مر اليوم هدوء وماما كضتها كله فوك مانزلت ابد
اخذت البنات وصعدت بحجت اعرفها عليهم وهنا خطيه ماكالن شي بسرعه كامن وياي وهنا هم يردن يتعرفن ع ماما
صعدت فوك ودكيت الباب البارحه نضفنه الغرفه كولها طلعت تخبل وبابا غير التلفزيون والزوالي وجاب عمال شد السبالت طلعت الغرفه اله بشده
بس رغم الغرفه قديم لان صالها سنين وجايان موديلات بس كلش حلوه واثاثها ملكي يجنن
دكيت الباب ودخلت والبنات وراي
ماما ماكو كعدن البنات ع التخم
ودخلت للغرفه لكيت ماما مفرفحه بلبجي
ركضت عليها ... شبيج ماماا
ملاك.. صعدوني واني مادري بدنيه وين صفت بيه انفتح باب الغرفه وحسيت صحاني كل ذكره بهاي الغرفه مرت عليه مثل الشريط كدامي
الغرفه ع حطتها ممتغير بيها شي
صرت اباوع لكل مكان بيها واذكر شي صار بي و الدمعه بطرف عيني
فضيله.. اخذي راحت خيه الغرفه غرفتج لا تنسين واي شي تحتاجين اني هنا يمج
طلعت فضيله وتركتني ويا مواجعي وذكرياتي من اول دخلتي لحد اخر مره طلعت بيها والدموع بعيوني
صرت افتر بيها وابجي وشهك
بجي حابسته مال سنين
دخلت للغرفه وتفحصها بعيوني يلي غوشت من الدموع كعدت بلكاع وابجي
مادري شكد مر من الوكت حتا راح صوتي من البجي
انفتح الباب بس ماتحركت من مكان
دخلت ليال واجتي تركض علي
مجاوبتها وصفنت بوجهي اني ليش جاي ابجي واعذب نفسي اني مايحمكني رجال متخلف وهمجي ويمشيني حكمه
وراح اردها اله اقوى مسحيل اخلي يكسروني
العمر مشه وراحت احلا سنين حياتي
وكلت كلشي يهون من اشوفها بيد بنتي الشهاده وترفع راسي
بس لهنا وخلص الحجي مستحيل يستحول على حياتي ويحولها لجحيم لازم اكوم ع رجلي ورايه بنيه تنتظروني
مستحيل اخليها تشوف ضعف امها اريدها قويها ويا هاذا الزمن ويا الوحوش يلي بي
كمت من مكاني وتوجهت للحمام
وليال تبجي وتباوعلي
غسلت وجهي وطلعت اخذت ملابس من الجنطه بدلت وطلعت
لازم اتاقلم ويا حياتي بس يحلم اخلي يلمس شعره مني ادري حقه وهسا اني حلاله
بس اني الرجال ماتقبله واكره خلي يمارس حقوقه علي لا مستحيل
فهد
رحت كعدت على الشط والهوا البارد يضرب عليه
صفنت ورجعت بذاكرتي ليورا
من طلكت ملاك
كلمه طلعت مني لاارادي حسيت نارر وتشعل بيه من دارت وجها وراحت
طلعت مثل المخبل وركبت السياره
وافتر بشوارع ومادري دربي وين
صفيت السياره يم الشط وكعدت ع الصخر
ودخن بهلجكاير
ذبيت حركتي كلها بيها شي ماجاي استوعبه اني شلون تجرأت وطلكتها
كمت اضرب ايد بايد من حركت كلبي
لحد ما كشفت الدنيا يلا رجعت للبيت
وصلت ولكيت الحجيه كاعده برا ع الكرسي
الحجيه جميله.. بعد وكت يفهيد جان ظليت اكثر برا الدار
تقربت منها.. عذريني حجيه بس صار عندي شغل وتاخرت
الحجيه جميله.. تلعمني بيك يفهيدان تالي وكت تضم عله امك حاجه وماتكولها
احجي يبعد امك شلي مضايك
..حجيه موزين عليج الجوا بادر خلي ندخل جوا دخلتها جوه وسندتها علي
الحجيه جميله.. ودينه لحجرتي واريد اشوف اليوم وين توصل اشو
الحجيه جميله .. وهسا احجي يما شلي مضايك خلكك انا امك يفهد احجيلي
فهد..تنهدت وباوعت لمي .. حجيه بس شوفتج ونتي زينه تردلي الحيل كله مابيه شي
الحجيه جميله.. عبن تحبنها عيونك تحجي شي ثاني
فهد..لو احبها ما طلكتها سدي السيره يما رحمه لوالديج وطاريها ماريده ينذكر بهلبيت
الحجيه جميله..باوعتله صفح .. كول هلحجي لكليبك عود وهزت يدها
فهد..حجيه مبين مارح تفكين ياخه مني اني رايح وراحت روحي نشالله
طلعت وسمعها تكول
الحجيه جميله.. اسم الله عليك يومي كبل يومك
.. مرت الايام وصارت حياتي كلها يم شط اكعد ليوم ثاني يلا ارجع ولحجيه عطالعه ونازله مسمعتنه حجايه
صدفه ورحت للشغل لكيت الشغل متراكم عليها ورجعت شغلي وكمت قليل ارجع للبيت
كلها سكتت ويتغاضون يجيبون سيرتها
بس كلبي وتفكيري غير عنهم ماناوي ينساها
كمت اهلك نفسي بلتعب حتا بس اتعب وانام
تعودت ع حياتي المبعثره يلي مالها بدايه ولا نهايه
وحتا سيف هملته ونسيته
مرت الاشهر واجه يوم غير حياتي كلها
يوم عرفت ملاك حامل
طرت من الفرح بس العصبني اني اخر من يعلم واني ابوها ويلي عرفته هيا متقدم بالاشهر يعني مو هسا حملها ...
توفت الحجيه يلي وفاتها خلاني اصحه من القوقعه يلي جنت عايشها
صحتني ع هواي امور جنت غافل عنها وهي ابن اخوي وهمالي لعائلتي يلي امي صرت قليل اشوفها
كسرتني بروحتها حسيتها راحت وزعلانه مني ادري مقصر وياها نحرمت من شوفتها الفتره الاخير وصرت اعض ايدي ندم ..
الخامس والثلاثون
Start from the beginning
