"حياة و عبد السلام ( مصدومين ): و علااااش عودات ليهم هيروين شنو قول ليهم المدير و هيا حابسو البكية باباها منطق بحتا كلمة خرج من الدار و خلاها هيا و ماماها حياة : بنتي ميبقاش فيك الحال دابا يدير ربي لي فيها الخير هيروين ( حابسة الدموع ) : إن شاء الله حياة : بنتي هانتي وجدي الغذاء هانا غادا عند خالتك سعاد سمعت بللي مريضة و نجي هيروين : واخا غير سيري دخلات حياة لبيتها لبسات جلابتها و خرجات بقات هيرون بوحدها في الدار و هنا طلقات العنان لدموعها كتبكي و تشكي حتا عيات و هي تنوض وجدات الغدى و جلسات فوف الكورسي بقات ساهية حتا سمعات الباب تحل و هيا تجي عندها حياة شوية و هو يدخل عبد السلام حياة ( فرحانة ) : بنتي نتي غادا تمشي لسويسرة هاد المشية مكتابة ليك هيروين : ولاكن عبد السلام : بنت شدي هادو و متقولي والو عطاها واحد الصاك صغير شوية حلاتو و هيا تصدم طان عامر فلوس هيروين ( مصدومة ) : بابا ماما اش هاد شي منين جاوكم هاد الفلوس عبد السلام : تما كاينة جوج ديال المليون تسلفت مليون من عند صحابي في الخدمة مني عرفوك غادا لسويسرة و قالولي وقتما رجعتها هيروين ( فرحانة ) : بصااااح و المليون لاخر حياة : بعت ذهبي هيروين ( طاح ليها الصاك ) : شنو كيفاش بعتي ذهبك وا بعتي دهازك أماما واش بعتي الذهب لي مفرطتيش فيه حتا فاش كنتو كتموتو بالجوع حياة : مفرطتش فيه حيت كنت باغا نعطيه لبنتي فاش غادا تبغي تروح لدارها عند راجلها ولكن كتاب تاخديه قبل الوقت هيروين : اهئ اهئ سمحلو ليا اهئ اهئ عفاكم سمحو ليا حياة : يهديك الله ابنتي علاش غادين نسمحو ليك عبد السلام ( بغا يبدل الموضوع ) : هيروين شفتك موجدة الغدى ياك قتليكم البارح بللي عارض عليكم ناكلو الشوى ههه هيروين ( كتمسح في دموعها ) : ههه نسيييت ولله حياة : و دابا شنو نديرو عبد السلام : طفيو عليه خليوه حتا نتعشاو بيه و ياله نخرجو نتغداو هيروين : ههه واخاااا هانا غادا نطفي عليه طفات هيروين على البوطة و هزات حياة الصاك عطاتو ليها مشات خباتو و بدلات حوايجها و رجعات لعندهم عبد السلام : واجدين هيروين : واااجدين هههه حياة : الله يدومها فرحة عبد السلام و هيروين : أميييين * عند عمران * الشخص : سيدي لقينا الراجل لي قتل الرئيس عمران ( بتاسم بمكر ) : مزياااان ديوه لمستودع التعذيب بغيتكم تهلاو فيه ولكن عندااااكم يموت حتا نسالي الإجتماع و نجي الشخص : حاظر سيدي بقا عمران جالس في المكتب ديالو كيدور بالكرسي و مرسومة على وجهو ابتسامة شريرة السكريتيرة : سي عمران الإجتماع غادي يبدا دابا عمران : أوكي هاني جاي ناض عمران من فوق الكرسي كيتمشى بالمشية الرجولية ديالو توجه لقاعة الاجتماعات لقا تما رئيس ديال واحد الشركة لي غادين يوقعو معاها على واحد صفقة و كان معاه حتا النائب ديالو رئيس الشركة : موسيو عمران شرفتينا عمران ( بدون مبالات ) : شكرا