أضواء هنا و لهيه مسلطة على شخص واحد صوت ألات التصور و أسئلة الصحفيين كيعرقلو المسير ديالو رجال الشرطة كيحاولو يخويو ليه الطريق باش يدوز الصحفية 1 : سي عمران ممكن تقول لينا شنو احساسك من بعد ما خرجتي ببرائة الصحفي 2 : سي عمران واش نتا شاك فشي واحد يكون هو لي قتل القاضي الشرطي : بعدو لهيه خليوه يدوز شوية و هوما يوقفو خمسة السيارات راكبين فيهم رجال لابسين كوستيمات بالأسود و نضارات بالأسود مشاو جهة عمران و خواو ليه الطريق حتا وصل لوحدة من السيارات و ركب فيها و الصحفيين مزال ملاحقينو بأسئلتهم نزل زاج السيارة و شاف فيهم بنضرة كتوحي بالقسوة و الجبروت عمران : شكون لي قتل الرئيس و كيفاش حتا تقتل معرفتش و مكيهمنيش و أي واحد كانت عندو إيد بدخولي للسجن غادي يتحاسب مزيااان طلع الزاج و شاف قدامو من بعدما عطى للسائق اشارة باش يزيد في براكة صغيرة كتكون من بيت صغير و صالة صغيورة و حمام و كوزينة ساكنة بنت أية في الجمال مع واليديها في عمرها 22 سنة هيا البنت الوحيدة عند ماماها و باباها غير ولداتها مها جاها سرطان في الرحم و اضطرو باش يحيدوه ليها نقربكم من البطلة باش تعرفو عليها مزيان الإسم ديالها هيروين 22 سنة جمالها لا يوصف فاتنة باينة كلكم استغربتو من الإسم ياكو ههه اجيو نعاود ليكم قصة هاد الإسم الأب ديال هيروين كانت حالتو ميسورة من ناحية الفلوس و لكن كان كيعاني من جوج مشاكل الأول القمر و الثاني مدمن للمخدرات هاد المشكل لي كان عندو مكان عارفو حتا واحد من عائلتو واحد النهار شاف واحد البنت عجباتو و حتا هيا عجبها خطبها و تزوجو و مع الوقت عرفات بللي كيقمر و كيتعاطى للمخدرات مكانت قادرة دير والو هاديك الساعة حيت كانت حاملة في شهرها الأخير عيطات لباباها كتشكي عليه في التيليفون و بالصدفة سمعها راجلها و هو يبدا يتغاوت معاها حتا شدها الوجع معرف شنو يدير تلف و هو يهزها داها للمستشفى عيط لواليديه و واليديه عيطو لواليديها شوية ولا السبيطار عامر كلشي كيتسنى خبر الولادة على أحر من الجمر حتا خرج عندهم الطبيب و بشرهم بخبر ولادتها دخلو عندها كلهم مشا عندها راجلها باسها في راسها و هز البنية سولو باه شنو غادي يسميها و هو ينقز بات مراتو كيستهزء بيه قاليه غادي يسميها القرقوبي ولا الهيروين شاف فيه بابات هيروين بغضب شوية و هو يبتاسم و شاف في باه و قاليه غادي نسميها هيروين شكرا ليك انسيبي على هاد الإسم لغزال واخا تصدمو أفراد العائلة من هاد القرار و تعجبو لهاد الإسم ولكن مكان عندهم حتا خيار أخر من غير يقبلو بيه و فعلا دارو السبوع و دبحو الدبايح و لكن هاد شي مخلاش الأب يدير عقلو و يبعد على القمر بالعكس بقا لاصق فيه حتا خدا ليه فلوسو كاملين و خلاه هو و عائلتو على الأرض مشاو سكنو مع عائلة الزوج من بعدما حجزو ليهم على الدار و بقاو ساكنين معاهم لمدة عام حتا كترات عليهم الهضرة و هو ينوض الأب شرى كروسة و ولا كيبيع فيها الخضرة و قدر يشري براكة و مع الوقت بدل الحرفة و ولا بناي و هادي هيا قصة اسم هيروين و سبب الفقر