انا و حبيبي و اختي

الجزء 20

- اكلج بس اريد تكونين قويه و متزعلين

- شنو هاله وكفتي كلبي

سكتت

- لج بنتي احجي

- غيث خطب البارحه

!!!!!!!!!!!

- لتضوجين اني كتله ....

اشرتلها بايدي كافي

مشيت لبيت عمي ناصر

هيه ضلت تصيحني ورايه مينا اوكفي نحجي شويه اكمل الي عالنار و اجيج

طبيت لبيت عمي بنات عمي كاعدات عالميز ياكلن

شافوني فايته فايره بدمي صعدت بوجهي فوك لغرفتي

شويه و صعدن ورايه

- باعي والله العظيم جنه ناوين نكلج بس ماردنا نزعلج ماعرفنا شلون نفتح الموضوع

- ف ضميتو عليه ؟ اضل مثل الاطرش بالزفه

- شلون نكلج واحنه ندري بيج بعدج تحبي

- ماحبة مااحبةة كرهته ماريد اشوفه بعد عوفوني وحدي

- مينا

- طلعو وسدو الباب

طلعو رحت قفلت الباب ورايه

رحت للكنتور اطلع هدوم البيت كل شويه يجي بيدي شي ماريده

ماعرف شلون جنت ادور من عصبيتي

جريت الهدوم جره وحده كومتها بالكاع

ندك الباب عطت : ماريد اشوف احدد كلتت

- اني يزن ماما

رحت فتحتله بقه يباوعني خايف مني و من منظر الغرفه