فرطِ الحب

😅الفصل العشرين😅

-ماشي بس حاولي تندمجي معانا أكتر، وأحمدي ربنا ان ريم بتتعامل مع الموقف كده، عارفه ده معناه أيه؟

-أيه؟

تحركت أعين ليان داخل مقلتيها بتفكير قبل أن تسألها في غباء، فضربت وسام أعلى رأسها مزمجره من بين أسنانها بنبرة خافتة:

-صبرني يارب، معناه انها بتديكي فرصة عشان الحياة ترجع طبيعية،
فحتى لو مرجعتوش زي الأول بس على الأقل هي عايزة تتعايش مع الموقف عشان خاطر أخوكي ولازم تظهري امتنانك مش تفضلي قاعدة زي اللوح كده.

صمت كلاهما في ارتباك عندما خرجت ريم التي عكست ارتباكهما بسبب صمتهم المفاجئ الذي يفشي بأنها كانت محور حديثهما، قاطعت وسام التوتر الذي ملء المكان بين ثلاثتهم قائلة:

-تسلم إيدك، ااه صحيح مكملتيش الست عملت ايه لما ريان طردها.

جلست ريم جوارها محاولة تفادي النظر إلي ليان ثم ابتسمت بخفة متذكرة تهليل سونيا الذي عقب طردها من المنزل مجيبة:

-ولا حاجة مشيت وبعدها خرجنا قضينا اليوم عادي.

-مجنونة مش مصدقة انك عرضتي عليه عروسة فعلًا بعد ما كنتوا خلاص.

قالت وسام وهي تضرب كف فوق الأخر، فبررت ريم في سرعة بابتسامة منتصرة:

-لا والله ما حصل، أنا آه كلمتها بس كان من فترة لما هو استفزني وقالي عايز عروسة،
بس هي اللي مجنونة وطبت علينا زي القضا المستعجل.

-أحسن عشان يحرم يضايقك تاني!

تدخلت ليان بابتسامة مترددة وقد عزمت على المحاولة والاندماج بينهما، فأرسلت لها ريم في أدب وهي تومأ رأسها بالموافقة.

-أنا هكلم ريان أشوفه اتأخر ليه؟

-قوليله اوعى ينسى يعدي على بيجاد يجيبوا معاه.

قالت وسام في لهجة سريعة متلهفة فضحكت ريم محركة رأسها بالموافقة.

******

وضع ريان الطعام داخل السيارة ثم تنفس الصعداء سعيد بتلقي طلبيته بعد أن تأخر المطعم كثيرًا في تسليمه، الهاهُ عن تذمره رنين الهاتف ليجيب سريعًا:

-عارف اتأخرت بس المطعم كان زحمة، اديني نص ساعة وهكون عندكم انا استلمت الأكل خلاص.

ابتسم وهو يتحرك بالسيارة قائلًا في صوت مُسكر ببحته الرجولية:

-طيب مش عايزة تقوليلي حاجة تانية؟