لي عايشة فيه و دابا خليونا نرجعو للواقع هيروين : ماما هانا غادا للافاك" "لأم : سيري ابنتي الله يرضي عليك راه نتي أملنا الوحيد باش نخرجو من هاد الفقر هيروين : متخافيش اماما ان شاء الله غير نكمل هاد العام و هانا ساليت القراية و نبدا نقلب على خدمة ياله باااي اروحي الأم : بسلامة ابنتي الله يعاونك خرجات هيروين من الدار و في طريقها للافاك تلاقات مع صاحبتها سلاف لي كتقرى معاها في نفس القسم سلاف : سلام هيروين صافا هيروين : الحمدلله هاد الساعة و نتي سلاف : لاااااباس هيروين : خدمتي داك البحت سلاف : اه ضروري أختي نتي بلاما نسولك حيت باينة خادماه هيروين : ههه ضروووري سلاف : هيرويييين عانداك هيروين : 😨😨😨 بغات هيروي تقطع الطريق و هي تجي واحد السيارة بسرعة فااائقة كانت غادا ضربها كون محفضها الله السائق : واش مكتشوفيش قدامك نتيا ولا شنو الى بغيتي تنتاحري سيري لوحي راسك من شي سطح هيروين ( مخلوعة ) : اااا عمران ( خرج من السيارة مخنزر ) : صافي أ عدنان غير خليها راه معنديش الوقت لهاد التبرهيش السائق : واخا اسيدي سلاف : هيروين واش نتي لباس هيروين : واش سمعتيه قالي برهوشة 😨 سلاف : اوف ا صاحبتي صافي زيدي راه مشا علينا الحال ركب عمران في السيارة و مشا اما هيروين بقات فيها الشمتة حيت مجوباتوش على الكلمة ديال التبرهيش مشات للافاك و هيا ساااخطة * في لافاك * سلاف : مالك أصاحبتي غير مغوبشة طلقيها تسرح هيروين : سكتينا حتا نتي سلاف : مالك دابا غير قوليلي علاش معصبة هيروين : ممعصبااااش اصاحبتي الأستاذ : هيه نتوما مالنا على هاد الصداع هيروين : سمح لينا ا أستاذ سلاف ( بصوت منخفض ) : ههه حصلنا هيروين : سكتي ا صاحبتي ها لعار سلاف : لا مغاداش نسكت حتا تقوليلي مالك معصبة هيروين : اووووف الأستاذ ( خبط الكتاب مع البيرو ) : مبغيتوش تسكتو اوى خرجو عليا برى هيروين : ولكن أ استاذ الأستاذ : برااااا سلاف ( كتجمع في أدواتها ) : صافي غير ياله راك عارفة هاد بوصلعة هيروين ( مفقوصة ) : تفووزو على نهار كيف داير يخ هيروين ( خارجة كتنكر ) : صافي هاد شي لي بغيتي هاهوا خرجنا رتاحيتي دابا يخ مشا لينا الدرس بسبابك سلاف : اوى بااااز لي سمعك يقول كنتي منتابهة و نتي الوقت كامل و نتي ساهية هيروين : مبغاش يتنسالي الفلاش ديال قبيلة تعصبت حيت مرديتش عليه غادي يقول غر خفت منو سلاف : صافي حتا نتي نساي و ياله نمشيو لشي قهوة نفطرو راه قتلني الجوع هيروين : تفو معامن عايشين زيدي قدامي مشاو لبنات لواحد القهوة حدا لافاك و ياله بغاو يجلسو و هي تبان لهيروين واحد الجريدة محطوطة فوق واحد الطاولة هزاتها و جلسات ياله شافت في الصفحة الأولى و هي تخرج عينيها سلاف : اهياتا مالك مخرجة عينيك هيروين : لا رد سلاف : هيروين اش واقع خلعتيني هيروين ( مدات ليها الجريدة ) سلاف ( شهقات ) : هذاااا ماشي هو هداك لي شفنا صباح هيروين : هوا 😨 سميتو عمران و كان مشدود بتهمة القتل دابا انا كنت واقفة قدام قتال سلاف ( كتقرى شنو مكتوب ) : لا لا راه خرج برائة من بعد