بقت يم اهلهه لان تكول مااكدر اشتغل اتعب بساع
واني ماالي خلكها عفته وطبعا سالفة اخوها ماناسيها بس الدعمه والموكب لهني ونسيت السالفه
لحد اليوم اجتي نور هي وبيت خالو كلهم وياهم هذا السگط اني طبعا ثكلت وجهي علي وملتهي بالخدمه هواي تجينه حالات مرض الي ضغطه صاعد والي سكره والي غير شي
اني تكلفت هاي الحالات بصفتي دكتور وحتى المواكب اليمنه كل شويه يدزون عليه اذا عدهم حاله تستوجب
المهم نور اتجاهلتهه ولاكانو شايفهه گبالي طبعا احنه غدانه تسوي زهراء يوميه
اليوم مسويه دولمه وطبعا طيبه كلش لحد الان مطبخت شي مو طيب حيل حيل طيب اكلها !!!!!!!!!!!!
وبالعشاء سوتنه بيتزا طبعا بداخل البيت ماكو غربه بس اخواتي نهى ومها وزوجات اخواني حسن وعلي واهل نور
والباقين الولد الموجودين يخدمون الزوار كلهم اصدقاءنا
المهم اتعشينا بيتزا وهم طيبه واخوي علاوي بده يمدح بالاكل
ويگل لزهراء هنياله رجلج عليج ويوميه توكلينه هيج اكل طيب اني ضحكت وكتله شنو حاسدني ع اللكمه تعال يوميه اذا حاب واكل لو تريد اني اجيبلك واتعمدت احجي هيج ع عناد نور
زهراء مااكلت ويانه
اكثر شي جذبني لزهراء هدوءها ولا كانو موجوده ويانه يادوب نسمع صوتهه
لحد الان محد سمع حسهه لا اخوتي ولا اي احد غريب
فجأه دخل ابن خالي سلم انتبهت لزهراء فص ملح وذاب كيفت همزين
وراها دخلت للمطبخ ودخلت نور وراي وبدت تتلوگلي وحبيبي ومشتاقتلك وتتنعوص فوك راسي واني ماالي خلك
لا وفوكاها باستني وزهراء گبالي !!!!!!!!! عجيب امرها ولا تستحي
طبعا زهراء متجاهلتني تجاهل كامل وهذا الشي مدوخني لويش هيج متجاهلتني ؟؟؟؟؟؟؟؟؟؟؟؟
معقوله بعدهي تحب شخص وهيه وفيه اله ؟؟؟؟؟؟؟؟؟
طبعا نور صديته وكتلهه مو وكتج خل اشوف الزوار
فعلا طلعت وبعدين اجه ابن اخت نور بالاول ابتدائي كال لخاله
خالو باجي زهراء تصيحك
گله گللهه هسه يجي
اني گمت افور دم ردت ادخل واشوف شغلي وياها بس لگيت مريه غريبه يمهه من الزوار
گلت عيب دزوني للسوبر ماركت محتاجين غراض
رحت للسوبر ماركت وجبتلهم الغرض الوصوني عليهن
ردت ادخل للمطبخ حتى احاجيها
اخذهن مني الغراض علي ع السريع وكلي اكو احد الزوار حيل متخربط بالبيت الي بصفنه
