ وغيث
سميه:كنك انتي فيش تحكي حرام عليك متتهميش البنت بي الباطل
راضيه:انتي هنينا بي سكوتك
هدى:في النهايه تو يذوب الثلج ويبان المرج
خديجه:اي وانتي الصادقه ليش مستعجلين ؟
صالحه:شنو انتي وياها معطلين؟؟
ولا تبو العصبان يطيب روحه بروحه
راضيه:بصوت هااااادي...عاد توا مش عاطيه فرحتها لحد بعد ما اطمنت على شيبانيها اللفعه هاذي
صالحه:رااااضيه تحركي بلا توشويش
راضيه:حاضر يا عمتي😒
______________________
جنى:خيرك؟
قمر:مقعمزه ع الارض متكيه ع الحيط وتلعب بي تالفونها...خيرني شنو شايفتيني ندير؟
جنى:مضايقه؟
قمر؛من شنو؟؟
جنى:كانت تبي تقول اسم غيث بس خايفه من قمر....وين نعلم يعني فجآه نضتي بروحك
قمر:ولا شي مليت وهما يحكو في قضايا العيله تعرفيني معنديش خلوق ليهم
جنى:اهااا به انا بنمشي تبي شي؟
قمر؛هزت راسها بمعنى لا!
جنى:سيبتها ومشت اما قمر لوحت تالفونها وحطت يديها على وجها بتوتر
مجد:مدلها تالفونها...هاذا ليك ولا؟
قمر:بعدا يديها من على وجها وشافتله ...خذت التالفون وجايه بتنوض بس مجد طيحها ع الارض من جديد
قمر:اففففف
مجد:وهاذا غيث يلي كنتي حاطه العين عليه بحح
قمر:حاطه عيني عليه؟؟هبلت انت
مجد:لا مهبلتش هاذا يلي نشوف فيه قدامي
كنتي حاطه في بالك ان رح يعاند قانون العيله عشانك مثلا وياخذك؟!ههههه انتي مأثره عليك المسلسلات هلبا
قمر:مكنتش حاطه في بالي شي وانا مش متع الدوا هاذي اصلا فوتنى
مجد:به شن رايك نديرلك زي المسلسلات؟؟
قمر:وقفت ..مرزن دمك
جت بتمشي بس مسكها من جديد...اسمعيني للاخر
قمر:خذت نفس..لا اله الا الله شنو تبي
مجد:وافقي!!...نعيشك احلا قصة حب وعد لين يجي العرس
يشوفلها بنضرات خبيثه....لكن بتسايريني حتى انتي
قمر:ساكته وتشوفله بملل
مجد:بدي يدخل في يده داخل الوشاح ويلمس في شعرهاوخدها ....خليني نعيشك يلي خاطرك فيه قمر:حطت يدها على يده وابتسمت...عندي حل احسن
مجد:قرب منها....يلي هوا؟!
قمر:دفاته....انك تخليني في حالي ومعش تجي في طريقي احسنللللك
مجد:يساوي في شعره وقايم حاجبه يشوف لي قمر كيف تتباعد ويتكلم داخله...تمام بسيطه ياقمر
أنت تقرأ
عائله من جهنم
General Fictionصفحتي عل انستا ضيفوني كلكم عندي هذا اسم صفحتي flok7i_ للكاتبه اروى طاهر المسلاتي (بنوتة شيخ) الروايه هاذي رح تكون من واقع ليبي % الروايه تحكى على بيت عائله كبيررررر فيه اكتر من 3عائلات ماشيين بي قانون الجد الاكبر كل بنت فيه عندها قصه بروحها ..في...
