" مشا فراس لفيلا ديالو بدل دوش باش يرتاح شوية و لبس حوايجو ثم مشا لعند عمران لفيلا حلو ليه الحراس الباب دخل لقا عمران جالس فوق الفوتوي حاط رجل على رجل و السيكار في فمو و التغوبيشة كيف ديما غير شي فراس و هو يحيد السيكار و ناض سلم عليه و فراس محاملش راسو عمران : مزال ممتيقش بللي نتا مزال حي فراس : كيفما سلاف مزال حية حتا انا هاني قدامك مزال حي عمران : فراس نتا مفاهم والو فراس ( قاطعو ) : فين هيا هيروين عمران : قصة هيروين حتا هيا طويييييلة المهم هيا دابا الفوق فراس : نقدر نشوفها عمران ( موجه كلامو لخدامة ) : سيري جيبي هيروين الخادمة : حاضر سيدي عمران : تشرب شي حاجة فراس : لا 😑 عمران : هممم هاهيا هيروين نازلة فراس ( شاف جهة الدروج ) : 😏 هيروين ( وقفات مصدومة ) : الجوكر عمران : أجي نتي لهنا فراس ( وقف ) : هيروين صافا هيروين : 😨😨😨 فراس : 😉 هيروين : ااا اه اه صافا و نتا فراس : الحمدلله مدة طويييلة مشفتك هيروين : 😳 عمران : هيروين فاقدة الذاكرة فراس : بصح ؟ هيروين : اه بصح ضربتني طموبيل و فقدت الذاكرة 😨 بدا تيليفون عمران كيصوني بعد عليهم و جاوب و بقات هيروين مع فراس فراس : أنجيلا أنجيلا : سكت دابا يسمعك شي واحد انا هنا سميتي هيروين فراس : ههه ياكما عجبك الدور ولا عجبك عمران و مكرهتيش تبقاي هيروين باش تبقاي معاه أنجيلا ( كتحلون عليه ) : لا أحياتي غير رتاح أنا أخر شخص في هاد الدنيا ممكن يتغرم فراس : 😏 داك شي لي بغينا عمران : فراس خاصنا نمشيو فراس : 😨 شدوه عمران : أه و معاه حتا سلاف فراس ( عينيه غرغرو بالدموع ) : ياله نمشيو خرج فراس و عمران من الفيلا كل واحد ركب فسيارتو فراس حاس براسو طاير في السماء و باغي غير وقتهاش يشوف سلاف من بعد مدة من الزمن وصلو لمستودع التعديب الخاص بعمران فراس غير شاف المستودع عرف بللي اسماعيل كاين تما خرج من السيارة كيجري و وجهو حمررر بالغضب فرع الباب برجلو و دخل رجال عمران كلهم هزو السلاح على فراس حتا دار ليهم عمران حركة بايديه باش هبطو سلاحهم غير شاف فراس اسماعيل قدامو مربوك مع واحد الكرسي سخفان مشا نزل عليه بالكروشيات حتا يدا اشماعيل كيفيق و كيحس براسو كيتخبط بعد عليه فراس و هو كيشوف فيه بغضب أما اسماعيل غير شاف فراس و هو يتهز من بلاصتو ولكن مني شاف عمران لي واقف مور فراس و هو يطلق البولة في سروالو حيت عارف عمران اش كيسوى و عارف راسو مغاديش يخرج من ديك البلاصة حي ولا كيطلب باش يقتلو فراس و ميقتلوش عمران فراس ( بغضب ) : كيحساب لدينمك مغاديش نلقاك ( نزل عليه ببونية ) واش معارفش راسك معامن ولا شنو ( نزل عليه ببونية ) شنو زعمى كتتحداني ( نزل عليه ببونية ) عمران ( بملل ) : الى كنتي غادي تبقا غير كضرب فيه خليني انا نتكلف بيه فراس : لا انا لي بغيت نقتلو بغيت نهايتو تكون على ايدي عمران : اوى طلقنا لفراجة جبد فراس سلاحو وجهو لراس اسماعيل و بدون تردد طلق عليه خمسة القراطاسات و كل قرطاسة كيقول معاها هادي باش تتعلم تقيس شي حاجة كتخص فراس عمران ( شاف في رجالو ) : حيدو عليا هذا من هنا فراس : فين هيا سلاف عمران : قلت لرجالي يديوها لعندي لفيلا فراس : اوى ياله نمشيو اشنو كنتسناو عمران : ياله خرج فراس و عمران من المستودع كل واحد فيهم ركب في سيارتو و رجعو لفيلا ديال عمران عمران : مور هاد الباب كاينة سلاف فراس : توحشتها 😍 عمران : ولكن لي خاصك تعرف راها مبقاتش كيف كانت يعني خاصك تصبر