لكينا عمامي و ابويه و ارام و غيث كاعدين
و مرت عمي ام غيث هم جايه طلعنا وياها بعدنا واكفين
امي كلتلهم خير شباب شنو الموضوع
عمي هيثم كال سمعونه هلهوله
هالاسبوع خطوبه شيرين على غيث
!!!!!!!!!!!!!!
امي بين المصدومه و بين الفرحانه
الكل يعرف غيث المفروض ياخذني الي بس سبحان مغير الضروف
اني صدمتي جانت غير
ابتسامه صغيره على اندهاش على دمعه بعيني كوه حاصرتها
ايدي افرك بيها احاول اضل واكفه رجلي كامت ما تشيلني واني داشوفهم ديهلهلون وابويه ايده بايد عمي و يباركون لبعض
غيث حاول مايحط عينه بعيني يتبسم وياهم و يباوع عالكاع
تمنيت اشوف تعابير عينه
ماصدك الي ديصير مستحيل اصدك لازم اكو حل للسالفه
شيرين امي بلغتها جانت جوه من عرفت كامت تبجي
ضلينا كاعدين يمها تبجي و تنوح
ماكدرت اواسيها اني الي محتاجه احد يواسيني
توسلت بيه حته تخابر حبيبها من موبايلي
أنت تقرأ
انا و حبيبي و اختي
Romanceشابة عراقية تحجي قصه حبها 🤎💚💛 القصة صراع بين اختين الجرئه والحقد و الى وين ممكن يوصل بينا ! القصه حقيقية 100% ✅ و جريئه 🔞 اتمنى اللي مايحب الجرئه بالقصص ما يدخلها ❌
