قعدنا كلنا في دايره مستنين الحاج تاي يحكي
= ها.. ما تقول كنتوا قاعدين زي ال مطلقين كده ليه.
تاي = هحكي هحكي الصبر بس... اولا احنا نزلنا مصر بعد ما بوسنا ايد المانجر اللي ذل امنا عقبال ما رضي واخيرا بعد ما حورنا شويه هو رضي بس قال نختار مكان محدش يتوقعه فاخترنا مصر وفي الأول والآخر مصر ام الدنيا
ساره " انت مش من عبدين صح يلا" وسكتت بعد ما بصتلها بصتي اللطيفة ديه علشان الفضول هيقتلني.
= هو انا ليه حاسه أن القصه ديه سمعتها قبل كده... وفي هذه اللحظه افتكرت اهلي وأهل الخر.. قصدي صاحبتي اللي ذلونا نفس الذل
= كمل يا ابني كمل.
تاي = المهم رضي واحنا كان نفسنا نحس بالحريه شويه فقررنا اننا ننزل مصر من غير ما نقول للارميز.
= انت عارف لو الارميز اكتشفوا الموضوع دول هينفخوكم المهم كمل يا عم كمل.
تاي = نزلنا من يومين بس وقررنا نتمشى شويه ومن حيث لا ندري بعدنا عنهم علشان الطفس كان نفسه في دره... انا لو ماشي مع ابن خالتي مكنش ريل على كل حاجه بالطريقه ديه.
كوك بعنين القطط = كنت جعان اوي وديه اول مره ادوق الاكل المصري...
ساره و هيه بتاخده في حضنها " ما تزعلش يا خويا تاكل وتتهني ونريل مع بعض وناكل.. هدوقك كل حاجه انت نفسك فيها وهيه خنز... قصدي صاحبتي هتدفع"
انا في ثانيه كنت فوقيئها بنتف شعرها وكوك وتاي بيحاولوا ينزلوني وبعد محاولات كتير نزلت
تاي = لا حول ولا قوة الا بالله
= هتُسلم على أيدي متخافش وهنتجوز ونجيب عيال كتير اوي.
تاي = طيب الحق انا العصر بقى
ساره" مشممكن الإيمان و التقوى مشممكن "
= طيب هتعملوا ايه دلوقتي.. ما ترنوا عليهم أو تعملوا اي حاجه ..
كوك وهو بيبص بعيد = التليفون اتسرق
تاي = اتكسف يا بيه اتكسف متقولهم انه اتسرق وانت ملهي تاكل البطاطا قولهم يلا يا حلو.
= وانت يا بيه ايه عذرك
تاي = انتي بالذات متتكلميش انتي السبب الموبايل اتحرق بعد ما غرقنا يا حلوه.
= بص هساعدك بس عندي شروط
تاي = وانتي كمان ليكي عين تتكلمي بعد كل اللي عملتيه الله يلعنك يا شيخه
= مشممكن بيحبني مشممكن المهم هتقبل الشروط ولا هتفضل قاعد زي المطلقين كده.
تاي = اطربيني بصوتك
= ايوه كده اتعدل... اولا هتواعدني ثانيا هتاخدني معاك ثالثا هعيش معاكم في نفس البيت ورابعا هناخد الكلبه ديه معانا.