عليها حتا تتعالج فراس : نصبر عليها العمر كلو عمران : اودي راك غير كتهضر سولني اناااا 😕 المهم ياله ندخلو دخل عمران و فراس للفيلا مع الدخلة بانت ليهم سلاف جالسة في الصالون بدون حراك كتشوف في بلاصة وحدة بلاما ترمش عينيها و حداها أنجيلا كتشوف فيها بنص عين حابسة الضحكة فراس غير شاف سلاف ضربها بجرية حتا وصل لعندها تلاح عليها بتعنيقة و كيبوس فيها بحال شي مسطي و عمران كيشوف فيهم بفرح أما أنجيلا غير كتشوف في سلاف و كتقول مع راسها واش هاد المومياء هي لي كيبغي الجوكر فراس : حياتي توحشتك بزااااف سلاف : ( الصمت ) فراس : سلاف واش كتسمعيني جاوبيني عفاك سلاف : ( الصمت ) فراس ( عنقها ) : متصوريش قداش توحشتك عمران : راني جبت ليها واحد الطبيبة باش تتكلف بالحالة ديالها كنضن بللي غادين يكونو رجالي جايبينها دابا ☺ ياله بغا يهضر فراس و هوما يسمعو الغوات ديال شي مرأة ضورو كلهم راسهم جهة الباب و هيا تبان ليهم واحد البنت لابسة طابلية بيضة و كتغوت على رجال عمران لي جايبينها بزز دارين : طلقو منييييي شكووووون نتوما واااااع عمران ( بتاسم باستهزاء ) : فراس كنقدم ليك دارين شاكر من أحسن الأطباء النفسيين في المغرب بالرغم من صغر سنها هيا كتعتابر من أفضل الأطباء فراس : 😒 واش جايبها بزز عمران : هياااا لي مبغاتش تجي بالخاطر دارين : يلعن جد بوكم الحمييير طلقوني خليوني نمشي بحاااالي عمران ( خنزر فيها ) : سكتي شوية واش مكتعيايش من الغوات فراس : خلي البعر يمشي بحالو دارين : البعرة هيا مك فراس و انجيلا : 😨 عمران : 😂😂😂😂 حداتهم ليك المسخوط فراس : 😡 صافي غيرا رأيي هيا غادا تمشي معايا لداري و مستحيل تخرج من تما حتا تعالج سلاف عمران : كون غير بقيتو هنا حسن فراس : 😒 لا غادين نمشيو" " عمران : اوكي لي بان ليك ( موجه الهضرة لرجالو ) ديو معاكم هاديك و تبعو السيارة ديال فراس الرجال : حاضر سيدي فراس ( هز سلاف ) : ياله نمشيو خرج فراس و هو هاز سلاف مشا جهة طموبيلتو حل الباب حطها و صايب ليها السمطة و مشا جلس في بلاصتو و نطالق باتجاه الفيلا ديالو و رجال عمران تابعينو من بعد مدة من الزمن وصل فراس لدارو و هو مقاداه فرحة حلو ليه رجالو الباب هز سلاف بين ايديه و دخل و رجال عمران جاريت دارين لي كتغوت و كتجذب ليهم فراس : وصلو هادي لداك البيت و سدو عليها هاك الساروت نتا و رجعو لي دابا لاحو رجال عمران دارين فواحد البيت و سدو عليها الباب بالساروت رجعو الساروت لفراس و مشاو بحالهم مشا فراس لبيتو و هو هاز سلاف بين ايدو حطها فيق الناموسية و تكا حدايا كيشوف فيها بحب و هي كتشوف فيه بجمود فراس ( كيشم في ريحة شعرها ) : توحشتك بزاااف ا سلاف توحشت نسمع صوتك و ديك التخنزيرة ديالك مني كنعصبك و فاش كتبداي تجمعي البكية توحشتك كلك اسلاف ايمتا ترجعي ليا كيف كنتي 😔 انا عارف راسي غلطت في الأول ولكن نتي كان الغلط ديالك اكبر عرفتي باش حسيت مني قالولي متي 😔 حسيت بروحي غادا تخرج من بلاصتها أنا عارف بللي هادي فكرة عمران و انا غادي نعاقبو واحد العقاب لي عمرو مينساه حياتو كاملة 😈 سلاف : ( الصمت ) بقا فراس متكي حدا سلاف حتا داه النعاس أما هيا بقات غير حالة عينيها و كتشوف في السقف بلاما ترمش عينيها شوية و هيا تجيها البولة و بدون تفكير طلقاتها في حوايجها حتا حس فراش بشي حاجة هرات ليه رجليه حل عينيه و هو يتصدم 😂 لقا سلاف بايلة في سروالها و البول وصل ليه حتال رجليه بقا كيشوف فيها