النائب : سي عمران كيف كتعرف ( قاطعو ) عمران : عطيني الملف نشوف النائب : هاك عمران : هممم لا مغاديش نوقع رئيس الشركة : ولكن عمران : على حسب ما سمعت شركتكم قربات تعلن على الإفلاس ديالها و أنا ماشي من عادتي ندخل فشي صفقة لي عارف راسي مغادي نربح من موراها والو لذلك يمكن ليكم تفظلو خرج عمران من قاعة الاجتماعات و مشا للمكتب ديالو هز سوارت السيارة و خرج من الشركة كانو الحراس دياولو كيتسناوه حدا باب الشركة غير شافوه خرج و هوما يركبو في سياراتهم و تبعوه حتا وصل لمستودع التعذيب وصل عمران لمستودع التعذيب دخل و هو كيطوي في كمامو شاف قدامو لقا واحد الراجل جالس فوق الكرسي الخاص بالصعق الكهرابائي و الدم دايز ليه من فمو حال عينيه و لكن مقاظرش يهز راسو حيت سخفاااان العصى عمران : تهليتو في الضيف ديالنا الكارد كورد : ضروري ا سيدي عمران : مزياااان و الى مبغاش يسهل علينا الأمور و يعتارف غادين نضطرو نزيدو نتهلاو فيه اممم قولي بعدا شنو سميتك الشخص ( كيهضر و هو سخفان ) : أنت مدرت والو عمران : و حتا انا مقتليك دابا والو سولتك غير على سميتك الشخص : سسس سفيان عمران : قوليا ا سفيان خدام لحساب شكون سفيان : لحساب حتا واحد اهئ اهئ طلقوني خليوني نمشي بحالي عمران : لحساب يمن سفيان : لا عمران : نادر سفيان : لا عمران : رافاييل سفيان : الصمت عمران ( صعر ) : دابا نتاااا غادي تموت في كل الحالات لذلك غير قولي شنو مخبي باش نقدر نقتلك بطريقة ساهلة وبلا تعذيب سفيان : اهئ اهئ انا راجل مزوج و ( قاطعو ) عمران : راجل مزوج و عندك ولاد و ديك الهضرة الخاوية سمع و حاول تفهم هضرتي راه دايزين عندي عرام ديال الرجال بحالك و كلهم كيقولو نفس الهضرة و غير باش ديرها في داسك راه لي كيدخل لهنا مستحيل يخرج حي سفيان ( ستسلم ) : سيفطني رافاييل باش نقتل الرئيس بالسلاح ديالك باش تشد في الحبس و تخوا ليه الساحة عمران : كيفاش حتا وصل سلاحي لعندك سفيان : كوثر وحدة من الخدامات في القصر هيا لي جابتو ليا و على حساب ماعودات ليا بللي كنتي شي نهار عاطيه لختك الصغيرة كتلعب بيه عمران : هممم دابا فهمت ناض عمران من فوق الكرسي و غمز لواحد من الكارد كورد و خرج من المستودع ياله كان غادي يركب في السيارة و هو يسمع ثلاثة الطلقات ديال الرصاص بتاسم بمكر و ركب في سيارتو" "مشا عمران للقصر طلع نيشان لغرفة المراقبة طلب من المسؤول باش يعطيه التسجيل ديال نهار 27 و فعلا عطاه لي و جلس كيتفرج حتا وصلات اللقطة لي دخل فيها للقصر "" فلاش باك "" دخل عمران لقصر حي لافيست ديالو و عطاها لوحدة من الخدامات و هي تجي عندو ردينة كتجري عنقاتو ردينة : خووويا جبت 20 في الرياضيات و الفرنسية عمران : برااافو المجتهدة هاكدا نبغيك ردينة ( شافت السلاح لي كان دايرو مور السروال ) : خووويا و بهاد المناسبة بغيت نطلب منك طلب عمران : شنو ؟ ردينة : بغيتك تعطيني سلاحك نشوفو و نرجعو ليك عمران : السلاح ماشي ديال اللعب ردينة : عافااااك ا خويا عفاك عفاك عمران : اوووف واخا و غير نرجع تعطيه ليا ردينة : واخا جبد المسدس و حيد منو الرصاص و عطاه ليها و طلع لبيتو اما ردينة بقات كتلعب بالمسدس و كدير راسها شرطية حتا شافتها كوثر كوثر : ردينة جبت ليك الشكلاط لي كيعجبك ردينة : بصااااح عطيه ليا كوثر : هاكي و اري بعدا هداك اش متوسخيهش بالشكلاط حتا تاكلي ردينة : واخا هاكي عطات ردينة المسدس لكوثر لي غير شداتو خشاتو في الجيب ديال الطابلية و جبدات مسدس أخر ردينة : ساليت ياله أري كوثر ( بابتسامة شريرة ) : بصحتك هاكي "" نهاية فلاش باك "" عمران ( كيهضر مع ليكارد كورد ) : بغيتكم تكلفو بهاد كوثر و تغبرو ليها الوجود الكارد : حاضر سيدي صونا التيلي لعمران هزو و جاوب عمران ( كيهضر بالانجليزية ) : اش كاين الشخص : سيدي السلعة واجدة عمران : ديوها للمستودع حتا نجي و نتكلف بيها الشخص : حاضر سيدي * عند هيروين * هيروين ( كتبنن ) : يام يام شحااال هذا مكليت الشوى ههه ولله حتا توحشتو عبد السلام : بصحتك ا بنتي كولي حتا تشبعي هيروين : عرفتي ابابا غير نكمل قرايتي و نخدم غادا نشري ليكم دار كبيرة و نسيفطكم للحج و نخليكم تفتاخرو بيا غير بلاتي ههه عبد السلام : حنا مفتاخرين بيك ابنتي من نهار تزاديتي عمرك منزلتي راسنا الله يرضي عليك هيروين : أمين ابابا دازت الأيام كيف البرق و جا يوم السفر توادعات هيروين مع واليديها بالبكى و مشات للافاك لقات سلاف و الدراري تما بقاو كيتسناو في المدير حتا جا عطاهم وراقهم و وصلهم للمطار من بعد ما كملو الاجراءات طلعو للطائرة و كل واحد خدى بلاصتو كانو راكبين في بلاصت الركاب العاديين و حتا عمران كان في نفس الطائرة لاكن في بلاصت رجال الأعمال قلعات الطائرة و علنات المضيفة على بدء الرحلة المتوجهة نحو سويسرة غبر ركبات بطلتنا في الطائرة و هي تجبد عليها بنعسة مفاقت حتا حسات بسلاف كتفيق فيها سلاف : هيروين فيقي راه وصلنا هيروين ( فايقة مضهشرة ) : هاه وصلنا بصح سلاف : وا نوضي راه كلشي نزل بقينا غير حنا ناضت هيروين و بدات كتجبد عاد نزلات من الطائرة لقات الدراري لي جاو معاها كيتسناو فيهم عدنان : سربيونا راه مزال خاصنا نقلبو على هاد حميد (حميد هو الشخص لي مكلفينو باش يوصلهخ لبلاصة للسكن الجامعي ) هيروين : ياله نمشيو من بعد ما سالاو الاجراءات خرجو من المطار لقاو واحد الشخص هاز واحد الصبورة صغيرة في ايدو مكتوب عليها "" طلاب الجامعة "" مشاو لعندو و قدمو ليه راسهم و رحب بيهم في سويسرة و ركبو معاه في طموبيلتو وصلهم لبلاصة لي غادين يسكنو فيها هيروين ( كتهضر بالانجليزية ) : شكرا ليك حميد : ههه غير هضري بالعربية راني مغربي بحالكم المهم لا شكر على واجد و كنتمنى دوزو أوقات زوينة في سويسرة بسلامة الكل : بسلامة"
