حمامة الضريح

البارت الخامس عشر

#حمامة الضريح

# للكاتبة:  طيبه الموسوي

#البارت:  الخامس عشر

# مساء الخير حبايبي افطار شهي وصيام مقبول  تفاعلو  حبايبي وصوتو وعلقو وشاركو القصه لاأصدقائكم   احبكم 😘😘😘 ....

#متابعه شيقه 💛

💙💙💙💙💙💙💙💙💙💙💙💙💙💙💙

دنيا و كضيناها #قهر😒
واحدنه من حزنه #انكسر 💔
و شبيك يا وكتي #صعب😢
شو بشر ما يرحم #بشر😫
الناس متغيره #احس😢
واليوم #اصعب من #امس😒
شو طال ليلك يا #حزن😩
بس خوفي ما تطلع #شمس🌄

لوليا: طلعت اركض  من سمعت صوت رولا تصيح اباوع امي مدده بلكاع ورولا مخليه راسها بحضنها وتبجي وتحاول تكعدها ركضت بخوف واني اخذ

كلاص المب من البراد كعدت ارس ع وجها واحاول اكعده حركت فص عينها فزينه كلنه عبدالله جاب جهاز السكر والضغط وكعد يقيس بي طلع سكرها

مصفر احس رجع الدم بوجهي  انطيناها حلا وانطيها علاجها اخذته ونامت  سئلت رولا شون صار هيج ...

رولا: جنه كاعدين اني وامي نسولف عن موضوعج وهيه كاعده تبجي عليج وع حظج ماحس اله وكعت  خفت لاصار بيها شي صحت ع عبدالله وانتم طلعتو ....
لوليا: اووف الحمدلله من عدت ع خير اني مابيه شي ليش تخاف عليه .....

بقيت لليل كاعده يمها وعبوي بحضني كمت اقرهه تحاضيري واني بلكوهه اركز منكد مافكر بلموضوع  كعدت  هيه بليل اكلت وانطيتها علاجها ونامت جانت

ماتكدر تحجي ثاني يوم رحت للدوام واني اوصي بعبدالله الي اخذ اجازه علمود امي وزيودي وبقه بلبيت  وصيته هواي ع زيودي  وع امي بلكوهه طلعت  داومت واني تفكيري مشدوهه وبس صافنه

ومالي خلك مر  وقت الدوام  بطئ جنت اتمنى ارجع باسرع وقت بلرجعه طلعنه اني والبنات ومثل يوميه اسامه يوصلنه للسياره وياخذ  زينب ويرجع اليوم من طلعتنه شفت الولد الي شفته بلأمام واكف بلباب

مال الجامعه ومتكي ع سياره والجكايره بحلكه والنضارات لابسهن وكأن عايش بعالم بوحده ضليت صافنه هذه شعنده هنا معقوله عنده حبيبه هنا او اخته  ضلت عيوني عليه منا لمن مشت السياره بدون

مااحس من ابتعدنه يله حسيت خررب بحضي شكد ثوله اني شون بيه بهلتصرفات وصلت للبيت سدمت واخذت زيودي ورحت بدلت وغسلت وطلعت اني ورولا حضرنه الاكل الي سوينا البارحه بليل سوينه

زلاطه ولبن وحضرنه كلشي ومدينه السفره وكعدنه نتغده  كملنه والكل ساكت محد حجه ولا حرف كملنه غده وغسلنه مواعين وصبينه جاي ابويه صاحني هوه و عبدالله   غسلت واخذت زيودي واني احس غصه بصدري  جبيره كلش .....