مصدوم و في الأخير طلقها بواحد الضحكة و ناض هز سلاف دخلها لحمام حطها في البانيو الخاص بالاستحمام و عمرو بالماء دافئ حيد ليها حوايجها خلاها غير بدوبياس بقا ساهي فيها مدة عاد حس براسو و دوش ليها بزربة مشا جاب ليها وحدة من الكسوات لي شرى ليها حيد ليها السوتيامات و لبسها الكسوة لي كانت واصلة لركبة عاد حيد ليها الكالصون و هزها حطها فوق ناموسيتو جاب فوطة و جلس حداها كينشف ليها في شعرها و هو كيشوف فيها بحب و عينيه كيلمعو بالفرحة حتا سمع صوت الغوات عرفها الطبيبة جمع التخنزيرة ديالو و ناض من حدا سلاف مش لجهة البيت لي فيه دارين و هو ساخط فراس ( حل الباب على دارين ) : مالك نتي مصدعانا بغواتك 😡 دارين : وا خليوني نمشي بحالي اعبااااد الله اشنو بغيتو عندي اشنو درت ليكم واش معندكمش القلب ماما غادا تكوت مخلوعة عليا واش مكتحسووووش ببنادم فراس : و نتي واش مكتسكتيش دارين : 😠 خليني نمشي بحااااالي فراس : باش نكونو مفاهمين نتي مغادا تخرجي من هنا حتا تعالجي ليا مرتي هاد القضية ديريها في راسك اوكي دارين : 😠 الى بغيتي مراتك تتعالج خاصها هيا تجي عندي ماشي انا نجي عندها و مخطوووفة من الفوق فراس : مراتي محتاجة ليك و نتي غادا تعاونيها دارين : بفففف نتا باينة فيك مكتفهمش فراس : راه نتي لي مكتفهميش رااااااكي غادا تعالجي مرتي بالخاطر ولا بزز و نتي ختاري دارين : 😠 الله يعطيك العذاب تفو وريني هاد مرتك لي مصدع ليا بيها راسي فراس : 😠 أولا صلحي فمك و ثانيا تحركي قدامي بلا هضرة خاوية دارين : 😡 مشا فراس قدام دارين و هيا تابعاه و كدور عينيها على الفيلا حتا وصلو للغرفة لي فيها سلاف حل فراس الباب و دخل و تبعاتو دارين لقاو سلاف باقا كيفما خلاها فراس جالسة على ناموسية و كتشوف في الحيط بلاما ترمش عينيه دارين : هممم ممكن تشرح ليا الحالة ديالعا بالتفاصيل و تقولي السبب لي خلاها توصل لهاد الحالة عاود ليها فراس القصة كاملة من أول نهار تلاقاو في سويسرة حتال نهار قالوليله بللي ماتت و من بعدها عرف بللي مماتتش و غير دارو ليه خطة هيا و صاحبو و باش ينتاقم منها كان مكلف واحد الفرملي باش يعطيها شي كينات كيخليوها بحال شي مسطية غير كتغوت و كتجدب و لكن من نهار تقطعات عليها ديك الكينة و هيا على هاد الحالة غير ساكتة و كتشوف في الفراغ دارين ( مصدومة ) : ميمكنش واش نتا وحش واش معندكش القلب فين هو الضمير فين الرحمة فراس : واش تقدري تعالجيها 😒 دارين : 😠 معرفتش ولكن غادا نحاول فراس : ياله ديري خدمتك هاني خارح دابا و بلاما تحاولي تهربي حيت الفيلا كاااملة ضايرة بالرجال ديالي و راهم مكيرحموش 😉 دارين : 😡😡😡😡" " عند عمران * أنجيلا : أووووف أعمران مبغيييتش نشوفهم عمران : 😠 هيروين هادوك واليديك كيفاش مباغاش تشوفيهم أنجيلا : أوف أوف فيهم البكا بزاف و الصداع و أنا مكنحملش صوت البكا عمران : نتي زدتي فيه و بزاااف دابا جوج كلمات سيري وجدي راسك راني سيفطت الشيفور يجيبهم أنجيلا : 😡😡😡 حلات أنجيلا البلاكار و هيا ساخطة جبدات كسوة واصلة لفخد بلا كمام حطات كيلو ديال الماكياج على وجهها و طلقات شعرها رشات الريحة و جلسات على الناموسية معصبة حتا دخل عليها عمران عمران ( مصدوم ) : أش هاد الحالة 😠 واش باغا تحمقي ديلمي واااااش كتقلبي على شي قتلة ديال العصى انجيلا : مااالك عوتاني مالك فارع ليا مخي مكتعرفش تهضر بشوية عمران ( شدها من دراعها بقوة ) : غادا تحيدي عليا هاد الشوهة و