ليال
كاعدين بلحديقه وروح ورجع انتظر بابا يجي
يربي ساعد امي ورجعها النه
اباوع لخاله لاعبين بيها جوله سوده عليه جوا عينه لو بنفسجي
وحلكه بطرف صاير ازرق
وجسمها كله ازرق وبفسي من الضرب
بس اريد افتهم منها شي تكلي امج خذوها وتبجي
من الساعه السودا الجينه هناا
دخل عمو احمد وركضنه عليه
.. ها عمو بشر لكيتوهاا
احمد..الله يسمع من حلكج
فضيله.. لك احمد حميد وجماعته هما يلي دخلو شفتهم بعيني
عمو يباوع لخاله وعيونه مدمعه عليها اخذها لحضنه
احمد.. هواا حميد العار فالت دورنه عليه ماكو
فضيله.. الله ينتقم منه دنيه واخرر منين طلعونه هذوال
مو سديتو السالفه انتو
احمد.. مبين حميد ماناوي يسدهاا ويريد سويها دم بس خلي يشوف ع عاي عماته شلون رايح يندم واذا ما نزوعه حليب امه مانطلع ولد حامد
..عمو بابا وين
احمد..ابوج مسودن ماندري يون اراضي راح وروحه روحه ماشفنه وجه من مساع
ضل عمو يتصل وكعدت ع درجات مال بابا وحاطه ايدي ع خدي وخايفه ع ماما والقلق ماكلني ع بابا
اوووف يربي منين طلعونه هذوال
حسيت بيد تربت ع جتافي لتفت لكيتها خاله
فضيله.. كومي يما بدلي ملابس ونشالله ترجع لا تخافين وعمره الظالم ما فلح ينكضون ينكضون
كومتني من الارض وكمت وياها بدلت ملابسي ورجعت ع نفس كعدتي
لحد ما كشف الوكت واني ع كعدتي وبابا مابين ..
فزيت وتلفت منا ومنا اني وين اوووف شلون حلم تعيس هاذا
الحمدلله حلم
طلعت البيت هدوء وظلمه بس الشمس مخترقه الشبابيك
ومضويه البيت بضائه خافته
دخلت للمطبخ وكعدت اسوي ريوك شنو شو اليوم ماما ماكو
سمعت صوت الباب الخارجي انفتح وشوي ودخلت علي خاله
نفس شكلها يلي شفته بلحلم رجعت بذاكرتي لا لا هاذا مو حلم
هاذا واقع
فضيله..صمله صمله خاله حتركتي
انتبهت جاي اصب الجاي ع ايدي نترت ايدي
ااحح ضلت تحركني دمعت عيوني باوعت لخاله بترجعي
..ماكو اي خبر عن ماما بعد
فضيله ..سحبت الكرسي وكعدت وحطيت ايده خدها وجرت حسره ..الله يسمع من حلكج وين ولا خبر
..شمرت روحي ع الكرسي وحاوطت وجهي بكفوف ايدي وكمت ابجي
على كعدتنه مال مساع بلحديقه ننتظر احد يجي ماكو حتا عمو نقطع عنه صالهم يومين
فضيله... سوده عليه يا ملاك يا حبيبيه وين جانتلج هاي
من الله لا يوفقكم نشالله
ندفع الباب الخارجي حيل
ودخل بابا صاير بركان ورا عمو عباس وسيف وعمو احمد
دخلو للستقبال ودخلنه وراهم
احمد.. اهدا ياخوي نشالله تنحل وترجعلك مريتك نشمرلهم الفلوس اليردوها وترجع هدي
عباس.. يلا فهد كله قسمت ربك ونشالله ترجع بس تهدي بالله وصلي ع محمد مرجعها الك
يحجون ويا وهوا حاضن راسه بكفوف ايده ومدنك راسه
ويهزز برجله واني وخاله صافنين عليهم ماندري شديصير
فضيله.. يابو غدير فهمنا شنهي السالفه
احمد.. تنهد بتعب وكال .. يردون فديه
فضيله.. ننطيهم حتا هدومنه بس خلي ترجعلنه بتنه
هز راسه عمو وباوع لبابا
كام بابا طلع وعمو يعيط ورا
احمد... لك فهد وين رايح انته ناوي على اخرتي
ناقص عمري هاذا
طلع بابا ورحت وراا
.. بابا باباا
لم قبضت ايده ودار علي حضنته وضليت ابجي
.. حترجع ماما مو
حط ايده ع راسه ويمسد عليه
فهد..ترجعلج امج لا تخافين اني مو رجال وطالع من ظهر رجال اذا مارجعتها
باس راسي وطلع
السابع والثلاثون
Start from the beginning
