"Oh, okay. Nagsasuggest lang naman," sagot niya at inaya niya na lang akong bumalik sa sala dahil ayaw niya naman daw magmeryenda.
Tahimik na lamang kaming nanood sa TV hanggang sa biglaan na lang akong dinalaw ng antok. Nilingon ko siya at kaagad naman ding nagtama ang paningin naming dalawa.
"Sleepy?" tanong niya sa akin bago siya tumayo upang matabihan ako.
"A bit," sagot ko na lang at hindi ko alam kung anong pumasok sa kokote ko dahil bigla na lang akong humilig sa kaniya.
Kahit na wala siyang ginawa kundi ang asarin ako ay hindi ko maiitangi na lumapit na ang loob ko sa kaniya.
Stop it, Azalea Eve. Matulog ka na lang.
Hindi ko na namalayan na nakatulog na nga ako at nang iminulat ko na ang aking mga mata, nasa loob na ako ng kwarto ko, baka dinala ako dito ni Kuya Azriel.
"I'm a bit hungry," sambit ko na lang tuloy sa sarili ko bago ako tumayo.
Pupunta na sana ako sa pinto nang mapansin ko bigla ang cellphone ko kaya kinuha ko na muna. Pagkabukas ko ay bumungad sa akin ang text galing sa isang unregistered number.
From: Unregistered Number
Anak, mommy mo 'to. Pasensya ka na kung ngayon lang ulit ako nagparamdam. Nasa Singapore ako ngayon dahil sinama kami ng boss namin.
Sana ay nagsabi siya kaagad. Hindi yung nawindang ako sa kakaisip kung bakit hindi niya sinasagot ang mga tawag ko.
Napabuntong hininga na lang tuloy ako bago ako nagtipa ng reply sa kaniya.
To: Unregistered Number
Ingat po kayo diyan. Sa tingin niyo po, kailan kayo makakauwi?
Kung sakaling hindi talaga siya makakauwi ngayon, hihintayin ko na lang siya.
Gagawin ko yung suggestion ni Kuya Azriel. I will try to convince my father na sa Maynila na muna ako mag-aaral. Papayag naman siguro 'yon. Gustong-gusto ko lang talagang makasama ang nanay ko.
Nang tumunog naman na ulit ang cellphone ko ay binasa ko na kaagad ang bagong message.
From: Unregistered Number
Medyo matatagalan pa kami dito kaya baka hindi na kita maabutan diyan sa Pilipinas.
Maaabutan mo pa ako, Mommy. Akong bahala.
Hindi ko na muna siya nireplyan at lumabas na lang muna ako ng kwarto. Pagkalabas ko ay natanaw ko sila Lolo na nanonood pa sa salas.
"Apo, ipaghahain kita. Paniguradong nagugutom ka na," sambit kaagad ni Lola nang makita niya ako.
Kabanata 4
Start from the beginning
