HE=MY FIRST LOVE [ကိုယ့်အချစ်ဦး ](Completed)

အခန်း (၃၈) - သူမ၏သူ

ဖုန်းထဲကဓာတ်ပုံလေးကိုကြည့်နေရင်းနဲ့သူ့လက်ကလေးကဆစ်ခနဲဖျစ်ညစ်ခံလိုက်ရတာကြောင့် ရှိုင်းကသူ့ချစ်သူအားမော့ကြည့်လိုက်တဲ့အခါမင်းခန့်ထည်ရဲ့နက်မှောင်နက်ရှိုင်းသောမျက်ဝန်းတစ်စုံနဲ့တည့်တည့်ဆုံတွေ့သွားရလေသည်။ထို့ကြောင့်သူ့ဖုန်းလေးကိုအမြန်ဖွက်ထားလိုက်ပေတော့သည်။

ဒီအရိပ်လေးတွေကိုဓာတ်ပုံခိုးရိုက်ဖို့သူဘယ်လိုလုပ်ပြီးအတွေးပေါက်လာသလဲဆိုသူတို့ မေဂျာရဲ့ K- dramaရူးကြီးဖြစ်တဲ့
အမထားသရဖီဦးကညညဆိုရင် သူ့ Cbထဲမှာ Linkပို့ပေးထားတတ်တဲ့ဇာတ်ကားတွေထဲကမှ While you're sleepingဆိုတဲ့ dramaလေးထဲကနေအတုခိုးထားခြင်းပေ။

'အချစ်ဆိုတာတကယ်ကိုရူးသွပ်စေတဲ့ဆေးတစ်မျိုးပဲ ... သူတောင်K dramaထဲကအကွက်တွေနဲ့ရူးတတ်လာတာကိုပဲကြည့်လေ

သူ့ချစ်သူကြီးသာဒီအကြောင်းတွေကိုသိကြည့် တစ်နေ့တစ်မျိုးမရိုးနိုင်အောင်ကိုစနောက်နေတော့မှာပဲ.... '

မင်းခန့်ထည်ကသူ့လက်ထဲကလက်ကလေးကိုမလုံလောက်သည့်နှယ်ထပ်မံတင်းကြပ်လိုက်တဲ့အခါရှိုင်းဇေယံလည်းအနှီလူသားကိုဒီအတိုင်းကြည့်မနေနိုင်တော့ပဲ အကြောင်းစုံမေးမြန်းရန်နှုတ်ဟလိုက်ပေတော့သည်။

"ကိုခန့် ဘာဖြစ်နေတာလဲ ။
ကိုခန့်ကိုကြည့်ရတာတစ်မျိုးကြီးပဲ"

"ကိုယ် ဘာမှမဖြစ်ပါဘူး"

"သေချာလို့လား။ကျနော့်ကိုအမှန်အတိုင်းပြောပြစမ်းပါ။ဘာဖြစ်နေတာလဲ။
အကိုမင်းစက်ကိစ္စကြောင့်လား"

သူဟာအနှီမင်းခန့်ထည်ဆိုတဲ့လူသားကိုအရိပ်တကြည့်ကြည့်နဲ့အမြဲစောင့်ကြည့်နေတတ်သူမို့ သူချစ်သူမျက်နှာမကောင်းတာကိုမြင်ရရုံနဲ့တင်သူ၏နှလုံးသားလေးမှာမသက်မသာခံစားလာရစမြဲပင်။

"ရှိုင်းလေး......"

မင်းခန့်ထည်ကနူးညံ့စွာခပ်ဖွဖွလေးခေါ်လိုက်၍ရှိုင်းလက်ကလေးအားသူ၏နှလုံးသားထက်ဆီသို့ပင့်တင်အုပ်ကိုင်ထားစေကာ ကောင်လေးရဲ့မျက်ဝန်းတွေထဲသို့နွေးထွေးမြတ်နိုးစွာစိုက်ကြည့်လိုက်ရင်း ဆိုသည်။