✔ 02 | Flames Of Madness [Published Under PSICOM]

CAPITULUM 64

It flickered for a few minutes, before the Robinhood Arsonist threw it into the pit of hell he created. Kasabay ng pagsiklab ang apoy, sumiklab na naman ang galit sa puso ng arsonist. Pagkatapos ng mahigit isang dekada, maaalis na rin ang bigat sa kanyang dibdib. Sa wakas, makakalaya na rin si Terrence sa mapait niyang reyalidad.

"Say hi to Satan for me, attorney. He misses you..."

Still, Lelouch's eyes harbored no fear. 'Nagtatapang-tapangan pa rin? Bullshit.'

Hindi na niya napigilan ang sarili. Galit na pinagsisisipa ni Terrence ang abogado, paulit-ulit hanggang sa mamilipit na ito sa sakit. Sa di-kalayuan, tahimik na pinagmasdan ni Nova ang paghihirap ng dating kasintahan. Lalong lumawak ang mapanganib na ngiti sa mga labi ni Terrence at kinaladkad papalapit sa kanyang impyerno ang binata.

"After I'm done with you, I'll have fun with your girlfriend.. walang-awa ko siyang gagahasain, katulad ng ginawa ko noon kay Janella."

Napansin niyang namutla ang abogado nang marinig ito.

'Tingnan na lang natin kung kaya mo pang maging matapang kapag nakaharap mo na ang kamatayan..'

Ihahagis na niya sa hukay si Lelouch, ngunit bago pa man siya angkinin ng apoy, malakas na napamura si Terrence nang maramdaman ang pagtama ng isang fireball sa kanyang kamay. "TANGINA!" Dahil dito, nabitiwan niya si Lelouch na nanghihinang bumagsak sa lupa.

Nang lingunin ng Robinhood Arsonist ang pinagmulan ng fireball, agad siyang nanlata nang makitang kalmadong nakasandal sa isang puno si Detective Nico Yukishito.

'P-Paanong...?'

He lowered his arm that had a small back device strapped to his wrist. Soon, an arrogant smirk graced the detective's lips as he glared at him. When he saw the burnt marks on Terrence's shoulders, he knew they caught their criminal.

"Quite foolish of you, Terrence Hidalgo.. or should I call you 'Macky'?"

Fuck.

*

Nang marinig ni Detective Briannova Carlos ang boses ni Nico, agad siyang kumawala sa lubid na nakatali sa kanyang mga kamay. Pasimple niyang ibinalik sa kanyang bulsa ang cutter na kanina niya pa ginagamit sa pagkalas nito. While Terrence was distracted, she immediately took advantage of the situation.

'Gosh! Why do I always find myself entangled in his wicked plans?'

Well, that doesn't matter now. Kailangan niyang gawin ang parte niya sa kanilang plano.

Save Lelouch.

Maingat niyang kinuha ang nataling tela sa kanyang baywang. Natatakpan ito ng maluwag niyang blouse kaya madali niya itong naitago sa arsonist. She covered herself with the invisibility cloak and crawled towards the attorney.

Hanggang ngayon, namimilipit pa rin sa sakit si Lelouch dahil sa pagkakasipa sa kanya ng arsonist. Hinihingal pa ito at bakas sa mukha nitong nahihirapan na siya. Agad na nakaramdam ng awa si Nova para sa dating kasintahan. Ano bang ginawa niya para magalit sa kanya ang Robinhood Arsonist?

'Hang in there, attorney.'

Nang marating na niya ang pwesto ni Lelouch, kinuha niya muli ang cutter at sinimulan nang kalasin ang mga lubid nito. Lelouch weakly eyed her in a daze. He managed a forced smile on his lips.

"Alam mong ako ang isusunod ng arsonist.. kaya ka nakipagkita sa'kin kanina." Bulong nito.

Marahang tumango si Nova. Nagpapasalamat na lang siya't tuluyan nang naibaling ni Terrence ang kanyang atensyon kay Nico. Sa gilid ng kanyang mga mata, nakita niyang sumesenyas sa kanila si Rizee na nagtatago sa likod ng mga halaman. Katulad ng napag-usapan nila, may kasama itong ilang armadong pulis at medic.

Umaayon ang lahat sa kanilang mga plano.

Kahapon, nang mapagtagpi-tagpi nila ang mga detalye ng kaso at ang tungkol sa stalker ni Lelouch nitong mga nakaraang linggo, napagtanto nila Nova na ang district attorney ang susunod na biktima ng Robinhood Arsonist. At dahil kailangan nilang i-"expose" ang katauhan ng kriminal, they decided to take the risk.

"Pero paano nalaman ni Nico ang lokasyon natin?"

She smirked, "We used the tracking device. Kanina pa ito nakatago sa bulsa ko."

Sinadya niyang madamay. Para sa kaligtasan ni Lelouch at para mahuli ang arsonist, Nova agreed to put herself in danger.

Nang maalis na ni Nova ang mga lubid sa kamay ni Lelouch, she started cutting through the rope on his feet. Ilang sandali pa, tuluyan nang nakakawala ang abogado. Gamit ang invisibility cloak, mabilis niya itong  itinaklob sa kanilang dalawa. Nang mga sandaling iyon, bumaling sa direksyon nila si Terrence.

Anger and confusion flared in his eyes.

"NASAAN SILA?!"

Nova smirked. 'He couldn't see us. Damn, I need to get myself one of these!'

Nang hindi ito napapansin ng kriminal, dahan-dahan silang gumapang papunta sa kinaroroonan nina Rizee. Agad na nilapitan ng medic ang binata nang makita ang kalagayan nito. Nang dumako ang mga mata ni Nova sa district officer, napansin niyang nakabantay pa rin ito sa direksyon nina Nico at Terrence. In the glow of the flames the arsonist created, Nova can see the pain in Rizee's eyes.

Hindi man nito ipinapahalata, pero alam niyang nasasaktan pa rin ito sa katotohahang ang boyfriend niya ang kriminal sa likod ng maskara ng Robinhood Arsonist.

Ang katotohanang ginamit lang siya ni Terrence para bantayan ang kilos nila.

Nova wanted to comfort her, but she knows it wouldn't do any good. Sa ngayon, nakasalalay sa mga estratehiya ni Nico ang katapusan ng kasong ito.

They needed to trust him.

---