💓اللعبة القذرة💓مكتملة 💓

🌸الفصل الرابع عشر 🌸

وصل يوسف وأيتن الى المطعم وجلسوا على الطاولة المخصصة لهم يتبادلون الحديث بينهم الى ان قاطع حديثهم الجرسون وطلبوا كاس من عصير البرتقال وفنجان من القهوة
أيتن: هاه بقى ايه الموضوع اللى عاوزنى فيه ادينا شربنا قهوة وعصير قولى بقى ايه الموضوع
يوسف:هاجى اطلبك من اهلك وهنتجوز فى الصعيد ونتنقل من شغلنا على الصعيد ايه رأيك
أيتن: ماعنديش مانع ده غير كمان ان مفيش دكاترة نسا كويسة جوه المستوصف
يوسف:تمام طمنتينى كنت خايف انك ترفضى علشان الصعيد
أيتن: لا طبعا انت بتقول ايه وبعدين انا حبيت قنا جدا وبحب اهل الصعيد كمان وبعدين مش بيقول يبختها اللى صعيدى يحبها
يوسف بعشق : طبعا يابختها وياعشقها كمان انا بحبك قوى يا أيتن
أيتن بحب : انا كمان بحبك قوى
ظلوا ينظروا الى بعضهم  البعض ولغة العيون هى المتحدثة  فقط
قطع شرودهم فى بعض صوت رنين هاتف يوسف وكان ريان
يوسف: الو ايوة ياريان
_______________
يوسف: خير فى حاجة
_______________
يوسف: تمام مسافة السكة وهكون عندك
واغلق الهاتف معه
أيتن بسؤال: فى حاجة يا يوسف
يوسف: ريان عاوزنى فى موضوع تعالى اوصلك يالا
أيتن: تمام يالا بينا
اوصلها يوسف  الى المنزل وبعد ذلك انطلق الى قسم الشرطة مرة اخرى
💖💖💖💖💖💖💖💖💖💖💖💖💖💖💖
وصلت أسيل ومعها جنا الى الشركة هبطوا من السيارة وصعدوا الى الدور الذى يقطن به اخيها بواسطة المصعد الكهربائى وصلوا المكتب طرقت أسيل الباب ودخلت ومعها جنا
مازن بإستغراب: مالك يا أسيل
أسيل بغيظ: مفيش يا ابيه بس حضرتك مخلف شيطانة صغيرة كل ما تعوز حاجة تقولى يا اسيل عاوزة كذا ومش بتخلينى اخد راحتى
مازن بضحك: تصدقى معاكى حق جنا فعلا كده 
نظرت لهم جنا بحقد طفولى:انتوا بتقولوا عليا ايه مس تتكلموا عليا وحثنظر مازن واسيل الى بعضهم ثم انفجروا فى الضحك فجنا كلامها مضحك بسبب تلعثمها فى بعض الكلمات ألتى ا يصعب عليهم  فهمها بسبب ذلك
ظلوا يتسامرون الحديث ثم طلب لهم مازن اوردر من بيتزاهات ليتناولوا طعامهم وبعد انتهائهم نامت جنا على المقعد الجلدى الكبير المسمى بالكنبة وظل يعمل مازن على اللاب الخاص به وخرجت اسيل تتمشى فى طرقات الشركة وجدها زين  شاردة وذهب اليها
زين: اللى واخد عقلك يتهنى بيه
أسيل بفزع وصراخ : انت خضتنى طلعتلى منين انت
زين بحنان: اسف مأخدتش بالى انى خضيتك
أسيل براحة: ولا يهمك
زين: ممكن نقعد مع بعض نتكلم
أسيل بقبول: مفيش مشكلة
زين: تعالى  نقعد فى الكافتيرا اللى فى الشركة تحت
أسيل:  اوكيه يلا بينا
أخذها زين وذهبوا الى كافتيرا الشركة جلسوا على المقاعد وجلبوا عصير وقهوة لهم وظلوا يتحدثوا وكل واحد منهم يحكى مواقف حصلت معه فى الدراسة ومع اصدقائهم ويضحكوا ومر الوقت ولم يشعروا به
حتى رن هاتف زين رد زين على الاتصال واغلق معه وعادوا مرة اخرى الى الشركة بعد تناولهم الطعام
🌼🌼🌼🌼🌼🌼🌼🌼🌼🌼🌼🌼🌼🌼🌼
عند ريان
وصل يوسف الى القسم وذهب الى مكتب ريان طرق الباب ودخل وجد عدى وريان يجلسون على المكتب ويمسكون بالملف ويقلبون فيه وهم مذهولين ممايقرأون
يوسف:فى ايه ياريان جبتنى على ملى وشى 
ريان:اقعد يايوسف واسمعنى
جلس يوسف بجوارهم وقص له ريان كل شئ
يوسف بصدمة :ايه معقول اللى انت بتقوله ده
