NS 01: SLEEPING ADONIS ✅(To Be Published)

Chapter 24

AGAD natanaw ni Safhire si Ray. Nakasandal ito sa hood ng sasakyan at kumakaway sa kanya. On his other hand is a bouquet of white roses. Nginitian niya ang binata at kinawayan din. Pati mga kaibigan at kasamahan niyang nurses sa hospital ay nakikikaway pa.

"Sigurado ka bang walang kapatid 'yang fiancé mo? Kahit na hindi kasing-guwapo niya okay na basta't sweet at thoughtful," kinikilig na sabi ni Mariloue na alam niyang malaki ang crush kay Ray.

Minsan natutuwa siya na naiinis. Sa hospital na iyon ang daming attracted sa binata, kahit 'yong may mga asawa na gusto pa rin magpapansin at panay ang pa-cute tuwing pumupunta roon si Ray o kaya'y sinusundo siya.

"Wala nga. Only child siya," sagot niya. Kahit ang alam niya ay may kapatid si Ray at nasa ibang bansa.

"No wonder, napunta sa kanya lahat ng kaguwapuhan at kagandahan ng kanyang mga magulang. Tapos pinag-isa kaya hayan ang resulta, nakakabaliw," sabat ng baklang si Nikko.

Ngumiti si Ray sa kanila. Nagtilian ang mga kasamahan ni Safhire.

"Look at that smile, pumapatay!"

Natawa na lamang ang dalaga. Pagsapit sa parking area ay naghiwa-hiwalay na sila. Tinungo niya ang kinaroroonan ni Ray at ng sasakyan nito. Sinalubong siya ng lalaki. Ibinigay sa kanya ang bulaklak at hinapit siya sa baywang. Hinagkan sa pagitan ng mga mata.

"How's your day?" gentle nitong tanong. Inakay siya patungo sa sasakyan.

"As usual, tiring but enjoy. Thank you rito sa flowers."

"You're welcome." Binuksan nito ang pinto ng Fortuner para sa kanya.

"Thanks," she gave him a sweet and tender kiss on the cheek before getting inside the car. "What about your meeting with the foreign investors? Napapayag mo ba sila sa deal?" tanong niya nang makasakay na rin ito.

Agad nitong binuhay ang makina ng sasakyan at pinausad ang Fortuner palabas ng hospital vicinity. "Definitely, the meeting was very successful and I'm confident I can get them to agree, based on my initial assessment. But I still have to meet them for further discussion," sagot nito. "Gusto mong kumain sa labas?"

"Next time. Di ba sabi ko sa iyo the other day na ipagluluto kita ngayon?" Kunyari nasa boses niya ang hinampo dahil nakalimutan nito.

"Yeah, my bad. I forgot about it. Okay, ganito, magluto ka ngayon kahit gaano karami. Uubusin ko lahat. Wala akong ititira."

Ngumiti siya. He really has his own way with words. "Promise mo iyan."

"Promise. And after I ate everything, I'll have you then as my dessert." Kinindatan siya nito. "How's that sound?"

"Hmn, depende sa mood ko." Panunukso niyang pinabibilog ang matangos na ilong.

Napatitig sa kanya ang fiancé at bahagyang natatawa. "You has'nt changed a bit," komento nito at binawi ang paningin. Muling ibinaling sa one way street na binabagtas nila.

NAPANGITI si Safhire habang naglilinis sa kusina. Inubos nga ni Ray lahat ng niluto niya. Apat na putahe din iyon. Hindi niya alam kung papaano nito pinagkasya sa tiyan ang pagkain pero natutuwa siya kahit walang natira para sa kanya dahil sa halip na kumain ay naaaliw na lamang siyang panoorin ito.

Matapos tiyaking wala na siyang nakaligtaang ligpitin ay sinundan niya sa sala ang binata na nanonood ng documentary news sa tv. Naupo siya sa tabi nito. Patapos na ang pinapanood nito at ang huling bahagi na lamang ang inabutan niya. Dinampot nito ang remote control at pinatay ang tv.