عَلَى ذِمّـة ذِئَبٌ ج1 + بَراثِنُ الذَّئِابُ ج2

الفصل الرابع عشر من الجزء الثاني

رواية "بَراثِنُ الذَّئِابُ"
الجُزء الثاني من رواية "عَلَى ذِمَّة ذِئَبٌ"

"الفَصْلُ الرَّابِعُ عَشَرَ"

تصلب جسدها بعد ذلك الأعتراف، من المفترض أن أجمل لحظة من لحظات الحب هي وقت الأعتراف، ولكن بالنسبة إليها أسوأ لحظات حياتها، أصابتها الصدمة بشكلٍ ملحوظ، قطبت جبينها بشدة وهي تتراجع للخلف مرددة بذهولٍ :
_إنت قولت إيه؟!!..

نظر لها بريبة وهو يقول :
_هو أنا قولت حاجة غلط!!.. أنا بقول إني بحبك يا روان!!..

حاولت التماسك وهي تقول بضجر :
-طائف ده مش حب!!.. ده مجرد تعاطف مش أكتر، متعاطف معايا عشان إللي حصلي، وعشان إنت حاسس بذنب بسبب أفعال أبوك، فـ ده مش حب، ده تعاطف!!..

قبض على كف يدها قائلاً وهو يحدق في عينيها :
-لأ أنا بحبك، أنا عارف أنا بقول إيه كويس، أنا بحبك فعلاً يا روان.

تخشب جسدها للوهلة، هو يؤكد لها حبه، هتفت بعد صمت دام لنصف دقيقة :
_لأ، الحب ده غلط.

أنقبض قلبه وهو يسألها :
_يعني إيه؟!!..

أجابته بملامح متهجمة :
_يعني حبك ليا ده أكبر غلط، لأن أنا مش بحبك ولا هينفع حتى أحبك.

وكأنها صفعته للتو، تسائل بصوت حاول إخراجه كـ نبرة عادية :
_ليه؟؟!!..

هتفت بجدية وضيق :
_شوف يا طائف، إنت كنت جدع معايا، وأنقذتني من الموت مرتين، بس أنا آسفة، أنا لا يمكن أتجوز إبن رأفت الحديدي.

أغمض جفنيه بقوة محاولاً التماسك على قدر من المستطاع، تابعت هي بدون شعور :
_لا يمكن أتجوز إبن الراجل إللي هددني بحياتي لو منفذتش أمره، وإللي خطفني، إزاي أتجوزك وأبوك حاول يقتلني قبل كده؟؟!!.. أبوك معندوش ذرة من الرحمة!!..

يعلم تلك الحقيقة فـ زاد ألمه أضعاف، حيثُ قال بأمل :
_بس أنا مش كده!!..

أُتلفت أعصابها من كثرة الضغوطات النفسية المستمرة، فاض بها الكيل ولم تعد قادرة على تحمل المزيد، فـ صرخت بدون وعي منها :
_بس إبنه بردو، إبنه سواء رضيت أو أعترضت!!.. إبنه من لحمه ودمه!!.. وأنا لا يمكن أوافق على جوازي منك!!..

أنهمرت دموعها قائلة :
_أنا عاوزة أبقى عايشة في أمان، إنما لو أتجوزتك هدخل الجحيم.

فتح عيناه أخيراً ليقول بنبرة خالية من الحياة :
_وأنا محبش إني أبقى سبب دخولك الجحيم يا روان.

نطق إسمها بضعف، شعرت بتأنيب ضمير بعد أن أستوعبت، هتفت بحرج :
_أنا مكنش قصدي يا طائف، الصدمة بس خدتني جامد و....

قاطعها بقوله الجاد :
_مفيش داعي للأعتذار.

ثم إبتسم بسخرية على حاله وقلبه يتمزق :
_هي مجتش عليكي إنتي كمان.