تلبسي شي حاجة مستورة ولا كنقسم ليك حتا غادا تشوفي مني شي حاجة لي مغاداش تعجبك أنجيلا : 😡 مالها حالتي كيف جاتك كنحمممق و الف واحد يتمناني و أنا هاااكدا عمران ( ضرب ايدو مع الحيط ) : واش باغاني نفرع مك هنا ولا شنو سييييري بدلي هاد الخرى و مسحي داك الوجه حسن ليييييك 😡😡😡 أنجيلا : أوووف واخا واخا يخ عمران : وا بقاي تنفخي تم حتا نجي نريب ليك داك الفم أنجيلا : 😕 بعد شهر * فراس : شهر داز و باقي مبان حتا شي تحسن في حالة سلاف دارين : معرفتش شنو المشكل بالضبط راه كلشي عندها مزيان غير هيا مباغاش تهضر فراس : كيفاش مباغاش تهضر واش كضحكي عليا كتشوفي البنت غير مصدومة و الماكلة الى موجدتيهاش ليها متوجدهاش لراسها دارين : ولكن ولات كتاكل بوحدها بلاما يحتاج شي واحد يوكلها و حتا الحمام كدخل ليه بوحدها فراس : مكتضحك مكتبكي مكتهضر و كتقولي مكاين حتا مشكل دارين : هيا مكتهضرش حيت هيا مباغاش تهضر فراس : و شنو الحل باش نخليوها تهضر 😑 دارين ( بعد صمت ) : عندي فكرة أجي قرب ليا ودنك نخليو دارين كتهضر مع فراس و نمشيو نشوفو سلاف في بيتها سلاف ( كتشوف في صورتها مع ماماخا و باباها ) : اهئ اهئ علاش مشيتو و خليتوني اهئ توحشتكم بزااااف اهئ اهئ كيف ندير نعيش بلا بيكم اهئ اهئ ماماااا بابااااا اهئ اهئ اهئ كانت سلاف كتبكي حتا حسات بشي واحد كيحل في الباب و هيا تمسح دموعها بزربة و طفات التيليفون و رجعات لشرودها من جديد حتا دخل عليها فراس و دارين دارين : أنسة سلاف لباس عليك ؟ سلاف : ( الصمت ) دارين : فراس واش وراق الطلاق واجدين ؟ فراس : أكيد هاهما دارين : احم انسة سلاف ممكن توقعي على هاد الوراق باش طلقي من فراس سلاف ( مصدومة ) : 😳 فراس : كنتمنى توقعي عليهم بزربة حيت بغيت نتزوج بدارين في أقرب وقت 😍 سلاف : 😨 دارين : اوف شوف احياتي هيا مبغاتش توقع عليهم فراس ( جرها من خصرها ) : غادا توقع عليهم بزز منها احبيبتي غير رتاحي سلاف : لاااااااا مغاداااااش نوقع ميمكنش نوقععع 😭😭😭😭 ياك قلتي ليا كتبغيني و متقدرش تعيش بلا بيا شنو تبدل دابا 😭😭😭😭😭 ولا صااااافي مليتي مني و جبتي الجديد اهي اهئ اهئ اهئ فراس ( بفرح كبير ) : 😍 سلااااف حياتي و أخيرا هضرتي و اخيراااا طلق من دارين و مشا عنق سلاف و هيا كتبكي في حضنو و كتقولو ياك كتبغيني و دموعها نازلين شلال دارين : 😊 تهدني ا أنسة سلاف حنا غير ضحكنا معاك مكاين لا زواج لا طلاق و اصلا سي فراس كيبغيك و مستحيل يفكر يتخلى عليك سلاف : 😢😢😢😢 عند أنجيلا * أنجيلا : أووووف ا فراس علاش مكتجاوبش علااااش 😠 الخادمة ( كدق في الباب ) : مدام هيروين راه الغداء تحط نزلي تغداي أنجيلا : 😕 اوكي حطات أنجيلا تيليفونها فوق للناموسية و نزلات لقات عمران و عفراء و ردينة مجموعين على طاولة الأكل أنجيلا : سلام 😊 ردينة و عفراء : 😕😕😕 عمران : سلام جلسي تغداي أنجيلا : أوكي حياتي ☺ تغداو في جو من الصمت سالاو ماكلتهم ناض عمران مشا لخدمة و عفراء خرجات عند صحاباتها و ردينة مشات لمدرستها اما أنجيلا طلعات لبيتها كتجري هزات تيليفونها و دوزات الخط لفراس فراس : الو أنجيلا اشنو واقع أنجيلا : راه وصل الوقت و الشهر داز فراس : راني مناسيش هاد شي وجدي راسك اليوم بلليل غادي يجي عندك محسن أنجيلا : 😍 أحححح على محسن فراس : جمعي راسك و ديها فخدمتك و ردي البال من عمران راه ممكن يقتلك أنجيلا : متخافش راه أنجيلا هادي لي معاك فراس : ياله تهلاي أنجيلا : باااي"
