الجزء الاخير
(( صديق زوجي ))) #واد العمده
وبعصد ما خلصنا كلام دخل ينام وانا رايحه علي المطبخ وببص بتليفوني لقيت رساله من رقم غريب بيقولي فيها. كل سنه وانتي طيبه حبيت اكون اول واحد يقولهالك . اخدت وقت متنحه قدام الرساله والحيره امتلكتني وبعقلي بقول يا ايه الا في دماغ الراجل دي وازاي اقتحم حياتنا بلي مناسبه وازاي وصل لرقم تليفوني بالسرعه دي معقوله زوجي يكون وراي كل اللي بيحصل دي وصلت بيه يعمل كدا مع مراته فكرت كتير اضغط ع الاتصال واكلمه وشوف قصته اي وعايز مني اي بس اترددت كتير وخايفه يطلع زؤؤء قدامي وانساق لكلامه وبكدا انا فتحت علي نفسي بوابه ملهاش اخر . ومره تاني اقول بنفسي انا اتصل بيه ع طول وادخل وازعق واشتم فيه وأخاف زوجي يعاتبني وتحصل مشكله بقيت محتاره اعمل اي واتصرف ازاي وانا جوايا شك أن الراجل دي حابب يقرب مني أكثر من كدا ودي الا انا عمري ما هسمح بيه لنفسي يحصل كدا مهما زوجي كان انسان سلبي أو ساذج عمري ما هسمح لنفسي اني اميل لغيره أو اخونه. بس بنفس الوقت لازم هو يشعر بالغيره عليا ويسبني لوحدي اواجه المصير دي.
سكت شويه وبعدها قررت أن مش هعمل اي حاجه غير ما اشوف تصرفاته معايا بعيد الميلاد وقاعدت لوحدي افكر بطريقه اخلص منها من الراجل دي ومزعلش جوزي مني وبنفس الوقت طريقه تكون قاتله ليه وتحسسه بالغيره عليا والندم وازاي سمح لنفسه للناس الغريبه تدخل بيته وتنتهك عرضه وقاعده بفكر فيها الفكره وقت طويل لغاية ما جاتني فكره وقررت اعملها بعيد ميلادي واللي يحصل يحصل بقي علي الاقل هعرف رد فعل جوزي بس ياريت الا بدماغي يحصل من صديق زوجي وانا هنفذ الفكره دي .
عدي يومين وجه معاد عيد الميلاد بتاعي وكنت موضبه البيت وعملت شوية زينه لزوم عيد الميلاد ولبست احلي حاجه عندي وجهزت كل حاجه ورجع زوجي من بره وعجبه ترتيب البيت وجهز نفسه لاستقبال صحابه وزوجاتهم وبدأ عيد الميلاد وبدا يتوافد كل صحابه وعائلاتهم ومعاهم الهدايا ليا وانا بتابع مع زوجي وعيني بتدور علي صديق زوجي اتاخر يعني وبعد وقت قصير وصل البيت وكان متشيك اووي وكان منظره جميل ووقت حضوره زوجي كان مندمج مع واحد صاحبه بالكلام في الشغل ودي دخل البيت ولقيته بيقرب عندي وانا وواقفه وكانت في ايده عليه كبيره هدية عيد الميلاد وهو بيقرب مني كان مبتسم اووي ولما وصل عندي انا خجلت اسلم عليه وشاورتله علي زوجي وبصلي وانا مش قادر ابص عليه واركز معاه ولقيته قال. ان شاء اللة العمر كله ونحتفل بيكي ومدلي الهديه وانا بمد ايدي وباخدها منه قال . انا عارف هديتي هتكون عليكي تحفه وضحك ومشي من قدامي وانا اخدت الهديه وسبت زوجي مع الناس ودخلت اوضتي اشوف اي الهديه الا هتكون تحفه عليا
دخلت الاوضه وقفلت الباب عليا وبفتح الهديه لقيته فستان سواريه طويل وشفاف اوي . وقفت لحظات قدام الفستان وانا من جوايا اصرار انفذ خطتي . وفعلا قلعت هدومي الا كنت لابساها ولبست الفستان ونصف ضهري عريان وواسع من ناحية صدري ووقفت قدام المرايا وانا متردد وكمان ملابسي الداخليه ظاهره منه وقررت اخرج بيه كدا قدام الحلفه وافضح صديق زوجي وقلت ببالي مهما كان رد فعل زوجي لازم افضحه .
وخرجت من اوضتي كدا ومشيت قدام الحفل وشايفه الكل عمال يبص عليا ومن بعيد شايفه زوجي مصدوم من المنظر دي وقبل ما يتحرك وبكل جرائه قلت . اسمعوني يا حضرات دي مش لبسي ولا عمره هيكون لبسي كدا بس صديق زوجي الا قدامكم دي ( واشارت عليه بايدي) طلب مني يشوف هديته عليا وانا لبسها واتمني اكون عجبته فيها .
استغرب الجميع والكل استنفر مني . وبسرعه لاقيت جوزي غضبان وبيجري ناحيه وبيمسك فيه واتلم عليه كل الا كانوا موجود بالحلفه وانا بسرعه دخلت اوضتي وغيرت هدومي وفضلت منتظره باوضتي وسامعه اصوات الناس بتشتم فيه وطردوه من البيت وبدا كل الحاضرين في العتاب علي زوجي واللوم عليه وبعدها غادر كل صحابه وعائلاتهم من البيت والبيت فضي خالص وانا قافله اوضتي ومنتظره زوجي اشوف رد فعله وبعد ساعه كامله كان قاعد لوحده لقيته بيخبط علي الباب بهدوء ويقلي ممكن تفتحي وانا بهدوء أعصاب قالت . الباب مفتوح انا مش قافله..
ودخل عندي وبصراحه أول ما شوفته صعب عليا حقيقي مدايق ومش قادر يرفع رأسه وحتي ملقيش كلام يقوله ومردتش اتكلم خالص انا لحد ما نطق وقال..
انا عارف انتي ساكته ليه وانا اسف معاكي حق والناس الا لموني كمان عندهم حق وانا عايزك تسامحيني وحقك عليا
وقرب من وخدني بحضنه. وفضل حاضني ويلوم بنفسه ويقولي انا الا غلطان واول مره اعرف طيبتي دي سذاجه وقلت وعي مني وردد كلمة سامحيني مش هتكرر الحاجات دي تاني ودموع الندم أول مره اشوفها قدامي بعينه وكانه الا حصل دي غيره نهائي وعمل منه انسان حقيقي يغير ويحس ويعرف يعني ايه مينفعش أن يدخل بيته انسان غريب.
وانا اتعاطفت معاه وقولتله انا خلاص مسامحاك طلما اتغيرت والحاجات دي مش هتكرر تاني..
وعدت شهور فعلا والحمد لله بطل العادات السلبيه الا كانت تحصل منه واختصر الزيارات بس لأهلنا وقرايبنا الا نعرفهم وان الدرس الا علمته ليه كان قووي ورادع ودلوقتي عايشين في موده وحب وفعلا بدات السعاده تدخل بينا بخوفه عليا وانا حسيت اني فعلا دلوقت بامان وفي حمي وظهر زوجي .
وبكدا دي كل الحكايه مع صديق زوجي.
انتهت..
________________________________________ انتهت
قلم #واد العمده
" يادواء لكل شيء ، يابداية كل
شيء ، يا أماناً لكل شيء💛".