عدى بأسف :للأسف يايوسف ده اللى حصل بالظبط واحنا لازم نعرف كل حاجة بخصوص المصنع ده وتركيبة الدواء اللى محدش عارف هى فين لغاية دلوقتى
يوسف: تمام انا معاكم قولولى ايه المطلوب منى
ريان: المطلوب دلوقتى مننا اننا نعرف مين اللى اخد المصنع وكمان نعرف كل حاجة عن رؤوف كامل اللى كان صحبه ونعرف مين ابن عم رؤؤف اللى اخد المصنع وشغله واهم من ده كله فين تركيبة الدواء
عدى ويوسف: فعلا لازم نعرف ده
ريان: هنبدأ من الاول من الماضى
عدى ويوسف: واحنا معاك
  جلس ريان وعدى ويوسف يخططون لكيفية معرفة اسرار الدكتور شاكر وما يخبئه من اسرار خاصة بقضيته المجهولة
🍀🍀🍀🍀🍀🍀🍀🍀🍀🍀🍀🍀🍀🍀🍀
بعد مرور عشر ساعات وصل من مطار لندن الى مطار القاهرة واستقبله رجاله
نورت البلد ياباشا
التفت له قائلاببرود: تمام ايه الاخبار اللى عندك
كل حاجة تمام ما عدا حاجة واحدة لفتت نظرى ياباشا
نظر له منتظر حديثه: ايه هى
الذئب والتعلب والاسد
نظر له: مالهم
بيدوروا فى الماضى وعاوزين يعرفوا كل حاجة خاصة بالدكتور شاكر
ابتسم ابتسامته الباردة:وايه يعنى خليهم يدوروا ومش هيلاقوا غير اللى انا عاوزهم يشوفوه ويعرفوه لسه ما اتخلقش اللى يتحدانى
طبعا طبعا يا باشا ده انت الكل فى الكل تحب نروح فين ياباشا
تحدث قائلا: على فيلا التجمع الخامس بسرعة
امرك يا باشا
وأخذ السيارة وانطلق بسرعة البرق ليوصل سيده الى حيث امره
🌳🌳🌳🌳🌳🌳🌳🌳🌳🌳🌳🌳🌳🌳🌳
عند عزة
كانت تجلس على فراشها تفكر ماذا تفعل مع اهل عائلتها هل تسافر معهم وتعيش لديهم وتنقل عملها هناك ام تجلس هنا من اجل ان ترى عدى وتكون بجواره اخذت تفكر كثيرا بذالك القرار فهو خطوة مهمة فى حياتها لاتعلم ماذا تفعل هداها تفكيرها ان تصلى صلاة استخارة وتترك الامر على  الله فهو خير من يدبر الامور ذهبت وتوضأت وصلت صلاة الاستخارة انتهت من صلاتها وتمددت على فراشها وذهبت فى ثبات عميق تاركة امرها بيد المولى عزوجل
🌷🌷🌷🌷🌷🌷🌷🌷🌷🌷🌷🌷🌷🌷🌷
عند يزن وحور
بداخل غرفة العمليات كان يزن وحور يقوم بإحدى عمليات الجراحة الخاص بأحد المرضى وبجواره حور تساعده ومعها اكثر من ممرضة وبعد مرور بعض الوقت عليهم بداخل غرفة العمليات انتهى يزن من العملية وخرج  الجميع وتم نقل المريض الى غرفة العناية المركزة ابدل يزن وحر ثيابهم واخذ يزن حور وذهبوا ليتناولوا طعامهم معا
بداخل المطعم
يزن بسؤال :تحبى تطلبى ايه
حور بإجابة :ممكن اسباكتى بالصلصة واسكلوب بانيه
يزن:تمام وانا هطلب زيك. والحلو ايه
حور بتفكير :ممكن بسبوسة علشان بحبها
يزن:اوكيه وانا هاخد بقلاوة
نادى يزن على الجرسون واخذ طلبه وذهب الجرسون ليحضره
يزن بسؤال :قوليلى بقى يا ستى اخبارك ايه مرتاحة فى المستشفى
حور بتنهيدة:الحمد لله احسن من الاول بصراحة بعد المشاكل اللى مريت بيها ودخولى السجن كان صعب جدا ارجع اتأقلم تانى بس بمساعدتك بقيت احسن
يزن بشكر :الحمدلله انا مبسوط علشانك
قاطع حديثهم دخول الجرسون بطلبهم وضعه على الطاولة وذهب
حور بحماس :طيب ياا نبدا علشان جعانة جدا
يزن بحب :بالهنا والشفا على قلبك
حور بخجل : ميرسى جدا
ظلوا يتحدثون فى مواضيع شتى ليخففوا على بعضهم حملهم بعض الاشياء وبعد انتهائهم رجعوا مرة اخرى الى المستشفى ليتابعوا عملهم كأطباء من جديد
🌼🌼🌼🌼🌼🌼🌼🌼🌼🌼🌼🌼🌼🌼🌼
عند نورسين
كانت تعمل على الرسومات التى كلفهم بها اخيها زين غافلة عن تلك الاعين التى تنظر لها بعشق طرق الباب ودخل ومعه جنيته الصغيرة جنا
