ضليت متمدده بفراشي مثل كل يوم ما بيه حيل اگعد ،،، وره ساعتين تقريبا ... طبت ماما و گالت ...
نتاليا : اني حچيت ويه ابوچ و گتله ينطي لمؤيد خبر بموافقتنه ... بالليل رح يجون و نشوف اذا يقبلون بشرطچ او لا ...
نيڤين ... غطيت وجهي باللحاف و گتلها ...
نيڤين : يصير خير ...
و اني بگلبي اگول ان شاء الله ميوافقون ...
طلعت ماما و عافتني ... ضليت للليل بغرفتي على حالتي لو اصلي و ادعي لو ابچي بفراشي ...
سمعت اذان العشه و گمت من مكاني چنت متوضيه بس لبست المصلايه و صليت ...
خلصت الصلاه و گعدت اقره قران طبت تالين عليه ...
وگفت يم الباب تباوعلي لحد ما تصدقت و خليت القران عالميز ... و نزعت المصلايه ..
تالين ...
تقربت و گعدت بصفها و اباوع لشكلها و ملامحها ،،، و عيونها المتورمه من البچي و السواد الموجود جوه عيونها من السهر و خصلات شعرها النازله بصوره عشوائيه على كتفها و ووجهها ...
گمت امسح على راسها و اعدل بشعرها ...
تالين : سويتي مثل ما گتلچ ؟؟
هزت واسها بتعب و گالت...
نيڤين : اي ..
تالين : خوش لعد مسحي دموعچ و شدي شعرچ خلي ننزل اجوي بيت خاله ايمان ...
نيڤين ...
شديت شعري وره راسي و غسلت وجهي و اخذتني تالين بايدي و نزلنه جوه ...
طبيت يمهم و وگف خاله ايمان تستقبلني بالهلاهل و اني بالگوه لادمه نفسي ما ابچي و اشوف بلال الضحكه شاگه حلگه و بيلا و عمو مؤيد يباركولي ...
و بابا و ادهم و حسين گاعدين هم ...
باوعت تالين لعيوني و سبقتني و حچت ...
تالين : بعدنه ما گلنه حلال غير تعرفون شروط البنيه يلا تباركون ...
و حچه بلال و عيونه على نيڤين ...
بلال : شما تريد اسويلها هي بس تأمر و اني انفذ ...
نيڤين ... گعدت بصف تالين و انطيت نضره لامي بمعنى احچي الشرط ...
نتاليا : ما يأمر عليك ظالم ابني ،،، يعني انتو تعرفون نيڤين ماكو داعي احچيلكم عليها كولش فقيره و هادئه صوتها مينسمع ...
ايمان : تعلمينه بيها هاي بتنه و اصلا احنه خطبناها علمود هدؤها و ادبها ...
نتاليا : اي و همات عدها مشكله يعني هي شويه خجوله ...
ايمان : بالعكس هاي مو مشكله الخجل و الحياء زينه البنيه ...
بيلا : بالفعل ...
اسامه : يا ابو بلال انتوا اجيتوا و طلبتوا بنتي مني بس احنه عدنه شروط ...
مؤيد : اشرط بكيفك ابو حسين شما تريد بنتنه نسويلها ...
اسامه : اول شرط و اهم شرط ... انكم تگطعون المهر بها الاسبوع او باي وفقت يناسبكم بس الزواج يكون وره ما تتخرج...
نيڤين ... باوعت لوجوه خاله اسمان و عمو مؤيد گامت انطي الوان و بلال وجهه نظراته اليه باستغراب و كأنوا يگلي شنو هذا الشرط الصعب ...
مؤيد : شلون هذا الشرط يا ابو حسين ،،، تريد تبقي البنيه معلگه هيچ لاربع سنوات ؟! تره هاي مصايره ابد ...
اسامه : بنتي تريد تكمل دراستها براحتها ...
بلال : طبعا عمي اني هم اخليها تكمل دراستها و حتى رح ابقى وياها خطوه بخطوه و اتابع دراستها ...
مؤيد : اذا عالدراسه يا بنتي ابقي ادرسي براحتچ ما عدنه اشكال ...
بلال : عمي اني المره الفاتت گلت هالشي هم و رح ارجع اگوله مستعد ااجر بيت صغير بالانبار و نعيش بيه اهنا لحد ما تكمل دراستها و بعدين من تتخرج نرجع لبغداد ...
ايمان : محد ممعترض لدراستچ ماكو مانع اذا تزوجتي و درستي هم هوايه بنات متزوجات و يدرسن عادي كولش بنتي ...
نيڤين .. وجهت نظراتي لماما بمعني احچي شي ...
نتاليا : يعني همه هم يحتاجون فتره يتعودون على بعضهم و يتقبلون بعضهم ...
بلال : اذا على هاي ماكو مشكله نطول قتره الخطوبه اذا تحب سنه و نص ما عندي مشكله بس مال انتضر اربع سنوات هاي متصير يا ابو حسين ...
نيڤين ... بابا باوعلي و گال ...
اسامه : اذا هيچ ماكو اشكال ... بس عمدي شرط ثاني تكمل دراستها براحتها و باچر عگبه اذا تخرجت و لگت خوش وظيفه بصيدليه او مكان تخليها تدوام ...( و وجهه نظراته بلال )
YOU ARE READING
قزومتــي المــسودنة 💕
Romance❃❃❃❃❃❃قــزومتي المسودنــه❃❃❃❃❃❃ روایة تتضمن ... ➣ الرومانسيـة ❤ ... ➣الكومیدیا 😂 ... ➣التشویق 💥... ➣ الدراما 🎼 ... تتناول اكثر من قصه واحده و تتضمن شخصیات هوایة .... و ما تركز علی شخصیه محددة .... طبعا هاي الروایة خیالیه ،،،،، من خیال الكاتبة...
شروط لا تنفع 💔 p.27 * ج٢
Start from the beginning