ما لقاو الدليل لي كيتبت برائتو هيروين ( خطفات ليها الجريدة ) : اري هادي لهنا خليني نقرى عمران : خاصكم ضرووووري تلقاو الشخص لي قتل الرئيس قبل ميلقاوه البوليس فهمتو الكل : حاظر سيدي عمران : يمكن ليكم دابا تمشيو و مترجعو حتا تجيبوه معاكم و بغيتو حي الكل : حاظر سيدي خرجو رجال عمران من المكتب ديالو من بعد ما عطاهم التعليمات باش يلقاو الشخص لي قتل الرئيس و لي تسبب ليه في دخولو للسجن ، أجيو نعرفكم على عمران هو شخص صااارم مكيعرفش الرحمة موالف عندو 30 سنة مفيوزي كبير كيتاجر في المخدرات و الأسلحة و لحد الأن البوليس مزال ملقاو عليه حتا دليل و نزيدكم عمران واخا مفيوزي لكن عمرو مقتل شي شخص هاد شي مكيعنيش بللي هو شخص حنين ولا كيشفق ههه نووو ولكن كيخلي مهمة القتل للرجال دياولو حيت مكيبغيش يوسخ ايديه بالدم هذااا هو عمران الصفريوي شخصية غامضة لكن جذابة و كتجدب ليه جميع أنواع النساء كيفما كان نوعهم لكن هو مزال لحد الأن ملقا محبوبة قلبو لي تخليه يجرب طعم الحب عند هيروين * هيروين : ايلا ساليتي ماكلتك ياله نمشيو راه تعطلنا سلاف : اوكي ساليت ياله هيروين : جاني الملل مفيا منرجع لدار أش بان ليك نمشيو لحديقة الحيوانات سلاف : أهاه علاش لا ياله شدو البنات طاكسي و مشاو لحديقة الحياوانات بقاو كيتسيلفاو مع السبوعة و القرودة حتا من الحمار الوحشي مزكلوهش * عند عمران * ردينة : عفاااك أخويا راك واعدتيني البارح عمران : ردينة هانتي كتشوفي راني مشغول ردينة : اهئ اهئ نتا من نهار عقلت عليك و نتا مشغول عمرك مدرتي شي حاجة على قبلي ولا عطيتيني شوية من وقتك عمران : اوووف صافي بلاما تبداي دمعي عليا هنا عندك خمسة دقايق نلقاك لابسة حوايجك و واجدة ردينة : يااااي نتا أحسن أخ في الدنيا مشات ردينة لي كتبلغ عشرة سنوات من عمرها كتجري لبيتها عيطات للخدامة لبساتها حوايجها و مشطات ليها شعرها و هي تهبط لعند عمران لقات ماماها جالسة في صالون حاطة رجل على رجل و كتشرب القهوة عفراء ( كتهضر بشيكي ) : ردينة شفتك كنقولك ديما هاد اللون مكيجيش معاك ردينة : أنا عاجبني عفراء : اممم شلا معجبك ويلي على دوق عندك عمران : ردينة واجدة ردينة ( كتخنزر في ماماها ) : أه واجدة أخويا خرجات ردينة و عمران من القصة و توجهو للباركينغ تبعو الشيفور و هو يقوليه عمران بللي هو لي غادي يسوق بوحدو و هو يمشي لواحد الفيراري كحلة موالف يركب فيها مني كيكون باغي يسوق بوحدو عمران : و دابا فين بغيتينا نمشيو ردينة ( بعد تفكير ) : لحديقة الحيواناااات ردينة : اوووف خويا علاش رجالك ديما لاصقين فيك واش مكيجيبوش ليك الخنقة انا بعدا غير كنشوفهم كنتخنق عمران ( خنزر فيها ) : رديننننة ردينة : صافي صافي هانا ساكتة عمران : ياله نزلي هاحنا وصلنا لحديقة الحيوانات ردينة : ياااااي هبطات ردينة من السيارة كتجري فرحانة و تبعها عمران و بقاو كيدورو في الحديقة و كيشوفو في الحيوانات شوية و هي تشوف ردينة واحد الراجل كيبيع غزل البنات خشات ايدها فجيب عمران و هيا تجبد 200 درهم و مشات