جنا ببراءة:نولسين
التفتت نورسين الى مصدر الصوت فوجدت جنا تركض اليها
فتحت نورسين زراعيها وتلقفت جنا واخذتها الى احضانها وقبلت جبينها
نورسين بحب:انتى جيتى امتى
جنا:جيت من سوية
نورسين وهى تقرض خدها بحب :يا حبيبى ياناس
مازن: معلش هتعبك معايا خلى بالك منها هى جت من شوية واكلت ونامت ولما صحيت اصرت تيجى تشوفك وانا عندى اجتماع كمان شوية مع العملاء انا زين
نورسين:تمام مفيش مشكلة امال انسة اسيل فين
مازن:خرجت مع زين تتفرج على الشركة علشان كان عندى كام ملف عاوز اراجعه وهى اصرت فبعتها مع زين تتفرج على الشركة
نورسين:اوكيه وانا هقعد مع جنا لحد ما تخلصوا اجتماعكم علشان نمشى
مازن:تمام بعد اذنك
خرج مازن واغلق الباب خلفه وظلت نورسين وجنا معا  يتحدثون ويضحكون مع بعضهم كأنهم ام وابنتها
🌺🌺🌺🌺🌺🌺🌺🌺🌺🌺🌺🌺🌺🌺🌺
وصل زين وأسيل الى الشركة ذهبت اسيل الى غرفة نورسين وجنا وذهب زين الى غرفة الاجتماعات دخل زين الى الغرفة وجلس اعطاه مازن الاوراق وجلس هو ومعه اعضاء مجلس الادارة واحد العملاء الذين يعملون معهم واسمه اسامة العلوى
زين: دى شروط العقد الخاصة بينا
اسامة: استاذ زين فى شرط جزائى بينا بيقول ان لو التصميمات للديكور فى المعمار المطلون منكم بناءه ماعجبناش هتدفعوا لينا المبلغ كامل
نظر مازن الى زين قليلا : تمام بس طبعا احنا هنفذ الطلبات الىى انتوا عاوزيها وياريت يكون عندنا رسمة خاصة بطلب حضرتك ولا تحب تشوف رسومات للديكورات من عندنا
اسامة: ماعنديش مانع اشوف
اعطاه زين بعض رسومات الديكورات ليختار منها مايحب
زين: تمام اتفضل دى الرسومات اللى عندنا تقدر تختار ديكور معين واحنا ننفذه
اسامة: هاخد ده
مازن: اوكيه شرفتنا
سلم مازن وزين عليه وانتهى الاجتماع وخرج اسامة من الاجتماع وذهب كلامن زين ومازن اخذا كل واحد منهما اخته وذهب الى منزله
🍀🍀🍀🍀🍀🍀🍀🍀🍀🍀🍀🍀🍀🍀🍀
كان  يجلس على مكتبه يتحدث بالهاتف مع احد رجاله
اسمعنى كويس قوى انت لا زم تنزل يا كريم وتواجهم ومتنساش نفسك انك مجرد بيدق بحركه وقت ما يعجبنى ومش معنى ان سهام وسمير اتمسكه ومحسن شاكين فيه يبقى هنبطل لعب فاهم عاوزك تلعب على محسن ومراته وبنته. ريان بينكش فى الماضى وبيدور على اى حاجة تخص مصنع الادوية وانا عاوز اى حاجة تلهيه عنى دلوقتى ريان لو كشفنى هتكون مصيبة كبيرة انا قتلت رؤوف وقتلت شاكر العسيلى وكارم مجرد لعبة بحركه وقت ما يعجبنى ولو لعب وحده هنسفه فاهم يا كريم
كريم بخوف: فاهم فاهم يا باشا
ابتسم بشر: شاطر يا كريم تعجبنى
واغلق معه الخط
وضع يده تحت وسادته واخرج صورة نظر الى الصورة التى يحملها فى يده قائلا: زمان جوزك اخد منى كل حاجة بس انا خلصت منه ولما صاحبه كشفنى  خلصت منه هو كمان وولادك لو حفروا ورايا هخلص منهم ومش هعمل اعتبار انهم ولادك يا علياء زى ما سلمت جوزك لمافيا الادوية هسلم ولادك للموت واحد واحد بس التركيبة ترجعلى وانا عارف انهم اكيد هيدوروا على التركيبة لحد ما يلقوها واول ما يلقوها هقتلهم كلهم واحد واحد
💗💗💗💗💗💗💗💗💗💗💗💗💗💗💗
انتهى الفصل عاوزة الاقى تفاعل وكومنتس على الفصل ولو مش عاجباكم الرواية قولولى وانا او قفها بدل التعب على الفاضى
عاوزة الاقى 500 فوت و100 كومنت وبناء عليه هنزل الفصل الجديد غير كده لا