"ဘီဘင်ဘတ်တွေထဲမှာတောင် ငါလုပ်ပေးတာပဲ စားချင်တာတဲ့လေ...တစ်ခါတလေ ကလေးလိုပဲ..."
နောက်မှ ဟက်ခနဲ ရယ်လိုက်သော အသံသေးသေးသည် အဖေဖြစ်သူအား လွမ်းဆွတ်မှုများ ပါနေမည်....
Jungkook က ပြုံးကာ စိတ်ကူးယဉ်နေဟန်ပြောပြသည်...မျက်ခမ်းစပ်တွင်တော့ အရည်လဲ့လဲ့....
"ဘီဘင်ဘတ်လေးတောင် လုပ်မကျွေးလိုက်ရဘူး...."
ပေါ့ပေါ့ပါးပါးလေးနှင့်ပြောနေသော်လည်း စကားသံတို့က အဖျားခတ်တုန်ရီလို့.....သူမနှစ်သိမ့်တတ်သည့်အတွက် Jeon ပြောသမျှကိုသာ နားထောင်ရင်း မျက်ဝန်းနက်နက်တို့ကို ငေးသည်....
ရုတ်တရက် ပုခုံးပေါ်သို့ လဲကျလာသော ခပ်လေးလေးအရာတစ်ခု...ကြားဖြတ်မရှိသော လေဟာနယ်အတွင်း Taehyung ခံစားမိသည်က ရှန်ပူနံ့ ခပ်သင်းသင်း.....
"မောနေပြီ..."
ရုတ်တရက် ထွက်ပေါ်လာသော အသံသေးသေးက ဒဏ်ရာဒဏ်ချက်တွေနဲ့....
"တစ်ယောက်တည်း ပြေးနေရတာ မောနေပြီ...."
အဖျားခတ် ရှိုက်နေသော စကားသံလေးကြောင့် တဆတ်ဆတ်တုန်နေသော ပုခုံးအား နွေးထွေးလို နွေးထွေးငြား ပွတ်သပ်ပေးသည်....
ရင်ခွင်ထဲသို့ ထည့်ကာဖက်ထားပေးမိတော့ ကုတ်အင်္ကျီကို တင်းကြပ်စွာ ဆုပ်ကိုင်ထားသော လက်သေးသေးနှစ်ဖက်.....တစ်စတစ်စ ကျယ်လောင်လာသော ရှိုက်သံများကြောင့် ရင်ခွင်ထဲသို့ ပိုတိုးစေသည်.....
ကျနော်လည်း ခင်ဗျားကို ပင်ပန်းစေခဲ့တာပဲ....
ထစ်ချုန်းတိုက်ခတ်နေသော မုန်တိုင်းသဖွယ် ငိုကြွေးတော့ Taehyung ၏ ကုတ်အကျီလေးမှာလည်း စိုရွှဲလို့နေသည်....
"ဒီနေ့တော့ ဝအောင်ငိုပါ...စိတ်ကြိုက်ပြိုလဲပါ....jeon..ဒါပေမဲ့ မနက်ဖြန်တော့ ရှင်သန်ပေး...."
တသိမ့်သိမ့်တုန်နေသော သူ့ပုခုံးလေးအား ဆုပ်ကိုင်ကာ မျက်ဝန်းစိုစိုတို့အား စိုက်ကြည့်၍ ပြောပြန်သည်....
.
.
.
.
ထိုနေ့က ဖခင်ဖြစ်သူ သဂြိုလ်သည်ကိုတောင် မကြည့်ဘဲ အဆောင်ပြန်သွားသော ကောင်လေးတစ်ယောက် ငယ်စဉ်က အိပ်မက် ကမ္ဘာလေးသို့ အလည်သွားလိုက်သေးသည်....
YOU ARE READING
The Pretends
Romanceခင်ဗျားဆိုတာ ထိရက်ဖို့မဝံ့ရဲစရာ ဖြစ်တည်မှုလေး...... ကျွန်တော် အရောင်တွေဆိုးလိုက်မိတယ်.... Trigger Warning *Violence *Sexual assualt *strong language Disclaimer: This is a fiction. All the names,characters,places and incidents are the author's imagi...
10 (U+Z)
Start from the beginning