كتجري لعند الراجل لي كيبيعها لقات جوج بنات واقفين تما كيصيب ليهم ياله بغا البائع يعطي لوحدة من البنات الصوفة ديالها و هيا تنقز عليه ردينة خداتها ليه شافها عمران و هو يمشي ليها معصصصب عمران : ردينة اش هاد التصرف ردينة : مقصدتش انا غير شفت غزل البنات و محسيتش براسي حتا نقزت عليه عمران ( مشافس وجه البنت ) : ياله عتاذري ردينة ( حادرة راسها ) : كنعتاذر أختي هيروين ( مشافتش وجه عمران حيت كان عاطيها بالضهر ) : ماشي مشكيل احبيبة غير خوديها بصحتك ردينة : شكرا ليك عمران ( ضار لعند هيروين ) : انا كنتاذر على التصرف ديال ختي اااا بلاتي نتي ديجا شايفك ( كيفكر ) اااه عقلت عليك نتي هيا هاديك الهبيلة لي كانت باغا تنتاحر هيروين : بزاف عليك حتا هبيلة و ماااشي انا لي كنت باغا ننتاحر راك نتا لي كنتي كطير وسط الطريق عمران ( متسوقش ليها ) : ردينة ياله نمشيو ردينة : بلاتي شنو سميتك أختي انا ردينة و نتي هيروين : أنا هيروين عمران : محشمتيش كضحكي على البنت باغا تفسدي ليها أخلاقها هيروين : علاش اخويا اش درت عمران : اشمن هيروين ولا قرقوبي البنت سولاتك على سميتك و نتي جالسة كطنزي عليها هيروين ( جبداك البطاقة الوطنية ديالها ) : اناااا سميتي هيروين عمران ( حابس الضحكة ) : احم كنعتاذر ردينة ياله نمشيو ردينة : تشرفت بيك ا هيروين ياله اخويا كملات ردينة الجولة مع خوها و رجعو للقصر أما هيروين و سلاف مني شافو كاع الحياوانات لصقات هيروين فسلاف باش يمشيو لسيبير حيت هيا معندهاش لبيسي في دار سلاف : أووووف و علاش بغيتيه هيروين : زيدي و سكتينا سلاف : نتي وليتي كتخلعيني هيروين : هههه معندك منهاش تخافي ابب غير زيدي و غادا تعرفي كلشي سلاف : ياله هاحنا وصلنا ياله أتحفينا هيروين : هههه اوك ياله جلسي شدات هيروين لاسوغي بإيد و بدات كتكتب بإيدها لاخرة بسرعة حتا بداو كيبانو صور عمران في شاشة الحاسوب سلاف : هيروين أش بغيتي بيه ؟؟ هيروين : سمعي سمعي الإسم عمران الصفريوي السن 30 سنة من أغنى أغنياء العالم سلاف : أواااااه هيروين : متقاطعينيش احم عندو خمسة الشركات في كل دولة يتيم الأب أما بالنسبة لماماه فهي عارضة أزياء سابقا و خدات لقب ملكة جمال العالم شي خمسة المرات عندو أخت وحدة لي هيا ردينة و هيا صاحة أكبر فندق بالعالم لي الإسم ديالو فندق ردينة هاد الفندق بناه عمران و هداه ليها في عيد ميلادها العاشر يعني غير مؤخرا و دابا نرجعو لعمران شخصية عنيفة معندوش مع اللف و الدوران و مؤخرا تشد في الحبس بتهمة قتل الرئيس بعدما لقاو المسدس ديالو في مسرج الجريمة لكن اكتاشفو بللي هو مكانش أصلا في المغرب في هداك الوقت و زيادة على ذلك لقاو كامرات في الفيلا ديال الرئيس و الكامرة كتبين بللي الشخص لي قتل الرئيس شخص أعسر يعني كيخدم ياليد اليسرى خلافا على عمران لي كيخدم باليد اليمنى و هنا تبتات البراءة ديالو سلاف : بشاخ بشااااخ هاذ السيد مساااهلش مع راسو دابا حنااا كنا واقفين مع واحد من أغنى أغنياء العالم لا و الوااااعرة مو خدات لقب ملكة جمال