The Mafia Lord and The Waitress (On-Going )

Kabanata 4

***BETINA***

Pabalik na ako ng coffee shop dala ang mga chocolate bar and powder na pinabili ni Sir Billy. Kailangan na makagawa ng maraming cholate mouse dahil sa sunod-sunod ang corporate meetings na naka-reserved sa function rooms nila. May dalawang maliit na function room ang coffe shop para sa 15 to 20 person, na kayang mag cater ng mga exclusive meetings place.

Muli ay naalala ko ang nangyari sa chocolate house, grabe naman ang customer na yun saksakan ng babaero talagang literal na sabay. Sabagay saksakan kasi ng pogi kaya natural na maraming babae itong nabobola, halatang mayaman ito dahil sa nakita kong suot niyang rolex na latest model at yung mga babae na lumapit sa kaniya ay mga model ng mens magazine kaya halos lahat ng mga lalake ay kita ang pagnanasa sa mga ito, kaya muli ay nakaramdam ng inis at galit sa mga lalaking kauri ni Timothy na hindi marunong makontento sa iisang babae. 

Sa dalawang buwan na lumipas ay talagang kahit papano ay naka move-on na ako, naging masaya naman ang trabaho kahit malayo ako sa mga kapatid ko,  mababait din ang mga kasama ko sa coffee shop. Isa sa ipinagpapasalamat namen ay mabait din mismo ang may-ari sa amin, libre ang food at lodging sa amin, halos lahat naman nagtatrabaho sa coffee shop ay mga single kaya malaking bagay yun sa amin na hindi minimum ang sahod. Kahit papano ay malaki ang napapala ko sa probinsya para sa kanilang pangangailangan. Sa susunod na linggo ay uuwi ako para makita sila dahil miss na miss ko na ang kambal kong kapatid na sina Harry at Henry.

***
Mabilis na lumipas ang isang linggo muli ay
halos lahat ay abala dahil sa dami ng mga walk-in customers at bukod sa naka-reserve sa conference room. Masaya kami kapag madaming customer dahil sa centralized ang tip natatanggap ng bawat isa kaya weekly ay may extra pa kaming pera.

Sa wakas ay natapos na rin ang meeting sa conference, grabe ang laki ng binayaran nila para sa tatlong oras lamang. Parang tatlong buwan na sahod ko ang katumbas Ngayon ay abala na kami sa pagpupunas ng mga mesang bakante, grabe kung kanina ay puno ngayon ay pailan ilan na lamang ang customer.

***Sir Billy***
"Tina paki-refill yung mga tissue holder"

"Yes sir"

Habang ginagawa ko ang utos ni sir, ewan ko ba pakiramdam ko ay may nakatingin sa akin. Hindi ko na lang pinansin pero may pagkakataon na napapatingin ako sa paligid para hanapin ang mga matang nakatutok sa akin.

At hindi sinasadya na napatingin ako sa labas at nakita ko ang mga taong na di ko na nanaisin na makita pang muli.

Hindi ko alam bakit andito sila na halatang para saktan ako, kasama pa nila ang ilang mga kaibigan nito, ang malas naman bakit dito pa talaga nila naisipan na magkape. Alam kong sinasadya nilang pumunta rito dahil alam nila na andito na ako nagtatabaho. Napabuntong hininga ako at napausal ng panalangin.

"Diyos ko pakibigyan ninyo po ako ng mahabang pasensya at higit sa lahat huwag ninyo akong palalakasin ng husto baka hindi ko mapigilan na mabigwasan ko ang mga kontrabida tiyak na ospital ang aabutin nila sa akin, AMEN"

Mabuti na lang at tinawag ako ni Stella, para sinadya ng tadhana na iiwas ako sa mga taong nagdudulot ng pagkasira ng araw ko,  nakisuyo ito sa akin na palitan ko muna siya sa conference room, bigla kasing sumama ang pakiramdam nito gawa ng pagbubuntis.

***Stella***
"Tina pasuyo naman ikaw na magserve sa room 2, may naiwan pa kasing mga customer doon. Yung Cafe Au Lait sa lalaking naka suit ng light grey yung sobrang pogi, yung americano kay chekwa na mataba, at yung caffe latte kay secretary girl na kinapos ng tela at yung cappuccino kay secretary  na papable din ha"

Tumango ako bilang tugon sa kaniya, kahit kailan talaga itong si Stella hindi mo alam kung nagsasabi ng totoo o taklesa lang, bago ko kinuha ang tray check ko muna kung kompleto ang extra cream at sugar sa bawat coffee, kinuha ko ang tray saktong paupo ang mga kontrabida sa table.