☆☆☆☆☆☆☆☆☆☆☆☆☆☆☆☆☆☆☆☆☆☆
مختصر عن اسراء وعلاقتها بنمارق؛؛؛؛
اني اسراء بنت خالتها لنمارق عمري 19 سنه طالبه سادس بالحقيقه هاي ثاني
سنه الي بالسادس امتحنت ونجحت وعدت تحسين معدل حلمي هوه الصيدله
وبأول سنه طلعت 80 وهواي كلولي ارضي بالي طلعلج كلشي قسمه ونصيب
بس لا والف لا اصريت على تحسين المعدل وعدت والحمد لله دا اشوف نفسي احسن من السنه الفاتت وعندي ثقه انو احقق حلمي
اني ونمارق علاقتنه كلش قويه ولان الطرفين ماعدنه اخوات ف علاقتنه مبنيه على الاخوه
سرنه واحد طلعتنه طبتنه تنشارك حياتنه سوه صح اكو فرق 3 سنوات بس ابد محاسين بيهن كأنو بنفس العمر
عندي اخوان 2 راكان واركان تؤام اعمارهم 22 سنه كليه هندسه مرحله رابعه يحبون اخوات هم تؤام وياهم بالكليه كلش حبابات وخلوقات وان شاء الله بعد التخرج والوظيفه يتزوجون
علاقتي باخواني كلش حلوه وطبعا لاني الصغيره ف مدلله محد يرفضلي طلب صح كبرت بس بعدني اتدلع عليهن 😂😂
اما اني ف سنكل وما بالي شي غير الصيدله وشكرا لحسن المتابعه 😂
نمارق: مثل كل سنه بفتره الامتحانات تجي يمي اسراء حته منلتهي ونركز وكل ما وحده لهت الثانيه تنبهه وهن اجواء حته نتحمس ندرس
اليوم هوه اول يوم امتحان خايفه شويه مع انو مضبطه الماده كلش زين بس متوتره وطبيعي هذا قبل كل امتحان 😂
اجه سمعت صوت الهورن طلعنه اني واسراء طبعا هيه بفتره الامتحانات نوصلها ويانه هيه بغير مدرسه بس مو بعيده يعني على طريقنه فنوصلها بطريقنه بس بفتره الامتحانات
هاي اول مره تشوف عمر لان خط الاعداديه غير عن خط المتوسطه
صعدنه ومجنت منتبهه على عمر الخط مخبوص بالامتحان كل وحده تحجي شكل وهاي الي تكول هذا مهم وهذا المدرسه حذفته وهاي الي تكول منجاوب وهاي الي تكول حاسه الاسئله صعبه.......
ب
بحيث حته الحافظته احس نسيته
وصلنه قبل مننزل عمر حجه ...
عمر : بنات اهدن خطأ الي دتسونه توكلن على الله واسترخن محاجه لهل خبصه
هيج تتخربط معلوماتجن وبلا الكلام السلبي بدال ما تكولن منجاوب وهيج تبقى
بالجن انو محتجاوبن وبالتالي حته اذا الاسئله سهله عقلجن مقتنع انو متجاوبن
اما يكون كلامجن ايجابي او بلا ياما تحفيز وتراجعن سوه وبهدوء او لحد تحجي وان شاء الله الكل يجاوب اتمنالكم التوفيق اخذن راحتجن
نزلن البنات وهنه يفكرن بكلام عمر ويتناقشن ويأكدن على صحه كلامه واتفقن انو ينفذن الي كاله لان كله صح وبي وجهه نظر
بعد الامتحان بالخط
سمر: عزا احزرن منو راقبت على قاعتي
البنات منو
سمر: ست بتول
زهراء: اقسم محد تنفست
سمر: يوووو خبلتنه تونه دخلنه للقاعه حته العدد مكامل وهيه اسسس بلا
صوت انتو داخل القاعه اعرف سوالفجن تبلشن تغشن وهسه افتش ياويلها الي الكي عدها غش
رسل: شكد اضوج منها مدري شتحس نفسها جماعتها بالفتحه السادسه وهيه تقاعد مطالعه
نمارق وهيه تصعد : السلام عليكم
الكل : وعليكم السلام
نمارق : بشرن شلونجن بالامتحان
البنات: الحمد لله حلوه الاسئله واضحه وسهله
نمارق : بعد بنات السادس خطيه عدهم خطا بالسؤال الثالث بلكي يجاوبن اكثر مرحله تعبانين من اولها خطأ اخر امتحان شيسون بيهن
ايه: اي خطيه اختي بالسادس خطيه حته متلحك تكمل الماده
( واستمرن البنات يتناقشن على الامتحان ويسولفن المواقف الي صارت وياهن ويتبادلن الحديث لحد مكتمل العدد )
عمر : اني جنت انتظر البنات يم السياره حته ياخذن راحتهن احس من ابقى بالسياره انتظر يتقيدن
فجنت مقابيل الجامه الي يم نمارق بقيت اسرق نظرات وابتسم على ضحكتها وسرحان بيها وكل متلتفت اغير نظري ما اريدها تشوفني واني اباوعلها
نمارق + اسراء: السلام عليكم
ام نمارق: وعليكم السلام
هلا بنياتي شلونجن بالامتحان ان شاء الله سهله
البنات: الحمد لله
ام نمارق: شو بله نمارق اشوف اسئلتج
نمارق : استغربت منها اول مره هيج تسألني وتدقق بس فرحت بأهتمامها
انطيتها وبقت تحل ويايه الاسئله واني طايره فرح
لاحظت تغيرها بعد الحادث واهتمامها
اني جنت فاقده حنانها صح ممقصره بشي بس جان بنفسي فد يوم تحاسبني على درجاتي او تشدد عليه بدراستي او تسألني شنو صار بيومي .....الخ
ومن بعد الحادث صارت كلش تهتم بيه وتتقرب الي يعني اتذكر قبل الامتحانات من كعدنه حجت وياي وكالت اهتمي بدراستج هيه سلاحج واريدج ترفعين راسي ودرجاتج متقل عن ال 95
وطول ما اني واسراء ندرس تجي تسألني بالي درسته او تجيبلنه فواكه وحلويات
كلش حلو الام تكون صديقه لبنتها وتحسسها بأهتمامها
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
لتنسون التصويت 🌟
وتكتبون توقعاتكم للبارتات الجايه