العالم خمسة المرات يا ختي شووووفي ليك الزهر هيروين : هانتي تشوفي ههه نوضي نمشيو بحالنا راه 12 دابا سلاف : ياله رجعات هيروين للبراكة ديالهم و قبل ما دخل بقات كتشوووفي في البراكة لي عايشة فيها هيا و القصر لي عايش فيه عمران هيا غير شافت الصورة ديال القصر من الخارج و داخت يعلم الله من الداهل كيف داير بقات كتشوف حتا عيات في الأخير تنهدات و دخلات للبراكة لقات ماماها كطيب في العدس هيروين : ماماااا هانا جيت اش موجدة لغداء الأم : العدس هيروين : والااااا اماما عارفاني مكنحملووووش أوووف الأم : و شنو بغيتيني ندير ليك راه باباك كيعجبو و هو لبي قالي طيبيه هيروين : و شنو ناكل أنا دابا الأم : راه الخبز و راه الزيت هيروين : هادشي حشومة ولله بففف هانا غادا نمشي عند عبد الإله مول البوكاديوس نجيب شي جوح نتغاء بيهم حسن ليا الأم : بوكاديوس ديال تلاثة الدراهم حتا هوا بوكاديوس تلقايه عامر غير ميكروبات هيروين : اللهم هو ولا العدس المهم هانا مشيت مشات هيروين باش تشري البوكاديوس و في طريقها بقات كتفكر و كتقول دابا شوف أنا باش كنتغدى يعلم الله داك عمران باش غادي يكون كيتغدى تفووو شي عطاتو و شي زواتو * عند عمران * كانت الأم و ردينة و عمران جالسين فوق طاولة الأكل كانت الطاولة طوييييلة يقدرو يجلسو فيها شي عشرين شخص و الخدامات كيحطو في الأطباق المتنوعة من المأكولات لي بغيتيه تلقاه فوق ديك الطاولة بغيتي المحمر المشوي المبخر المسلوق نتا غير تشهى و ختار" "عمران : بغيت نقول ليكم بللي الأسبوع الجاي غادي نمشي لسويسرة و ممكن نبقى تما مدة طويلة ردينة : ديني معاك اخويا عفاااك عمران : و قرايتك ؟؟ أصلا معندك ما تمشي ديري تما و غير باش يكون في العلم ديالكم الحراس مغادينش يبعدو عليكم حتا دقيقة الأم : أوووف دابا انا الى بغيت نمشي لنادي ولا لصالون ولا لعند صحاباتي غادين يمشيو معايا سي با بوسيبل عمران ( ناض من فوق الطاولة ) : لي عندي راني قلتو ليكم عند هيروين * شرات هيروين غداها و رجعات للبراكة كلات و نعسات حتا فاقت على صوت الدقان الأم : نوضي راه صاحبتك سلاف كدق عليك هيروين ( مقلوبة بالنعاس ) : أوووف كنحس بعضامي مدكدكين حلي عليها تدخل مشات الأم حلات على سلاف لي غير دخلات مشات كتجري لعند هيروين سلاف : وااااش مفراسكش أخر الأخباااار هيروين : أش واقع عوتاني سلاف : نوضي بعدا غسلي وجهك باش تفيقي معايا و تستوعبي هضرتي هيروين : واخا بلاتي ناضت هيروين غسلات وجهها باش تفيق و رجعات هيروين : هانا ياله اشنو كاين سلاف ( غادا طير بالفرحة ) : هيروييييين طلعااااات لينا هيروين : شنو هيت ؟؟ سلاف : عاقلة على القرعة لي دارت المدرسة للأوائل باش يسيفطوهم يكملو قرايتهم في سويسرة و المدرسة لي غادا تتكلف ليهم بالمصاريف هيروين ( حلات عينيها ) : متقوليييييش ليااااا سلاف ( غوتات ) : ااااااه حناااا لي غادي نمشيييييو هيروين ( كتغوت فرحانة ) : واااااع هههههههه سلاف : هههه ناااري غادا نطير بالفرحة خصووووصا حتا عدنان طلعات ليه ( عدنان حبيب سلاف ) هيروين ( متحمسة ) : اه اه قوليلي شكون عوتاني و شحال من واحد غادي يمشي سلاف : خمسة انا و نتي و عدنان و اسراء و محمد المهم هاد جوج مغاداش تعرفيهم حيت ماشي معانا في القسم حتا انا مكنعرفهمش غير قريت سمياتهم مع المختارين هيروين ( كتنقز ) : غادين نمشيو لسوييييسرة الأم : مالكم على هاد الغوات هيروين ( عنقاتها ) : ماماااا عاقلة على القرعة ديال سويسرة ههه دينااااها الأم ( عينيها غرغرو بالفرحة ) : بصح ابنتي الله يا ربي حمدتك وشكرتك ههه يويويويويووووووووي وا سمعو الجاراااات و ديو متعاودو بنتي هيرويييين غادا تمشي لسويسرة هيروين : هههههه مشات سلاف لدارهم من بعد ما قالت لهيروين الخبر و فرحاتها أما هيروين بقات جالسة كتفكر و تخطط للمستقبل مني تمشي لسويسة الحاجة الوحيدة لي كانت مخلياها ترتاح شوية هيا غادا تمشي مع صاحبتها سلاف و صديقها عدنان الأم : هيروين نوضي ابنتي باباك جا ( غمزاتها ) هيروين ( حشمانة ) : هانا جاية الأب : هيروين قاتلي ماماك عندك شي خبار بغيتي تقوليها ليا هيروين : اه ابابا انا انا احم انا غادا نمشي لسويسرة الأب ( تفركع بالضحك ) : ههههههههه غير اجي و سير لسويسرة نوضي أ حياة بخري بنتك راه كيبان لي تشيرات الأم : ههه لا لا بنتي مخاصهاش البخور بنتي خاصها شي حفلة باش نفرحو بيها الأب : أش كتخربقو نتوما ؟ هيروين : بابا راه المدرسة كانت دايرة قرعة للأوائل ديال المدرسة باش يسيفطوهم يقراو في سويسرة و يتكلفو ليهم بالمصاريف الأب : بصح ؟ ( شاف في حياة ) هاد شي بصح ؟؟ عنداك تكونو كضحكو عليا الام : هههه لا لا أعبد السلام الخبار صحييييحة بنتنا غادا تمشي لسويسرة الأب : اجي عنقيني ابنتي اجي سيري كيفما هازة ليا راسي قدام الناس بغيت راسك يبقا ديما الفوق الفوق سيري انا راضي عليك دنيا و أخرة هيروين : اهئ اهئ أمين اباب اهئ الأم : اهئ اهئ تهلاي في راسك ابنتي مني تمشي و متنسايناش و مطوليش الغيبة هيروين : اهئ اهئ غير نسالي هاد العام و هانا معاكم اهئ و غادا نبقا معاكم حتا نطلع ليكم في ريوسكم الأم : سيري يا بنتي يا هيروين انا مفرشاك بالرضى و مغطياك بالرضى الأب : ههه باراكا علينا من البكاء شوفو غدا انا عارض عليكم نخرجو نتغداو بالشوى أش بان ليكم ههه هيروين : أه اه أه تشهيييتو ولله الأم : ههه علاش لا ولكن دابااا خليوني نعيك لعائلة نقولها ليهم الأب : لا بلاما تقوليها ليهم خللي حتا تمشي البنت بعدا متعرفيهم يضربوها بالعين الأم : أااه ولاهيلا عندك الحق أ عبد السلام الأب : إمتا غادين تمشي هيروين : مزال معرفت حتال غدا و نشوف أه و راه حتا سلاف غادا معايا ههه الأب : مزيان هاكا بعدا تلقاي الوناسة دق دق دق الأم : شكون غادي يكون كيدق بلاتي نشوف مشات حياة حلات الباب و هيا تلقا كاع الجارات مجموعين جايبين معاهم السكر باغين يباركو لهيروين نجاة : إوى الالة حياة غادا تخلينا في الباب حياة : ااا سمحو لي غير تلفت دخلو مرحبا عبد السلام : السلام عليكم احم حياة هاني خارج حياة : واخا سير ثورية : هيروين مبروك عليك و عنداك غير تمشي و تنساينا ههه نجاة : ههه اوى قوليلي ا هيروين شكون غادي يمشي معاك هيروين : صاحبتي سلاف ثورية : اااه هاديك البنت لي كتكون معاك هيروين : أه هيا أخالتي ثورية ثورية : أه اوى مزيان نجاة : بنتي هيروين ياك انت خالتك نجاة لي عزيزة عليك انا مزاوكة نطلب منك طليبة و مترديهاش في وجهي هيروين : شنو هوا هاد الطلب ؟؟ نجاة : نتي عارفة ولدي عمر الجن لي ضربو باغي الخاريج و دابا ولا كيقولي باغي يحرق انا مزاوكة مني تمشي شوفي ليه شي سويسرية واخا تكون شارفة تزوج بيه و تصايب ليه وراقو و تديه معاها هيروين ( غير كتسمع مصدومة و منطقات بوالو ) حياة : ههه علاش مفخباركش ا نجاة بللي البلاد لي غادا تمشي ليها بنتي عندهم قانون كيقول بللي ممنووووع ولاد ولا بنات البلاد يتزوجو بالمسلمين ( غير كذباتها 😂 ) نجاة : و مالهم المسلمين كيف جاوهم حسن منهم ميوصلوووش لينا هاي هاااي بشرى : ياله العيالات تعطلنا المهم مبروك عليك ابنتي هيروين ولله الى فرحنا ليك هيروين : شكرا اخالتي بشرى في الغد * سلاف ( كدق على هيروين ) : وااا هيروين وا سربي راه غادين نتعطلو هيروين : صافي صافي هاني ساليت ياله سلاف : ههه ناااري أنا فرحانة هيروين : كون تشوفي أنا 😄 مشات هيروين و سلاف لافاك تلاقاو مع الدراري لي غادين يمشيو معاهم و مشاو لمكتب المدير المدير : هيروين السالمي و سلاف العطيوني و عندنان المتوكل و محمد الرابعي و اسراء العلوشي نتوما لي كنتو محظوضين و طلعات ليكم القرعة و حنا غادين نتكلفو بالمصاريف ديال الدراسة ديالكم و حتا السكن ولاكن بالنسبة للأكل و داك شي لاخر نتوما لي مسؤولين عليه الرحلة غادا تكون الأسبوع الجاي نهار الإثنين مع العشرة خاصكم تكونو هنا و أنا شخصيا غادي نمشي معاكم حتال المطار عدنان : و بالنسبة لأوراق السفر المدير : حنا لي غادين نتكلفو بيهم نتوما غير جيو واجدين وفي الوقت و راه الى تعطل شي واحد فيكم غادي يتحمل مسؤولية راسو التلاميذ : واخا شكرا خرجنا من مكتب المدير و أنا مصدومة مكنتش عارفة بللي الأكل على حسابنا هيروين : شنو غادين نديرو دابا سلاف : متخفيش كلي غادين نلقاو ليه الحل هيروين : كضحكي عليا نتي عارفة الحالة ديالي ياكي نتي بعدا ساكنة في دار و باباك أستاذ يعني تقدري ضبري على الفلوس سلاف : ياك انا وياك غادين نكونو في نفس البلاصة اوى الماكلة لي غادا ناكلها نقسموها بجوج هيروين : مكتفهمينيش ا سلاف ولله و عمرك مغاظا تفهميني صافي دابا ياله نمشيو سلاف ( بحزن ) : ياله رجعات هيروين لدار ( البراكة ) و هيا ساخطة من نهار شافت عمران و الخير لي عايش فيه تحلو عينيها في الدنيا و ولات كتحس بالفقصة فاش كتفكر الحالة لي عايشة فيها هيا علاش متكونش حتا هيا لباس عليها ولا على الأقل تكون غير بحال سلاف لي ساكنة في دار كتكون من جوج طبقات و كل نهار كيعطيا باباها خمسين درهم ماشي بحالها هيا لي إلا عطاها باها غير خمسة الدراهم كتفرح حياة : هيروين جيت هيروين : اه اماما عبد السلام : أشنو ايمتا غادا تمشي هيروين : مغاداش نمشي"
